ನವದೆಹಲಿ, 20 ನವೆಂಬರ್ (ಹಿ.ಸ.):

ಆ್ಯಂಕರ್:

ಖಾದಿ ಮತ್ತು ಗ್ರಾಮೋದ್ಯೋಗ ಆಯೋಗದ ಅಧ್ಯಕ್ಷ ಮನೋಜ್ ಕುಮಾರ್ ಅವರು ಖಾದಿ ಕೇವಲ ಒಂದು ಉತ್ಪನ್ನವಲ್ಲ, “ಸ್ವಾವಲಂಬಿ ಭಾರತ” ಮತ್ತು “ಸ್ವದೇಶಿ” ಆತ್ಮಸ್ಫೂರ್ತಿಯನ್ನು ಪ್ರತಿಬಿಂಬಿಸುವ ರಾಷ್ಟ್ರೀಯ ಸಂಕೇತವೆಂದು ಹೇಳಿದ್ದಾರೆ. ನವದೆಹಲಿ ಭಾರತ್ ಮಂಟಪದಲ್ಲಿ ನವೆಂಬರ್ 14ರಿಂದ 27ರವರೆಗೆ ನಡೆಯುತ್ತಿರುವ ಅಂತರರಾಷ್ಟ್ರೀಯ ವ್ಯಾಪಾರ ಮೇಳದಲ್ಲಿ ಖಾದಿ ಮಂಟಪಕ್ಕೆ ಭೇಟಿ ನೀಡಿದ ಸಂದರ್ಭದಲ್ಲಿ ಅವರು ಹಿಂದೂಸ್ತಾನ್ ಸಮಾಚಾರ ಸುದ್ದಿ ಸಂಸ್ಥೆಯ ಪ್ರತಿನಿಧಿಗೆ ನೀಡಿದ ವಿಶೇಷ ಸಂದರ್ಶನದಲ್ಲಿ ಮಾತನಾಡಿದ ಅವರು, ಪ್ರಧಾನಿ ನರೇಂದ್ರ ಮೋದಿಯವರ ‘ಪ್ರತಿ ಮನೆಯಲ್ಲೂ ಸ್ವದೇಶಿ’ ಮತ್ತು ‘ಏಕ್ ಭಾರತ್ ಶ್ರೇಷ್ಠ ಭಾರತ್’ ದೃಷ್ಟಿಕೋನದೊಂದಿಗೆ ಯುವ ಪೀಳಿಗೆಗೆ ಖಾದಿಯನ್ನು ಸಂಪರ್ಕಿಸುವಲ್ಲಿ ಕೆವಿಐಸಿ ಪ್ರಮುಖ ಪಾತ್ರವಹಿಸಿದೆ. ಕಳೆದ 11 ವರ್ಷಗಳಲ್ಲಿ ಖಾದಿ ಅತ್ಯಂತ ವಿಶ್ವಾಸಾರ್ಹ ಬ್ರಾಂಡ್‌ ಆಗಿ ಬೆಳೆಯುವುದು ಇದರ ಸಾಕ್ಷಿ ಎಂದರು.

ಖಾದ ಮೇಲಿನ ಜನರ ಆಸಕ್ತಿಯಲ್ಲಿ ಏರಿಕೆ

ಅಕ್ಟೋಬರ್ 2ರಂದು ಕೇಂದ್ರ ಗೃಹ ಸಚಿವ ಅಮಿತ್ ಶಾ ಖಾದಿ ಭವನದಲ್ಲಿ ಖರೀದಿ ಮಾಡಿದ ನಂತರ, ಖಾದಿಯತ್ತ ಜನರ ಆಸಕ್ತಿ ಗಣನೀಯವಾಗಿ ಹೆಚ್ಚಾಗಿದೆ ಎಂದು ಅವರು ತಿಳಿಸಿದರು. “ಪ್ರತಿ ಕುಟುಂಬವು ವರ್ಷಕ್ಕೆ ಕನಿಷ್ಠ ₹5,000 ಮೌಲ್ಯದ ಖಾದಿ ವಸ್ತುಗಳನ್ನು ಖರೀದಿಸಬೇಕು ಎಂಬ ಅವರ ಸಂದೇಶ ರಾಷ್ಟ್ರವ್ಯಾಪಿ ಪ್ರಭಾವ ಬೀರಿದೆ ಎಂದರು ಮನೋಜ್ ಕುಮಾರ್.

3,000 ಸಂಸ್ಥೆಗಳು – 20 ಮಿಲಿಯನ್ ಜನರಿಗೆ ಉದ್ಯೋಗ

ಖಾದಿಯನ್ನು “ಒಂದು ಭಾರತ, ಅತ್ಯುತ್ತಮ ಭಾರತ” ದೃಷ್ಟಿಯಿಂದ ಜಾಗತಿಕ ಮಟ್ಟಕ್ಕೆ ಕೊಂಡೊಯ್ಯುವ ಯೋಜನೆಗಳ ಬಗ್ಗೆ ಪ್ರಶ್ನೆಗೆ ಉತ್ತರಿಸಿದ ಅವರು, ದೇಶದಾದ್ಯಂತ 3,000ಕ್ಕೂ ಹೆಚ್ಚು ಖಾದಿ ಸಂಸ್ಥೆಗಳು ಕಾರ್ಯನಿರ್ವಹಿಸುತ್ತಿದ್ದು, ಸುಮಾರು 5 ಲಕ್ಷ ಜನರಿಗೆ ನೇರ ಉದ್ಯೋಗ ನೀಡುತ್ತಿವೆ ಎಂದು ಹೇಳಿದರು.

“ಈ ಉದ್ಯೋಗಿಗಳಲ್ಲಿ 80% ಮಹಿಳೆಯರು ಇದ್ದು, ಭಾರತದಲ್ಲಿ ಇಷ್ಟು ದೊಡ್ಡ ಸಂಖ್ಯೆಯಲ್ಲಿ ಮಹಿಳೆಯರಿಗೆ ಉದ್ಯೋಗ ನೀಡುವ ಏಕೈಕ ಕ್ಷೇತ್ರ ಖಾದಿಯೇ. ಖಾದಿ-ಗ್ರಾಮೋದ್ಯೋಗದ ಒಟ್ಟು ಉದ್ಯೋಗ ಸಂಖ್ಯೆ 2 ಕೋಟಿ ಜನರನ್ನು ದಾಟಿದೆ” ಎಂದು ಹೇಳಿದರು.

ಖಾದಿ ಭವನ ಮರುಬಳಕೆ – ಐದು ತಿಂಗಳಲ್ಲಿ ಪೂರ್ಣತೆ

ದೆಹಲಿ ಕನ್ನಾಟ್ ಪ್ಲೇಸ್‌ನ ಖಾದಿ ಭವನದಲ್ಲಿ ನಡೆಯುತ್ತಿರುವ ನವೀಕರಣ ಮತ್ತು ಸುಂದರೀಕರಣ ಕಾರ್ಯಗಳು ವೇಗವಾಗಿ ಸಾಗುತ್ತಿದ್ದು, ಐದು ತಿಂಗಳಲ್ಲಿ ಅದ್ಭುತ ರೂಪದಲ್ಲಿ ಪುನರಾರಂಭಗೊಳ್ಳಲಿದೆ ಎಂದು ಅವರು ತಿಳಿಸಿದರು.

₹1.70 ಲಕ್ಷ ಕೋಟಿ ವಹಿವಾಟು – 11 ವರ್ಷದ ಸಾಧನೆ

“ಪ್ರಧಾನಿ ಮೋದಿ ನೇತೃತ್ವದ ‘ಖಾದಿ ಕ್ರಾಂತಿ’ಯಿಂದ ಕಳೆದ 11 ವರ್ಷಗಳಲ್ಲಿ ಖಾದಿ ಮತ್ತು ಗ್ರಾಮೋದ್ಯೋಗದ ಒಟ್ಟು ವಹಿವಾಟು ₹1,70,000 ಕೋಟಿಗೆ ಏರಿಕೆ ಕಂಡಿದೆ. ಇದು ಗ್ರಾಮೀಣ ಆರ್ಥಿಕತೆಯ ಶಕ್ತಿಯನ್ನು ತೋರಿಸುತ್ತದೆ” ಎಂದು ಮನೋಜ್ ಕುಮಾರ್ ಹೇಳಿದರು.

ಗ್ರಾಮೀಣ ಕೌಶಲ್ಯಕ್ಕೆ ಬೆಂಬಲ ನೀಡುವಂತೆ ಮನವಿ

“ಗ್ರಾಮೀಣ ಪ್ರದೇಶಗಳಲ್ಲಿ ಕೆವಿಐಸಿಯೊಂದಿಗೆ ಕೆಲಸ ಮಾಡುವ ಲಕ್ಷಾಂತರ ಕುಶಲಕರ್ಮಿಗಳು ಖಾದಿಯ ಮೇಲೆ ಅವಲಂಬಿತರಿದ್ದಾರೆ. ಸ್ಥಳೀಯ ಉತ್ಪನ್ನಗಳನ್ನು ಖರೀದಿಸುವ ಮೂಲಕ ಅವರ ಜೀವನೋಪಾಯವನ್ನು ಬಲಪಡಿಸುವುದು ದೇಶದ ಆತ್ಮನಿರ್ಭರತೆಗೆ ಕೊಡುಗೆ ನೀಡುವಂತೆಯೇ ಆಗುತ್ತದೆ ಎಂದು ಮನೋಜ ಕುಮಾರ ಹೇಳಿದರು.

---------------

ಹಿಂದೂಸ್ತಾನ್ ಸಮಾಚಾರ್ / Rakesh Mahadevappa