ನವದೆಹಲಿ, 4 ಜನವರಿ (ಹಿ.ಸ.) :

ಆ್ಯಂಕರ್ :ಎಳ್ಳಿನ ಬೀಜಗಳು ನೋಡಲು ಸಣ್ಣಗೆ ಇದ್ದರೂ ಎಣ್ಣೆ ಭರಿತ ಬೀಜಗಳಾಗಿವೆ.ಪ್ರಾಚೀನ ಕಾಲದಿಂದಲೂ ಎಳ್ಳಿನ ಬೀಜಗಳು ಮಾನವರು ಭಾರತೀಯ ಪಾಕಪದ್ಧತಿಯಲ್ಲಿ ಉಪಯೋಗಿಸುತ್ತಿದ್ದಾರೆ. ಎಳ್ಳಿನ ಬೀಜಗಳು ಆರೋಗ್ಯಕರ ಕೊಬ್ಬಿನ ಅತ್ಯುತ್ತಮ ಮೂಲವಾಗಿದೆ.ಇದು ಮೇಣ್ಗೊಬ್ಬು ಮಟ್ಟವನ್ನು ಕಡಿಮೆ ಮಾಡುತ್ತದೆ. ಮಲಬದ್ಧತೆಯನ್ನು ತಡೆಯುತ್ತದೆ ಮತ್ತು ಚಯಾಪಚಯವನ್ನು ಸುಧಾರಿಸುತ್ತದೆ.ಹೆಚ್ಚು ಪ್ರಯೋಜನಕಾರಿ ಪ್ರೋಟೀನ್‌ಗಳು, ವಿಟಮಿನ್‌ಗಳು ಮತ್ತು ಖನಿಜಗಳಿಂದ ತುಂಬಿರುತ್ತವೆ.

ಎಳ್ಳಿನ ಬೀಜಗಳು ಬಹಳಷ್ಟು ನಾರಿನ ಅಂಶವನ್ನು ಹೊಂದಿರುತ್ತವೆ. ಹೀಗಾಗಿ ಇದು ಜೀರ್ಣಾಂಗ ವ್ಯವಸ್ಥೆಗೆ ತುಂಬಾ ಪ್ರಯೋಜನಕಾರಿಯಾಗಿದೆ. ಅಧಿಕ ಮೇಣ್ಗೊಬ್ಬು ಮಟ್ಟವನ್ನು ಕಡಿಮೆ ಮಾಡಲು ಎಳ್ಳು ಬಹಳ ಸಹಾಯಕವಾಗಿದೆ. ಇದು ಶೇಕಡಾ 15 ರಷ್ಟು ನೈಸರ್ಗಿಕ ಕೊಬ್ಬು, 41 ಶೇಕಡಾ ಬಹು ಅಪರ್ಯಾಪ್ತ ಕೊಬ್ಬು ಮತ್ತು 39 ಶೇಕಡಾ ಏಕ ಪರ್ಯಾಪ್ತ ಕೊಬ್ಬನ್ನು ಹೊಂದಿರುತ್ತದೆ.

ಕಪ್ಪು ಎಳ್ಳಿನ ಬೀಜಗಳನ್ನು ಶತಮಾನಗಳಿಂದ ಸಾಂಪ್ರದಾಯಿಕ ಔಷಧ ಮತ್ತು ಅಡುಗೆಯಲ್ಲಿ ಬಳಸಲಾಗುತ್ತದೆ. ಇದು ಪೋಷಕಾಂಶಗಳಿಂದ ಸಮೃದ್ಧವಾಗಿದೆ.

ಎಳ್ಳಿನಲ್ಲಿ ಕಂಡುಬರುವ ಇತರ ಜೀವಸತ್ವಗಳು ಮತ್ತು ಖನಿಜಗಳು ಸೇರಿವೆ:

ರಂಜಕ

ಮೆಗ್ನೀಸಿಯಮ್

ಕಬ್ಬಿಣ

ಸತು

ಮಾಲಿಬ್ಡಿನಮ್

ಸೆಲೆನಿಯಮ್

ವಿಟಮಿನ್ ಬಿ 1

ಒಣಗಿದ ಎಳ್ಳಿನ ಒಂದು ಔನ್ಸ್ ನಲ್ಲಿ ಈ ಕೆಳಗಿನ ಅಂಶ ಒಳಗೊಂಡಿವೆ:

ಕ್ಯಾಲೋರಿಗಳು: 162 ಗ್ರಾಂಪ್ರೋಟೀನ್: 5 ಗ್ರಾಂ

ಕೊಬ್ಬು: 14.1 ಗ್ರಾಂ

ಕಾರ್ಬೋಹೈಡ್ರೇಟ್ ಗಳು: 6.6 ಗ್ರಾಂ

ಸೋಡಿಯಂ: 3.1 ಮಿಗ್ರಾಂ

ನಾರು: 3.3 ಗ್ರಾಂ

ಸಕ್ಕರೆ: 0.09 ಗ್ರಾಂ

ಉತ್ಕರ್ಷಣ ನಿರೋಧಕಗಳಲ್ಲಿ ಸಮೃದ್ಧವಾಗಿದೆ - ಕಪ್ಪು ಎಳ್ಳಿನಲ್ಲಿ ಸೆಸಮೊಲಿನ್ ಮತ್ತು ಸೆಸಾಮೊಲ್ ಸೇರಿದಂತೆ ಉತ್ಕರ್ಷಣ ನಿರೋಧಕಗಳಿಂದ ತುಂಬಿರುತ್ತದೆ ಮತ್ತು ಇತರ ಆರೋಗ್ಯಕರ ಸಸ್ಯ ಸಂಯುಕ್ತಗಳಲ್ಲಿ ಸಮೃದ್ಧವಾಗಿದೆ. ಹೀಗಾಗಿ ಕ್ಯಾನ್ಸರ್ ಮತ್ತು ಹೃದ್ರೋಗದಂತಹ ದೀರ್ಘಕಾಲದ ಕಾಯಿಲೆಗಳ ಅಪಾಯವನ್ನು ಕಡಿಮೆ ಮಾಡುತ್ತದೆ.

ಜೀರ್ಣಕ್ರಿಯೆಗೆ ಒಳ್ಳೆಯದು - ಎಳ್ಳಿನ ಬೀಜಗಳಲ್ಲಿ ಒಮೆಗಾ -3 ಅಂಶ ಸಮೃದ್ಧವಾಗಿವೆ. ಇದು ಕರುಳುಗಳನ್ನು ನಯಗೊಳಿಸುತ್ತದೆ ಮತ್ತು ಮಲಬದ್ಧತೆಯನ್ನು ನಿಭಾಯಿಸಲು ಸಹಾಯ ಮಾಡುತ್ತದೆ. ಬೀಜಗಳು ನಾರಿನ ಅಂಶದಲ್ಲಿ ಸಮೃದ್ಧವಾಗಿವೆ ಮತ್ತು ಆದ್ದರಿಂದ, ಕರುಳಿನ ಚಲನೆಯನ್ನು ಸುಧಾರಿಸುತ್ತದೆ.

ಬಾಣಂತಿಯರಿಗೆ ಉತ್ತಮ - ಎಳ್ಳಿನ ಬೀಜಗಳು ಕ್ಯಾಲ್ಸಿಯಂ, ಮೆಗ್ನೀಸಿಯಮ್, ಸತು, ಕಬ್ಬಿಣ, ಬಿ ಜೀವಸತ್ವಗಳು, ಅಪರ್ಯಾಪ್ತ ಕೊಬ್ಬುಗಳು ಮತ್ತು ಪ್ರೋಟೀನ್‌ಗಳಲ್ಲಿ ಸಮೃದ್ಧವಾಗಿವೆ, ಇದು ಬಾಣಂತಿಯರಿಗೆ ಹಾಲುಣಿಸುವಿಕೆಯನ್ನು ಉತ್ತೇಜಿಸಲು ಸಹಾಯ ಮಾಡುತ್ತದೆ.

ರಕ್ತದೊತ್ತಡವನ್ನು ಸ್ಥಿರಗೊಳಿಸಲು ಸಹಾಯ ಮಾಡಬಹುದು - ಬೀಜಗಳಲ್ಲಿ ಮೆಗ್ನೀಸಿಯಮ್ ಸಮೃದ್ಧವಾಗಿದೆ, ಇದು ಅಧಿಕ ರಕ್ತದೊತ್ತಡವನ್ನು ತಡೆಯಲು ಸಹಾಯ ಮಾಡುತ್ತದೆ. ಎಳ್ಳೆಣ್ಣೆಯಲ್ಲಿರುವ ಸೆಸಮಿನ್ ರಕ್ತದೊತ್ತಡದ ಮಟ್ಟವನ್ನು ನಿಯಂತ್ರಣದಲ್ಲಿಡಲು ಸಹಾಯ ಮಾಡುತ್ತದೆ.

ಬಲವಾದ ಮತ್ತು ಆರೋಗ್ಯಕರ ಮೂಳೆಗಳಿಗೆ - ಎಳ್ಳಿನ ಬೀಜಗಳಲ್ಲಿನ ಕ್ಯಾಲ್ಸಿಯಂ, ಮೆಗ್ನೀಸಿಯಮ್, ಫಾಸ್ಫರಸ್ ಮತ್ತು ತಾಮ್ರದಂತಹ ಇತರ ಖನಿಜಗಳನ್ನು ಸಹ ಒಳಗೊಂಡಿರುತ್ತವೆ. ಹೀಗಾಗಿ ಇದು ಮೂಳೆ ರಚನೆ ಮತ್ತು ಸಾಂದ್ರತೆಯಲ್ಲಿ ಪ್ರಮುಖ ಪಾತ್ರವನ್ನು ವಹಿಸುತ್ತದೆ. ಕ್ಯಾಲ್ಸಿಯಂ ಅಂಶವು ಮೂಳೆಗಳನ್ನು ಬಲವಾಗಿಡಲು ಸಹಾಯ ಮಾಡುತ್ತದೆ . ಅದರಲ್ಲಿ ಹೆಚ್ಚಿನ ಸತುವು ಮೂಳೆಗಳನ್ನು ಬಲಪಡಿಸುತ್ತದೆ ಮತ್ತು ಮೂಳೆ ಸಾಂದ್ರತೆಯನ್ನು ಸುಧಾರಿಸುತ್ತದೆ.

ಆರೋಗ್ಯಕರ ಕೂದಲು ಮತ್ತು ಚರ್ಮಕ್ಕೆ -ಎಳ್ಳಿನ ಬೀಜವು ಕಬ್ಬಿಣ, ಸತು, ಕೊಬ್ಬಿನಾಮ್ಲಗಳು, ಉತ್ಕರ್ಷಣ ನಿರೋಧಕಗಳಂತಹ ಅನೇಕ ಪೋಷಕಾಂಶಗಳನ್ನು ಹೊಂದಿರುತ್ತದೆ. ಇದು ಆರೋಗ್ಯಕರ ಚರ್ಮ ಮತ್ತು ಕೂದಲನ್ನು ಬೆಳೆಯಲು ಸಹಾಯ ಮಾಡುತ್ತದೆ. ಬೀಜಗಳಲ್ಲಿನ ಕಬ್ಬಿಣ ಮತ್ತು ಬಿ ವಿಟಮಿನ್‌ಗಳು ವಯಸ್ಸಿಗೆ ಸಂಬಂಧಿಸಿದ ರೋಗಲಕ್ಷಣಗಳಾದ ದೃಷ್ಟಿಹೀನತೆ ಮತ್ತು ಬೂದು ಕೂದಲಿನ ವಿರುದ್ಧ ಹೋರಾಡಲು ಸಹಾಯ ಮಾಡುತ್ತದೆ.

ಎಳ್ಳಿನಲ್ಲಿ ಮೆಥಿಯೋನಿನ್ ಇದ್ದು, ಇದು ಯಕೃತ್ತನ್ನು ಆರೋಗ್ಯವಾಗಿಡಲು ಸಹಾಯ ಮಾಡುತ್ತದೆ. ಎಳ್ಳಿನಲ್ಲಿ ಕಂಡುಬರುವ ಮತ್ತೊಂದು ಅಂಶವೆಂದರೆ ಟ್ರಿಪ್ಟೊಫಾನ್. ಇದು ಉತ್ತಮ ನಿದ್ರೆಯನ್ನು ಉತ್ತೇಜಿಸಲು ಸಹಾಯ ಮಾಡುತ್ತದೆ.ಒಂದು ವಾರದಲ್ಲಿ ನಾವು ಕನಿಷ್ಟ 40 ರಿಂದ 50 ಗ್ರಾಂ ಎಳ್ಳನ್ನು ಸೇವಿಸಬಹುದು.ಯಕೃತ್ತನ್ನು ಆರೋಗ್ಯವಾಗಿಡುತ್ತದೆ.

---------------

ಹಿಂದೂಸ್ತಾನ್ ಸಮಾಚಾರ್ / ಡಾ.ಪಿ.ವಿ.ಪ್ರಸಾದ ರಾವ್ ಪಿ .ವಿ