ನವದೆಹಲಿ, 12 ಜುಲೈ (ಹಿ.ಸ.) :

ಆ್ಯಂಕರ್ : ವಿಶ್ವ ಪರಂಪರೆ ಸಮಿತಿಯ 47 ನೇ ಅಧಿವೇಶನದಲ್ಲಿ ತೆಗೆದುಕೊಂಡ ಗಮನಾರ್ಹ ನಿರ್ಧಾರದಲ್ಲಿ, 2024-25 ಸಾಲಿನ ಭಾರತದ ಅಧಿಕೃತ ನಾಮನಿರ್ದೇಶನವಾದ 'ಭಾರತದ ಮರಾಠಾ ಮಿಲಿಟರಿ ಭೂದೃಶ್ಯಗಳು' ಯುನೆಸ್ಕೋ ವಿಶ್ವ ಪರಂಪರೆಯ ಪಟ್ಟಿಯಲ್ಲಿ ಸೇರ್ಪಡೆಯಾಗಿದ್ದು, ಈ ಮನ್ನಣೆಯನ್ನು ಪಡೆದ ಭಾರತದ 44 ನೇ ಆಸ್ತಿಯಾಗಿದೆ.

ಈ ಜಾಗತಿಕ ಪುರಸ್ಕಾರವು ಭಾರತದ ನಿರಂತರ ಸಾಂಸ್ಕೃತಿಕ ಪರಂಪರೆಯ ಪ್ರತಿಬಿಂಬ ಮತ್ತು , ಅದರ ವೈವಿಧ್ಯಮಯ ವಾಸ್ತುಶಿಲ್ಪದ ಪ್ರತಿಭೆ, ಪ್ರಾದೇಶಿಕ ಗುರುತು ಮತ್ತು ಐತಿಹಾಸಿಕ ನಿರಂತರತೆಯ ಪ್ರತೀಕವಾಗಿದೆ.

ಪ್ರಧಾನ ಮಂತ್ರಿ ನರೇಂದ್ರ ಮೋದಿ, ಸಂಸ್ಕೃತಿ ಸಚಿವ ಗಜೇಂದ್ರ ಸಿಂಗ್ ಶೇಖಾವತ್ ಮತ್ತು ಮಹಾರಾಷ್ಟ್ರದ ಮುಖ್ಯಮಂತ್ರಿ ದೇವೇಂದ್ರ ಫಡ್ನವೀಸ್ ಅವರು ಈ ಐತಿಹಾಸಿಕ ಮೈಲಿಗಲ್ಲನ್ನು ಶ್ಲಾಘಿಸಿ, ಈ ಸಾಧನೆಗಾಗಿ ಭಾರತದ ಜನರನ್ನು ಅಭಿನಂದಿಸಿದ್ದಾರೆ.

ಭಾರತದ ಮರಾಠಾ ಮಿಲಿಟರಿ ಭೂದೃಶ್ಯಗಳು

17 ರಿಂದ 19 ನೇ ಶತಮಾನದವರೆಗೆ ವ್ಯಾಪಿಸಿರುವ ಹನ್ನೆರಡು ಕೋಟೆಗಳ ಈ ಅಸಾಧಾರಣ ಜಾಲವು ಮರಾಠಾ ಸಾಮ್ರಾಜ್ಯದ ಕಾರ್ಯತಂತ್ರದ ಮಿಲಿಟರಿ ದೃಷ್ಟಿ ಮತ್ತು ವಾಸ್ತುಶಿಲ್ಪದ ಪರಿಕಲ್ಪನೆ ಪ್ರದರ್ಶಿಸುತ್ತದೆ.

ಹಿಂದೂಸ್ತಾನ್ ಸಮಾಚಾರ್ / Rakesh Mahadevappa