ನವದೆಹಲಿ, 30 ಏಪ್ರಿಲ್ (ಹಿ.ಸ.) :

ಆ್ಯಂಕರ್ : ರಾಷ್ಟ್ರೀಯ ಸ್ವಯಂಸೇವಕ ಸಂಘದ ಶತಮಾನೋತ್ಸವದ ಅಂಗವಾಗಿ ದೆಹಲಿಯ ಕೇಶವ್ ಕುಂಜ್ ಅಶೋಕ್ ಸಿಂಘಲ್ ಸಭಾಂಗಣದಲ್ಲಿ ‘ಸಂಘ ಗಂಗಾ ಕೆ ತೀನ್ ಭಾಗೀರಥ’ ಹಿಂದಿ ನಾಟಕದ 100ನೇ ಪ್ರದರ್ಶನ ಬುಧವಾರ ಸಂಜೆ ನಡೆಯಿತು.

ಈ ನಾಟಕವು ಸಂಘದ ಮೊದಲ ಮೂವರು ಸರಸಂಘಚಾಲಕರಾದ ಕೇಶವ್ ಬಲಿರಾಮ್ ಹೆಡ್ಗೇವಾರ್, ಮಾಧವ್ ಸದಾಶಿವ್ ಗೋಲ್ವಾಲ್ಕರ್ (ಗುರುಜಿ) ಹಾಗೂ ಬಾಲಾಸಾಹೇಬ್ ದೇವರಾಸ್ ಅವರ ಜೀವನ ಮತ್ತು ಕೊಡುಗೆಗಳನ್ನು ಆಧರಿಸಿದೆ. ಸಂಘದ ನೂರು ವರ್ಷಗಳ ಪಯಣವನ್ನು ನಾಟಕದ ಮೂಲಕ ಪರಿಣಾಮಕಾರಿಯಾಗಿ ಚಿತ್ರಿಸಲಾಗಿದೆ.

ಈ ಸಂದರ್ಭದಲ್ಲಿ ಮಾತನಾಡಿದ ದೆಹಲಿ ಸರ್ಕಾರದ ಕಲೆ, ಸಂಸ್ಕೃತಿ ಮತ್ತು ಭಾಷಾ ಸಚಿವ ಕಪಿಲ್ ಮಿಶ್ರಾ, ಇಂತಹ ನಾಟಕಗಳು ದೇಶಭಕ್ತಿ, ಶಿಸ್ತು ಮತ್ತು ಸಂಘಟನೆಯ ಮನೋಭಾವವನ್ನು ಬಲಪಡಿಸುತ್ತವೆ ಎಂದು ಹೇಳಿದರು. “ಗಂಗಾನದಿಯಂತೆಯೇ ಈ ಸಾಂಸ್ಕೃತಿಕ ಹರಿವು ನಿರಂತರವಾಗಿ ಸಮಾಜಕ್ಕೆ ಹೊಸ ದಿಕ್ಕು ನೀಡುತ್ತದೆ,” ಎಂದು ಅವರು ಅಭಿಪ್ರಾಯಪಟ್ಟರು.

‘ಸಂಘ ಗಂಗಾ ಕೆ ತೀನ್ ಭಾಗೀರಥ’ ನಾಟಕವನ್ನು ಶ್ರೀಧರ್ ಗಾಡ್ಗೆ ರಚಿಸಿದ್ದು, ಸಂಜಯ್ ಪೆಂಡ್ಸೆ ನಿರ್ದೇಶಿಸಿದ್ದಾರೆ. ಈ ನಾಟಕವು ಸಂಕಷ್ಟಗಳ ನಡುವೆಯೂ ರಾಷ್ಟ್ರಹಿತವನ್ನು ಮುಂಚೂಣಿಯಲ್ಲಿ ಇಟ್ಟುಕೊಂಡು ಶಕ್ತಿಶಾಲಿ ಸಂಸ್ಥೆಯನ್ನು ನಿರ್ಮಿಸಿದ ಮಹನೀಯರ ಬದುಕನ್ನು ಜೀವಂತಗೊಳಿಸುತ್ತದೆ.

ಸಂಘದ ಶತಮಾನೋತ್ಸವದ ನೆನಪಿಗಾಗಿ ದೇಶದಾದ್ಯಂತ ಈ ನಾಟಕವನ್ನು ಪ್ರದರ್ಶಿಸಲಾಗುತ್ತಿದ್ದು, 2025ರ ಏಪ್ರಿಲ್ 30ರಿಂದ ಆರಂಭವಾದ ಈ ಪ್ರದರ್ಶನಗಳು ಪ್ರೇಕ್ಷಕರಿಂದ ಉತ್ತಮ ಪ್ರತಿಕ್ರಿಯೆ ಪಡೆಯುತ್ತಿವೆ.

ಕಾರ್ಯಕ್ರಮದಲ್ಲಿ ಸಂಘದ ಅಖಿಲ ಭಾರತ ಪ್ರಚಾರ ಮುಖ್ಯಸ್ಥ ಸುನಿಲ್ ಅಂಬೇಕರ್ , ಸಾಮಾಜಿಕ ಕಾರ್ಯಕರ್ತರು, ಸಾಹಿತಿಗಳು, ಕಲಾವಿದರು ಹಾಗೂ ನಾಗರಿಕರು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸಿದ್ದರು.

ಹಿಂದೂಸ್ತಾನ್ ಸಮಾಚಾರ್ / Rakesh Mahadevappa