ದಕ್ಷಿಣ 24 ಪರಗಣ, 27 ಮಾರ್ಚ್ (ಹಿ.ಸ.):
ಆ್ಯಂಕರ್:ಪಶ್ಚಿಮ ಬಂಗಾಳದಲ್ಲಿ ರಾಜ್ಯದಲ್ಲಿ ಚುನಾವಣಾ ಕಾವು ತೀವ್ರಗೊಂಡಿರುವ ನಡುವೆ ಬಸಂತಿ ಪ್ರದೇಶದಲ್ಲಿ ನಡೆದ ಹಿಂಸಾಚಾರ ಪ್ರಕರಣಕ್ಕೆ ಸಂಬಂಧಿಸಿದಂತೆ ಚುನಾವಣಾ ಆಯೋಗ ಗಂಭೀರವಾಗಿ ಪ್ರತಿಕ್ರಿಯಿಸಿದೆ. ಘಟನೆಯ ಕುರಿತು ರಾಜ್ಯದ ಡಿಜಿಪಿಯಿಂದ ವಿವರವಾದ ವರದಿಯನ್ನು ಆಯೋಗ ಕೇಳಿದೆ.
ಬಿಜೆಪಿ ಅಭ್ಯರ್ಥಿ ವಿಕಾಸ್ ಸರ್ದಾರ್ ಪ್ರಚಾರ ನಡೆಸುತ್ತಿದ್ದ ವೇಳೆ ಕೆಲವು ದುಷ್ಕರ್ಮಿಗಳು ಇದ್ದಕ್ಕಿದ್ದಂತೆ ಕೋಲು ಹಾಗೂ ಬಿದಿರಿನಿಂದ ದಾಳಿ ನಡೆಸಿದರು. ಪರಿಸ್ಥಿತಿಯನ್ನು ನಿಯಂತ್ರಿಸಲು ಬಂದ ಪೊಲೀಸರ ಮೇಲೂ ದಾಳಿ ನಡೆದಿದ್ದು, ಸಬ್-ಇನ್ಸ್ಪೆಕ್ಟರ್ ಸೌರಭ್ ಗಂಭೀರವಾಗಿ ಗಾಯಗೊಂಡಿದ್ದಾರೆ. ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಇತರ ಐದು ಕಾನ್ಸ್ಟೆಬಲ್ಗಳಿಗೂ ಗಾಯಗಳಾಗಿವೆ.
ಘಟನೆ ತೀವ್ರವಾಗುತ್ತಿದ್ದಂತೆ ಕ್ಯಾನಿಂಗ್, ಬಸಂತಿ ಹಾಗೂ ಗೋಸಾಬಾ ಪೊಲೀಸ್ ಠಾಣೆಗಳಿನಿಂದ ಹೆಚ್ಚುವರಿ ಪಡೆಗಳನ್ನು ಕಳುಹಿಸಲಾಯಿತು. ನಂತರ ಕೇಂದ್ರ ಭದ್ರತಾ ಪಡೆಗಳನ್ನು ಕೂಡ ನಿಯೋಜಿಸಲಾಯಿತು. ಈವರೆಗೆ ಒಟ್ಟು ಎಂಟು ಜನರನ್ನು ಬಂಧಿಸಲಾಗಿದೆ.
ಈ ಘಟನೆಗೆ ಸಂಬಂಧಿಸಿದಂತೆ ಭಾರತೀಯ ಚುನಾವಣಾ ಆಯೋಗ ಹಲವು ಪ್ರಶ್ನೆಗಳನ್ನು ಎತ್ತಿದ್ದು, ಕೇಂದ್ರ ಪಡೆ ನಿಯೋಜನೆಗೆ ವಿಳಂಬ ಏಕೆ ಸಂಭವಿಸಿತು, ಕೇವಲ ಎರಡು ಕಂಪನಿಗಳನ್ನು ಮಾತ್ರ ಏಕೆ ನಿಯೋಜಿಸಲಾಯಿತು ಮತ್ತು ಗುಪ್ತಚರ ವ್ಯವಸ್ಥೆ ಹೇಗೆ ವಿಫಲವಾಯಿತು ಎಂಬುದರ ಕುರಿತು ಸ್ಪಷ್ಟನೆ ಕೇಳಿದೆ.
ಬಂಧಿತರು ತೃಣಮೂಲ ಕಾಂಗ್ರೆಸ್ ಪಕ್ಷದ ಕಾರ್ಯಕರ್ತರು ಎಂದು ಬಿಜೆಪಿ ಆರೋಪಿಸಿದೆ. ಆದರೆ, ಪೊಲೀಸರು ಚುನಾವಣಾ ಆಯೋಗದ ನಿಯಂತ್ರಣದಲ್ಲಿ ಕಾರ್ಯನಿರ್ವಹಿಸುತ್ತಾರೆ, ಆದ್ದರಿಂದ ಯಾವುದೇ ಘಟನೆಗೆ ಆಯೋಗವೇ ಹೊಣೆ ಎಂದು ತೃಣಮೂಲ ಕಾಂಗ್ರೆಸ್ ಪ್ರತಿಕ್ರಿಯಿಸಿದೆ.
---------------
ಹಿಂದೂಸ್ತಾನ್ ಸಮಾಚಾರ್ / Rakesh Mahadevappa
