ಬೆಂಗಳೂರು, 26 ಜುಲೈ (ಹಿ.ಸ.):
ಆ್ಯಂಕರ್:ಭಾರತೀಯ ಆಹಾರ ಸಂಸ್ಕೃತಿಯಲ್ಲಿ ಚಿಕನ್ ತಂದೂರಿಗೆ ವಿಶೇಷ ಸ್ಥಾನವಿದೆ. ಮಸಾಲೆಗಳ ಸುವಾಸನೆ, ಮೊಸರಿನ ಮೃದುತ್ವ ಮತ್ತು ಹೊಗೆಯ ಸುವಾಸನೆಯೊಂದಿಗೆ ತಯಾರಾಗುವ ಈ ಖಾದ್ಯವು ಊಟದ ರುಚಿಯನ್ನು ಇನ್ನಷ್ಟು ಹೆಚ್ಚಿಸುತ್ತದೆ. ಓವನ್ ಅಥವಾ ಗ್ರಿಲ್ ಇದ್ದರೆ ಮನೆಯಲ್ಲೇ ಸುಲಭವಾಗಿ ಹೋಟೆಲ್ ಶೈಲಿಯ ಚಿಕನ್ ತಂದೂರಿ ತಯಾರಿಸಬಹುದು.
ಬೇಕಾಗುವ ಪದಾರ್ಥಗಳು
- ಚಿಕನ್ ಲೆಗ್ ಪೀಸ್ – 4
- ದಪ್ಪ ಮೊಸರು – ½ ಕಪ್
- ಕೆಂಪು ಮೆಣಸಿನ ಪುಡಿ – 2 ಟೀ ಸ್ಪೂನ್
- ಕಾಶ್ಮೀರಿ ಮೆಣಸಿನ ಪುಡಿ – 1 ಟೀ ಸ್ಪೂನ್
- ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ – 2 ಟೀ ಸ್ಪೂನ್
- ಉಪ್ಪು – ರುಚಿಗೆ ತಕ್ಕಷ್ಟು
- ಅರಿಶಿನ ಪುಡಿ – ¼ ಟೀ ಸ್ಪೂನ್
- ಧನಿಯಾ ಪುಡಿ – 1 ಟೀ ಸ್ಪೂನ್
- ಜೀರಿಗೆ ಪುಡಿ – 1 ಟೀ ಸ್ಪೂನ್
- ಗರಂ ಮಸಾಲಾ – 1 ಟೀ ಸ್ಪೂನ್
- ಕಸೂರಿ ಮೆಂತ್ಯೆ (ಪುಡಿ ಮಾಡಿದದ್ದು) – 1 ಟೀ ಸ್ಪೂನ್
- ನಿಂಬೆ ರಸ – 2 ಟೀ ಸ್ಪೂನ್
- ಎಣ್ಣೆ ಅಥವಾ ಕರಗಿಸಿದ ಬೆಣ್ಣೆ – 2 ಟೇಬಲ್ ಸ್ಪೂನ್
- ಕೊತ್ತಂಬರಿ ಸೊಪ್ಪು – ಅಲಂಕಾರಕ್ಕೆ
- ಈರುಳ್ಳಿ ಉಂಗುರಗಳು ಮತ್ತು ನಿಂಬೆ ತುಂಡುಗಳು – ಬಡಿಸಲು
ತಯಾರಿಸುವ ವಿಧಾನ
ಮೊದಲು ಚಿಕನ್ ಲೆಗ್ ಪೀಸ್ಗಳಿಗೆ ಆಳವಾದ ಕಟ್ಗಳನ್ನು ಹಾಕಿ ಚೆನ್ನಾಗಿ ತೊಳೆಯಿರಿ. ನಂತರ ಉಪ್ಪು ಮತ್ತು ನಿಂಬೆ ರಸ ಹಚ್ಚಿ ಸುಮಾರು 15 ನಿಮಿಷ ಮೆರಿನೇಟ್ ಮಾಡಿ.
ಒಂದು ಪಾತ್ರೆಯಲ್ಲಿ ಮೊಸರು, ಶುಂಠಿ-ಬೆಳ್ಳುಳ್ಳಿ ಪೇಸ್ಟ್, ಕೆಂಪು ಮೆಣಸಿನ ಪುಡಿ, ಕಾಶ್ಮೀರಿ ಮೆಣಸಿನ ಪುಡಿ, ಅರಿಶಿನ, ಧನಿಯಾ ಪುಡಿ, ಜೀರಿಗೆ ಪುಡಿ, ಗರಂ ಮಸಾಲಾ, ಕಸೂರಿ ಮೆಂತ್ಯೆ, ಎಣ್ಣೆ ಹಾಗೂ ಉಪ್ಪು ಸೇರಿಸಿ ನುಣ್ಣಗೆ ಕಲಸಿ. ಈ ಮಿಶ್ರಣವನ್ನು ಚಿಕನ್ಗೆ ಸಮವಾಗಿ ಹಚ್ಚಿ ಕನಿಷ್ಠ 2 ಗಂಟೆ ಅಥವಾ ರಾತ್ರಿ ಪೂರ್ತಿ ಫ್ರಿಜ್ನಲ್ಲಿ ಮೆರಿನೇಟ್ ಮಾಡಿದರೆ ಹೆಚ್ಚು ರುಚಿ ಬರುತ್ತದೆ.
ನಂತರ ಓವನ್ ಅನ್ನು 220 ಡಿಗ್ರಿ ಸೆಲ್ಸಿಯಸ್ಗೆ ಪೂರ್ವಭಾವಿಯಾಗಿ ಬಿಸಿ ಮಾಡಿ. ಮೆರಿನೇಟ್ ಮಾಡಿದ ಚಿಕನ್ ಅನ್ನು 35–40 ನಿಮಿಷ ಬೇಯಿಸಿ. ಮಧ್ಯದಲ್ಲಿ ಒಮ್ಮೆ ತಿರುಗಿಸಿ ಬೆಣ್ಣೆ ಅಥವಾ ಎಣ್ಣೆ ಹಚ್ಚಿದರೆ ಚಿಕನ್ ಮೃದುವಾಗಿದ್ದು ಮೇಲ್ಭಾಗ ಆಕರ್ಷಕವಾಗಿ ಕರಿಯುತ್ತದೆ.
ಚಿಕನ್ ಸಂಪೂರ್ಣವಾಗಿ ಬೇಯಿ ಹೊರಭಾಗ ಸ್ವಲ್ಪ ಕರಿದ ಬಣ್ಣಕ್ಕೆ ಬಂದ ನಂತರ ತೆಗೆದು, ಕೊತ್ತಂಬರಿ ಸೊಪ್ಪು, ಈರುಳ್ಳಿ ಉಂಗುರಗಳು ಹಾಗೂ ನಿಂಬೆ ತುಂಡುಗಳೊಂದಿಗೆ ಬಿಸಿಬಿಸಿಯಾಗಿ ಬಡಿಸಿ.
ರುಚಿಕರ, ಸುವಾಸನೆಯುಳ್ಳ ಚಿಕನ್ ತಂದೂರಿ ಕುಟುಂಬದ ಊಟ, ವಾರಾಂತ್ಯದ ವಿಶೇಷ ಭೋಜನ ಅಥವಾ ಸ್ನೇಹಿತರ ಕೂಟಕ್ಕೆ ಅತ್ಯುತ್ತಮ ಆಯ್ಕೆಯಾಗಿದೆ.
---------------
ಹಿಂದೂಸ್ತಾನ್ ಸಮಾಚಾರ್ / Rakesh.M.B.
