ಜಮ್ಮು, 05 ಜುಲೈ (ಹಿ.ಸ.):

ಆ್ಯಂಕರ್:

ಅಮರನಾಥ ಯಾತ್ರೆಯ ನಾಲ್ಕನೇ ತಂಡವು ರವಿವಾರ ಮುಂಜಾನೆ ಜಮ್ಮುವಿನ ಭಗವತಿ ನಗರ ಯಾತ್ರಿನಿವಾಸದಿಂದ ಕಣಿವೆಯ ಎರಡು ಮೂಲ ಶಿಬಿರಗಳಾದ ಬಾಲ್ಟಾಲ್ ಮತ್ತು ಪಹಲ್ಗಾಮ್ ಮಾರ್ಗಗಳಿಗೆ ಕಟ್ಟುನಿಟ್ಟಿನ ಭದ್ರತೆಯ ನಡುವೆ ಪ್ರಯಾಣ ಆರಂಭಿಸಿತು.

ಒಟ್ಟು 6,721 ಯಾತ್ರಿಕರು ಈ ತಂಡದಲ್ಲಿ ಪ್ರಯಾಣ ಬೆಳೆಸಿದ್ದು, ಇವರಲ್ಲಿ 2,590 ಮಂದಿ ಬಾಲ್ಟಾಲ್ ಮಾರ್ಗ ಹಾಗೂ 4,131 ಮಂದಿ ಸಾಂಪ್ರದಾಯಿಕ ಪಹಲ್ಗಾಮ್ ಮಾರ್ಗವನ್ನು ಆಯ್ಕೆ ಮಾಡಿಕೊಂಡಿದ್ದಾರೆ.

ಈ ತಂಡದಲ್ಲಿ 4,576 ಪುರುಷರು, 1,310 ಮಹಿಳೆಯರು, 22 ಮಕ್ಕಳು, 572 ಸಾಧುಗಳು, 154 ಸಾಧ್ವಿಯರು ಸೇರಿದಂತೆ 38 ವಿದೇಶಿ ಪುರುಷರು ಮತ್ತು 49 ವಿದೇಶಿ ಮಹಿಳೆಯರು ಸೇರಿ ಒಟ್ಟು 87 ವಿದೇಶಿ ಭಕ್ತರು ಪಾಲ್ಗೊಂಡಿದ್ದಾರೆ.

ಅಧಿಕಾರಿಗಳ ಮಾಹಿತಿ ಪ್ರಕಾರ, ಬಾಲ್ಟಾಲ್ ಮಾರ್ಗದ ಯಾತ್ರಿಕರನ್ನು ಹೊತ್ತ 152 ವಾಹನಗಳ (50 ಬಸ್‌, 12 ಮಧ್ಯಮ ಗಾತ್ರದ ವಾಹನಗಳು ಮತ್ತು 90 ಲಘು ವಾಹನಗಳು) ಬೆಂಗಾವಲು ಪಡೆ ಬೆಳಿಗ್ಗೆ 3.15ಕ್ಕೆ ಭಗವತಿ ನಗರದಿಂದ ಹೊರಟಿತು.

ಇನ್ನೊಂದೆಡೆ, ಪಹಲ್ಗಾಮ್ ಮಾರ್ಗದ 139 ವಾಹನಗಳ (84 ಬಸ್‌, 25 ಮಧ್ಯಮ ಗಾತ್ರದ ವಾಹನಗಳು ಮತ್ತು 30 ಲಘು ವಾಹನಗಳು) ಬೆಂಗಾವಲು ಪಡೆ ಬೆಳಿಗ್ಗೆ 3.45ಕ್ಕೆ ಪ್ರಯಾಣ ಆರಂಭಿಸಿತು.

ವಾರ್ಷಿಕ ಅಮರನಾಥ ಯಾತ್ರೆಯನ್ನು ಬಹುಹಂತದ ಭದ್ರತಾ ವ್ಯವಸ್ಥೆಯಡಿ ನಡೆಸಲಾಗುತ್ತಿದ್ದು, ಯಾತ್ರೆ ಸುಗಮ ಮತ್ತು ಸುರಕ್ಷಿತವಾಗಿ ನಡೆಯಲು ನಾಗರಿಕ ಆಡಳಿತ, ಜಮ್ಮು-ಕಾಶ್ಮೀರ ಪೊಲೀಸ್, ಭದ್ರತಾ ಪಡೆಗಳು ಹಾಗೂ ಶ್ರೀ ಅಮರನಾಥಜಿ ಶ್ರೈನ್ ಬೋರ್ಡ್ ಸಮನ್ವಯದಿಂದ ಅಗತ್ಯ ವ್ಯವಸ್ಥೆಗಳನ್ನು ಕಲ್ಪಿಸಿವೆ.

---------------

ಹಿಂದೂಸ್ತಾನ್ ಸಮಾಚಾರ್ / Rakesh.M.B.