ಬೆಂಗಳೂರು, 05 ಆಗಸ್ಟ್ (ಹಿ.ಸ.):

ಮಳೆಯ ಸಂಭ್ರಮಕ್ಕೆ ರುಚಿಕರ ಸಾಬುದಾನಾ ಪಾಪ್ಸ್

ಮಳೆಯ ವಾತಾವರಣದಲ್ಲಿ ಬಿಸಿ ಬಿಸಿ ತಿಂಡಿಗಳನ್ನು ಸವಿಯುವ ಖುಷಿಯೇ ಬೇರೆ. ಅಂಥ ಮಳೆಗಾಲದ ಸಂಜೆಗೆ ಕರಕರೆಯಾದ ಸಾಬುದಾನಾ ಪಾಪ್ಸ್ ಅತ್ಯುತ್ತಮ ಸ್ನ್ಯಾಕ್ ಆಗಿದ್ದು, ಚಹಾದೊಂದಿಗೆ ಸವಿದರೆ ಅದರ ರುಚಿ ಮತ್ತಷ್ಟು ಹೆಚ್ಚುತ್ತದೆ. ಹೊರಭಾಗದಲ್ಲಿ ಕರಕರೆಯಾಗಿದ್ದು, ಒಳಭಾಗದಲ್ಲಿ ಮೃದುವಾಗಿರುವ ಈ ತಿಂಡಿ ಮನೆಯಲ್ಲೇ ಸುಲಭವಾಗಿ ತಯಾರಿಸಬಹುದು.

ಸಾಬುದಾನಾವನ್ನು ನಾಲ್ಕರಿಂದ ಐದು ಗಂಟೆಗಳ ಕಾಲ ನೆನೆಸಿ ನೀರನ್ನು ಸಂಪೂರ್ಣವಾಗಿ ಬಸಿದುಕೊಳ್ಳಬೇಕು. ಬೇಯಿಸಿದ ಆಲೂಗಡ್ಡೆ, ಹುರಿದ ಕಡಲೆಕಾಯಿ ಪುಡಿ, ಹಸಿಮೆಣಸು, ಶುಂಠಿ, ಕೊತ್ತಂಬರಿ ಸೊಪ್ಪು, ಜೀರಿಗೆ, ಗರಂ ಮಸಾಲಾ, ನಿಂಬೆರಸ ಹಾಗೂ ಉಪ್ಪನ್ನು ಸೇರಿಸಿ ಚೆನ್ನಾಗಿ ಕಲಸಿ ಮೃದುವಾದ ಮಿಶ್ರಣ ತಯಾರಿಸಬೇಕು. ನಂತರ ಸಣ್ಣ ಉಂಡೆಗಳಂತೆ ಉರುಳಿಸಿ ಮಧ್ಯಮ ಉರಿಯಲ್ಲಿ ಬಂಗಾರದ ಬಣ್ಣ ಬರುವವರೆಗೆ ಕರಿಯಬೇಕು. ಹೆಚ್ಚುವರಿ ಎಣ್ಣೆಯನ್ನು ಟಿಷ್ಯೂ ಪೇಪರ್‌ನಿಂದ ಹೀರಿಸಿಕೊಂಡ ಬಳಿಕ ಹಸಿರು ಚಟ್ನಿ, ಟೊಮೆಟೊ ಸಾಸ್ ಅಥವಾ ಮಸಾಲಾ ಚಹಾದೊಂದಿಗೆ ಬಡಿಸಬಹುದು.

ಸಾಬುದಾನಾವನ್ನು ಹೆಚ್ಚು ನೀರಿನಲ್ಲಿ ನೆನೆಸಬಾರದು. ಕಡಲೆಕಾಯಿ ಪುಡಿ ಸೇರಿಸಿದರೆ ಪಾಪ್ಸ್ ಇನ್ನಷ್ಟು ಕರಕರೆಯಾಗುತ್ತವೆ. ಆರೋಗ್ಯಕರ ಆಯ್ಕೆಯಾಗಿ ಏರ್ ಫ್ರೈಯರ್‌ನಲ್ಲಿ 180 ಡಿಗ್ರಿ ಸೆಲ್ಸಿಯಸ್‌ನಲ್ಲಿ 15–18 ನಿಮಿಷ ಬೇಯಿಸಬಹುದು. ಮಕ್ಕಳಿಗಾಗಿ ಚೀಸ್ ತುಂಡುಗಳನ್ನು ಸೇರಿಸಿದರೆ ರುಚಿ ಇನ್ನಷ್ಟು ಹೆಚ್ಚುತ್ತದೆ.

ಮಳೆಗಾಲದ ಸಂಜೆಯಲ್ಲಿ ಕುಟುಂಬದೊಂದಿಗೆ ಬಿಸಿ ಬಿಸಿ ಸಾಬುದಾನಾ ಪಾಪ್ಸ್ ಸವಿಯುವುದು ರುಚಿಕರ ಅನುಭವವಾಗಿದ್ದು, ಮನೆಮಂದಿಯ ಮೆಚ್ಚಿನ ತಿಂಡಿಯಾಗಿದೆ.

---------------

ಹಿಂದೂಸ್ತಾನ್ ಸಮಾಚಾರ್ / Rakesh.M.B.