ಬೆಂಗಳೂರು, 08 ನವೆಂಬರ್ (ಹಿ.ಸ.) :

ಆ್ಯಂಕರ್ : ರಾಷ್ಟ್ರೀಯ ಸ್ವಯಂಸೇವಕ ಸಂಘದ ಕುರಿತು ನಡೆಯುತ್ತಿರುವ ಚರ್ಚೆಗಳು ಬಹುತೇಕ ತಪ್ಪು ಕಲ್ಪನೆಗಳ ಮೇಲೆ ಆಧಾರಗೊಂಡಿವೆ. ಸಂಘದ ಕುರಿತು ಅಭಿಪ್ರಾಯ ರೂಪಿಸುವ ಮುನ್ನ ನಿಖರ ಮಾಹಿತಿಯನ್ನು ತಿಳಿದುಕೊಳ್ಳಬೇಕು,” ಎಂದು ಆರ್‌ಎಸ್‌ಎಸ್ ಸರಸಂಘಚಾಲಕ ಡಾ. ಮೋಹನ್ ಭಾಗವತ್ ಹೇಳಿದ್ದಾರೆ.

ಬೆಂಗಳೂರುದಲ್ಲಿ ನಡೆಯುತ್ತಿರುವ ಸಂಘ ಶತಾಬ್ದಿ ಉಪನ್ಯಾಸ ಮಾಲಿಕೆ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು, “ಸಂಘವು ಜಗತ್ತಿನಲ್ಲೇ ವಿಶಿಷ್ಟವಾದ ಸಂಸ್ಥೆ. ಇದನ್ನು ಹೋಲಿಕೆ ಮೂಲಕ ಅರ್ಥಮಾಡಿಕೊಳ್ಳಲು ಸಾಧ್ಯವಿಲ್ಲ. ಹೋಲಿಕೆಗಳ ಆಧಾರದ ಮೇಲೆ ತಿಳಿಯಲು ಪ್ರಯತ್ನಿಸಿದರೆ ಭ್ರಮೆಗಳು ಮಾತ್ರ ಹೆಚ್ಚಾಗುತ್ತವೆ,” ಎಂದು ಹೇಳಿದರು.

ಭಾಗವತ್ ಅವರು ಪಾಯಸವನ್ನು ಅಂಧನಿಗೆ ವಿವರಿಸುವ ಹಾಸ್ಯಪ್ರದ ಕಥೆ ಮೂಲಕ, ಸಂಘದ ಕುರಿತು ಕೇಳಿದವರಿಗಿಂತ ಅನುಭವಿಸಿದವರಿಗೇ ಅದರ ನಿಜ ಸ್ವರೂಪ ಅರಿವಾಗುತ್ತದೆ ಎಂಬ ಸಂದೇಶ ನೀಡಿದರು. “ತಪ್ಪು ಮಾಹಿತಿ ಅಥವಾ ಕೇಳಿದ ಮಾತಿನ ಆಧಾರದಲ್ಲಿ ಸಂಘದ ವಿಶ್ಲೇಷಣೆ ಮಾಡಿದರೆ ಅರ್ಥದ ಬದಲಿಗೆ ಭ್ರಮೆ ಉಂಟಾಗುತ್ತದೆ,” ಎಂದರು.

ಅವರು ಮುಂದುವರೆದು, “2018ರಲ್ಲಿ ದೆಹಲಿಯಲ್ಲಿ ನಡೆದ ಉಪನ್ಯಾಸ ಮಾಲಿಕೆಯಲ್ಲಿ ನಾನು ಸಂಘದ ನಿಜವಾದ ವಿಚಾರಧಾರೆ ಮತ್ತು ಕಾರ್ಯಪದ್ಧತಿಯ ಕುರಿತು ಮಾತನಾಡಿದ್ದೆ. ಅದರ ಉದ್ದೇಶ ಜನರನ್ನು ಮನವರಿಕೆ ಮಾಡಿಕೊಳ್ಳುವುದಲ್ಲ, ನಿಖರ ಮಾಹಿತಿ ನೀಡುವುದಷ್ಟೇ ಆಗಿತ್ತು. ಈಗ ಸಂಘವು 100 ವರ್ಷಗಳನ್ನು ಪೂರೈಸಿದ ಹಿನ್ನೆಲೆ ಮತ್ತೊಮ್ಮೆ ನಾಲ್ಕು ನಗರಗಳಲ್ಲಿ — ದೆಹಲಿ, ಬೆಂಗಳೂರು, ಮುಂಬೈ ಮತ್ತು ಕೋಲ್ಕತ್ತಾ — ಈ ಉಪನ್ಯಾಸ ಸರಣಿ ಆಯೋಜಿಸಲಾಗಿದೆ,” ಎಂದು ವಿವರಿಸಿದರು.

ಸಂಘದ ಹುಟ್ಟು ಯಾವುದೇ ಪ್ರತಿಕ್ರಿಯೆಯ ಫಲವಲ್ಲ ಎಂದು ಅವರು ಸ್ಪಷ್ಟಪಡಿಸಿದರು. “ಬಹುತೇಕರು ಸಂಘವು ಕಾಲದ ಪರಿಸ್ಥಿತಿಗೆ ಪ್ರತಿಕ್ರಿಯೆಯಾಗಿ ಹುಟ್ಟಿತು ಎಂದು ಭಾವಿಸುತ್ತಾರೆ. ಆದರೆ ಸಂಘವು ಯಾವುದೇ ವಿರೋಧ ಅಥವಾ ಪ್ರತಿಕ್ರಿಯೆಯಿಂದ ಹುಟ್ಟಿಲ್ಲ. ಸಮಾಜ ಸಂಘಟಿತವಾಗಿರುವುದು ಅದರ ಸಹಜ ಸ್ಥಿತಿ. ಸಂಘವು ಈ ಸಹಜ ಅಗತ್ಯವನ್ನು ಪೂರೈಸಲು ಹುಟ್ಟಿದೆ,” ಎಂದು ಅವರು ಹೇಳಿದರು.

“ಜೀವಂತ ಸಮಾಜ ಎಂದರೆ ಸಂಘಟಿತ ಸಮಾಜ. ಸಂಘಟನೆಯು ಯಾರಿಗಾದರೂ ವಿರೋಧವಾಗಿ ಅಲ್ಲ, ಅದು ಸಮಾಜದ ಸಹಜ ಸ್ಥಿತಿ. ಭಾರತವು ಅನೇಕ ಶತಮಾನಗಳ ಆಕ್ರಮಣಗಳನ್ನು ಅನುಭವಿಸಿದೆ. ಅಂಥ ಹಿನ್ನೆಲೆಯಲ್ಲಿಯೇ ಸಮಾಜವನ್ನು ಪುನಃ ಸಂಘಟಿಸುವ ಅಗತ್ಯತೆಯಿಂದ ಸಂಘದ ಚಿಂತನೆ ಹುಟ್ಟಿತು,” ಎಂದು ಭಾಗವತ್ ಹೇಳಿದರು.

ಹಿಂದೂಸ್ತಾನ್ ಸಮಾಚಾರ್ / Rakesh Mahadevappa