ಪಹಲ್ಗಾಮ್, 30 ಆಗಸ್ಟ್ (ಹಿ.ಸ.):

ಆ್ಯಂಕರ್:ಪಹಲ್ಗಾಂನ ಲಿದ್ದರ್ ನದಿಯಲ್ಲಿ ಭಾನುವಾರ ಪವಿತ್ರ ಛಡಿ ಮುಬಾರಕ್‌ನ್ನು ವಿಸರ್ಜನೆ ಮಾಡುವ ಮೂಲಕ ಈ ವರ್ಷದ ಅಮರನಾಥ ಯಾತ್ರೆಯ ಸಾಂಪ್ರದಾಯಿಕ ಹಾಗೂ ಆಧ್ಯಾತ್ಮಿಕ ಸಮಾರೋಪ ನೆರವೇರಿತು.

ಧಾರ್ಮಿಕ ಶ್ರದ್ಧೆ ಹಾಗೂ ಸಂಭ್ರಮದ ನಡುವೆ ವಿಸರ್ಜನಾ ಕಾರ್ಯಕ್ರಮ ನಡೆಯಿತು. ಹಲವು ವಾರಗಳ ಕಾಲ ನಡೆದ ಪ್ರಾರ್ಥನೆ, ಧಾರ್ಮಿಕ ವಿಧಿವಿಧಾನಗಳು ಹಾಗೂ ಪವಿತ್ರ ಗುಹೆಯ ದರ್ಶನದ ಬಳಿಕ ವಾರ್ಷಿಕ ಯಾತ್ರೆ ಸಂಪನ್ನಗೊಂಡಿತು.

ವಿಸರ್ಜನಾ ಕಾರ್ಯಕ್ರಮದ ಹಿನ್ನೆಲೆಯಲ್ಲಿ ಭಕ್ತರ ಸುರಕ್ಷತೆ ಹಾಗೂ ಕಾರ್ಯಕ್ರಮದ ಶಾಂತಿಯುತ ನಿರ್ವಹಣೆಗೆ ಲಿದ್ದರ್ ನದಿಯ ದಡದಲ್ಲಿ ರಾಜ್ಯ ವಿಪತ್ತು ನಿರ್ವಹಣಾ ಪಡೆಯ ಪರ್ವತ ರಕ್ಷಣಾ ತಂಡಗಳನ್ನು ಮುನ್ನೆಚ್ಚರಿಕೆಯಾಗಿ ನಿಯೋಜಿಸಲಾಗಿತ್ತು.

ಭಗವಾನ್ ಶಿವನ ಪ್ರತೀಕವೆಂದು ಪರಿಗಣಿಸಲಾಗುವ ಛಡಿ ಮುಬಾರಕ್ ಅಮರನಾಥ ಯಾತ್ರೆಯ ಸಾಂಪ್ರದಾಯಿಕ ಸಮಾರೋಪದಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ಪಹಲ್ಗಾಂನಲ್ಲಿ ಇದರ ವಿಸರ್ಜನೆಯೊಂದಿಗೆ ಈ ವರ್ಷದ ಅಮರನಾಥ ಯಾತ್ರೆ ಹಾಗೂ ಕಾಶ್ಮೀರ ಕಣಿವೆಯಲ್ಲಿ ನಡೆದ ಧಾರ್ಮಿಕ ಕಾರ್ಯಕ್ರಮಗಳು ಅಧಿಕೃತವಾಗಿ ಮುಕ್ತಾಯಗೊಂಡವು.

--------

ಹಿಂದೂಸ್ತಾನ್ ಸಮಾಚಾರ್ / Rakesh.M.B.