ಮೈಸೂರು, 29 ಆಗಸ್ಟ್ (ಹಿ.ಸ.) :

ಆ್ಯಂಕರ್ : ಕರ್ನಾಟಕದ ಮೈಸೂರು ಜಿಲ್ಲೆಯ ಶ್ರೀ ಸುತ್ತೂರು ಮಠದಲ್ಲಿ ಇಂದು ನಡೆದ ಲಿಂ. ಡಾ. ಶಿವರಾತ್ರಿ ರಾಜೇಂದ್ರ ಮಹಾಸ್ವಾಮೀಜಿ ಅವರ 110ನೇ ಜಯಂತಿ ಸಮಾರಂಭದಲ್ಲಿ ಕೇಂದ್ರ ಕೃಷಿ ಹಾಗೂ ಗ್ರಾಮೀಣಾಭಿವೃದ್ಧಿ ಸಚಿವರಾದ ಶಿವರಾಜ್ ಸಿಂಗ್ ಚೌಹಾಣ್ ಭಾಗವಹಿಸಿ ಕಾರ್ಯಕ್ರಮ ಉದ್ದೇಶಿಸಿ ಮಾತನಾಡಿದರು.

ಶಿವರಾತ್ರಿ ರಾಜೇಂದ್ರ ಮಹಾಸ್ವಾಮೀಜಿಯವರ ಮಾರ್ಗದರ್ಶನದಲ್ಲಿ ಸುತ್ತೂರು ಮಠವು ಸೇವೆಯ ಪರ್ಯಾಯವಾಗಿದೆ. ಪೀಡಿತ ಮಾನವತೆಯ ಸೇವೆಯೇ ನಿಜವಾದ ದೇವರ ಪೂಜೆ. ರಾಜಕೀಯ ವಿಭಜನೆ ಉಂಟುಮಾಡಬಹುದು, ಆದರೆ ಧರ್ಮವು ಜನರನ್ನು ಒಂದಾಗಿಸುತ್ತದೆ. ಇಂದು ಮಹಾಸ್ವಾಮೀಜಿಯವರು ಎಲ್ಲ ಪಕ್ಷಗಳ ಜನಪ್ರತಿನಿಧಿಗಳನ್ನು ಒಟ್ಟಿಗೆ ಸೇರಿಸಿ ಮಾದರಿ ನಿರ್ಮಿಸಿದ್ದಾರೆ” ಎಂದು ಹೇಳಿದರು.

ಸಾವಿರ ವರ್ಷಗಳ ಹಿಂದೆ ಆದಿ ಜಗದ್ಗುರು ಸ್ಥಾಪಿಸಿದ ಈ ಮಠವು ಇಂದು ವಟವೃಕ್ಷದಂತೆ ಬೆಳಗಿ, ನೂರಾರು ಶಿಕ್ಷಣ ಸಂಸ್ಥೆಗಳ ಮೂಲಕ ಸಮಾಜ ಸೇವೆಯಲ್ಲಿ ತೊಡಗಿದೆ. ಬಡ ಮಕ್ಕಳಿಗೆ ಉಚಿತ ಶಿಕ್ಷಣ, ಕೋವಿಡ್‌ನಲ್ಲಿ ಅನಾಥ ಮಕ್ಕಳಿಗೆ ಆರೈಕೆ, ಕೇವಲ 50 ರೂಪಾಯಿಗೆ ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ಇವೆಲ್ಲವೂ ನಿಜವಾದ ಜನಸೇವೆಯ ಉದಾಹರಣೆಗಳು. ಇವುಗಳೇ ದೇವರ ಆರಾಧನೆ ಎಂದು ಪ್ರಶಂಸಿಸಿದರು.

ಕೃಷಿ ವಿಷಯ ಪ್ರಸ್ತಾಪಿಸಿದ ಸಚಿವರು, ಕೃಷಿ ಭಾರತದ ಆರ್ಥಿಕತೆಯ ಬೆನ್ನೆಲುಬು, ರೈತ ಆತ್ಮ ಮತ್ತು ಪ್ರಾಣ. ರೈತನ ಸೇವೆಯೇ ನನಗೆ ದೇವರ ಪೂಜೆ. ಉತ್ಪಾದನೆ ಹೆಚ್ಚಿಸಿ ವೆಚ್ಚ ಕಡಿಮೆ ಮಾಡುವಂತೆ, ರೈತರಿಗೆ ನ್ಯಾಯವಾದ ಬೆಲೆ ಸಿಗುವಂತೆ ಹಲವು ಯೋಜನೆಗಳನ್ನು ಪ್ರಧಾನಿ ನರೇಂದ್ರ ಮೋದಿಯವರ ನೇತೃತ್ವದಲ್ಲಿ ಜಾರಿಗೊಳಿಸುತ್ತಿದ್ದೇವೆ. ಸಣ್ಣ ಜಮೀನುಗಳಲ್ಲಿ ಸಹ ಒಟ್ಟುಗೂಡಿದ ಕೃಷಿ ಮೂಲಕ ಲಾಭದಾಯಕ ಕೃಷಿ ಸಾಧ್ಯವಿದೆ ಎಂದರು.

ರಾಷ್ಟ್ರಹಿತದ ವಿಷಯದಲ್ಲಿ ಎಲ್ಲರೂ ಒಂದಾಗಬೇಕೆಂದು ಕರೆ ನೀಡಿದ ಚೌಹಾಣ್ ಇಂದಿನ ಜಗತ್ತಿನಲ್ಲಿ ಭಾರತವೇ ಶಾಂತಿಯ ದಾರಿ ತೋರಬಲ್ಲದು. ಆದ್ದರಿಂದ ದೇಶ ಬಲಿಷ್ಠವಾಗಬೇಕು. ನಮ್ಮ ದೈನಂದಿನ ಜೀವನದಲ್ಲಿ ದೇಶೀಯ ಉತ್ಪನ್ನಗಳನ್ನೇ ಬಳಸುವುದು ಪ್ರತಿಯೊಬ್ಬರ ಕರ್ತವ್ಯ ಎಂದು ಹೇಳಿದರು.

ಈ ಸಂದರ್ಭದಲ್ಲಿ ಸಂಸದ ಯದುವೀರ ಒಡೆಯರ ಸೇರಿದಂತೆ ಸ್ಥಳೀಯ ಜನಪ್ರತಿನಿಧಿಗಳು, ಅನೇಕ ಸಂತರು ಉಪಸ್ಥಿತರಿದ್ದರು.

ಹಿಂದೂಸ್ತಾನ್ ಸಮಾಚಾರ್ / Rakesh Mahadevappa