ಭೋಪಾಲ್,4 ಜನವರಿ (ಹಿ.ಸ.) : ಆ್ಯಂಕರ್ : ಖಗೋಳಶಾಸ್ತ್ರದಲ್ಲಿ ಆಸಕ್ತಿ ಹೊಂದಿರುವ ಜನರಿಗೆ ಇಂದು ಶನಿವಾರ ಬಹಳ ವಿಶೇಷವಾದ ದಿನವಾಗಿದೆ.
ವಿಸ್ಮಯ ಶನಿವಾರ ಭಾರತ ಸಾಕ್ಷಿಯಾಗಲಿದ್ದು,ಸಂಜೆ ಆಕಾಶದಲ್ಲಿ ಎರಡು ಖಗೋಳ ಘಟನೆಗಳು ನಡೆಯಲಿವೆ. ಮೊದಲ ಘಟನೆಯಲ್ಲಿ, ಭೂಮಿಯು ದೀರ್ಘವೃತ್ತದ ಪಥದಲ್ಲಿ ಸುತ್ತುತ್ತದೆ. ಇಂದು ಭೂಮಿ ಸೂರ್ಯನ ಹತ್ತಿರದ ಮಾರ್ಗವನ್ನು ತಲುಪುಲಿದೆ. ಎರಡನೇ ಘಟನೆಯಲ್ಲಿ, ಶನಿ, ಚಂದ್ರ ಮತ್ತು ಶುಕ್ರ ಆಕಾಶದಲ್ಲಿ ಒಂದು ರೇಖೆಯನ್ನು ರಚಿಸುವುದನ್ನು ಕಾಣಬಹುದು.
ಈ ಬಗ್ಗೆ ರಾಷ್ಟ್ರಪ್ರಶಸ್ತಿ ಪುರಸ್ಕೃತ ವಿಜ್ಞಾನ ಪ್ರಸಾರಕ ಸಾರಿಕಾ ಘರು ಮಾತನಾಡಿ, ಈ ಚಳಿಗಾಲದಲ್ಲಿ ಬೆಚ್ಚಗೆ ನೀಡುವ ಸೂರ್ಯ ಬಹುಶಃ ನಮ್ಮಿಂದ ದೂರವಾದಂತೆ ತೋರುತ್ತಿದೆ. ಆದರೆ ಹಾಗೆ ಆಗಲ್ಲ . ಸೂರ್ಯನ ಸುತ್ತ ಸುತ್ತುತ್ತಿರುವಾಗ, ಭೂಮಿಯು ವರ್ಷದಲ್ಲಿ ಒಂದು ದಿನ ಸೂರ್ಯನಿಗೆ ಹತ್ತಿರಕ್ಕೆ ಬರುತ್ತದೆ ಮತ್ತು ಇನ್ನೊಂದು ದಿನ ದೂರದಲ್ಲಿದೆ ಎಂದು ಅವರು ಹೇಳಿದರು.
ಇಂದು ಸಂಜೆ 6:58 ಕ್ಕೆ, ಭೂಮಿಯು ಸೂರ್ಯನಿಗೆ ಸಮೀಪವಿರುವ ಬಿಂದುವನ್ನು ತಲುಪುತ್ತಿದೆ ಮತ್ತು ಈ ದೂರವು 14 ಕೋಟಿ 71 ಲಕ್ಷದ ಮೂರು ಸಾವಿರದ 686 ಕಿಲೋಮೀಟರ್‌ಗಳಿಗೆ ಕಡಿಮೆಯಾಗುತ್ತದೆ. ಇದನ್ನು ಪೆರಿಹೆಲಿಯನ್ ಬಿಂದುವಿಗೆ ಬರುವುದು ಎಂದು ಕರೆಯಲಾಗುತ್ತದೆ.
ಜುಲೈನಲ್ಲಿ ನಾವು ಸೂರ್ಯನಿಂದ ದೂರವಿರುತ್ತೇವೆ ಎಂದು ಸಾರಿಕಾ ಹೇಳಿದರು.
ಈ ಖಗೋಳ ವಿದ್ಯಮಾನವನ್ನು ಅಫೆಲಿಯನ್ ಎಂದು ಕರೆಯಲಾಗುತ್ತದೆ. ಇಂದು ನಾವು ಅಫೆಲಿಯನ್ ಗಿಂತ ಸೂರ್ಯನಿಗೆ ಸುಮಾರು 5 ಮಿಲಿಯನ್ ಕಿಲೋಮೀಟರ್ ಹತ್ತಿರದಲ್ಲಿರುತ್ತೇವೆ. ಸೂರ್ಯನು ಭೂಮಿಗೆ ಹತ್ತಿರವಾದ ನಂತರವೂ, ಈ ಸಮಯದಲ್ಲಿ ಸೂರ್ಯನ ಕಿರಣಗಳು ನಮ್ಮ ಭೂಮಿಗೆ ಓರೆಯಾಗಿ ಬೀಳುವುದರಿಂದ ನಾವು ತಣ್ಣಗಾಗುತ್ತೇವೆ
ಎಂದು ಅವರು ಹೇಳಿದರು.
ಇಂದು ಸಂಜೆ ಆಕಾಶದಲ್ಲಿ ಮತ್ತೊಂದು ಖಗೋಳ ವಿದ್ಯಮಾನವೂ ಗೋಚರಿಸಲಿದೆ .ಇದರಲ್ಲಿ ಶನಿ, ಚಂದ್ರ ಮತ್ತು ಶುಕ್ರ ರೇಖೆಯಲ್ಲಿ ಹೊಳೆಯುತ್ತಿರುವುದನ್ನು ಕಾಣಬಹುದು. ಶನಿ , ಅರ್ಧಚಂದ್ರ ಮತ್ತು ಶುಕ್ರ ರೇಖೆಯ ಈ ವಿದ್ಯಮಾನವು ಸೂರ್ಯಾಸ್ತದ ನಂತರ ಸುಮಾರು ಎರಡು ಗಂಟೆಗಳ ಕಾಲ ಗೋಚರಿಸುತ್ತದೆ. ಇಂತಹ ಅವಕಾಶಗಳನ್ನು ನೋಡಲು ನಮಗೆ ಮತ್ತೆ ಮತ್ತೆ ಬರುವುದಿಲ್ಲ ಎಂದು ಹೇಳಿದರು.
ಹಿಂದೂಸ್ತಾನ್ ಸಮಾಚಾರ್ / ಡಾ.ಪಿ.ವಿ.ಪ್ರಸಾದ ರಾವ್ ಪಿ .ವಿ
