ಇತಿಹಾಸದ ಪುಟಗಳಲ್ಲಿ ಆಗಸ್ಟ್ 29

ಭಾರತದ ಕ್ರೀಡಾ ಇತಿಹಾಸದಲ್ಲಿ ಮೇಜರ್ ಧ್ಯಾನ್‌ಚಂದ್ ಅವರ ಹೆಸರು ಸದಾ ಗೌರವದಿಂದ ಸ್ಮರಿಸಲಾಗುತ್ತದೆ. ಹಾಕಿಯ ಸುವರ್ಣಯುಗದ ಸಾಕ್ಷಿಯಾಗಿದ್ದ ಧ್ಯಾನ್‌ಚಂದ್ ಅವರು ತಮ್ಮ ಅಸಾಧಾರಣ ಕೌಶಲ್ಯದಿಂದ ಭಾರತಕ್ಕೆ ಜಾಗತಿಕ ಕೀರ್ತಿ ತಂದುಕೊಟ್ಟಿದ್ದರು. ಅವರ ಅತ್ಯುತ್ತಮ ಡ್ರಿಬ್ಲಿಂಗ್, ಚೆಂಡಿನ ಮೇಲಿನ ಅದ್ಭುತ ನಿಯಂತ್ರಣ ಮತ್ತು ವೇಗದ ಆಟದಿಂದಾಗಿ ಅವರನ್ನು ‘ಹಾಕಿಯ ಮಾಂತ್ರಿಕ’ ಎಂದು ಕರೆಯಲಾಗುತ್ತಿತ್ತು.

1905ರ ಆಗಸ್ಟ್ 29ರಂದು ಜನಿಸಿದ ಧ್ಯಾನ್‌ಚಂದ್ ಅವರು 1928ರ ಆಮ್ಸ್‌ಟರ್‌ಡ್ಯಾಮ್, 1932ರ ಲಾಸ್ ಏಂಜಲೀಸ್ ಹಾಗೂ 1936ರ ಬರ್ಲಿನ್ ಒಲಿಂಪಿಕ್ಸ್‌ಗಳಲ್ಲಿ ಭಾರತ ಹಾಕಿ ತಂಡ ಚಿನ್ನದ ಪದಕ ಗೆಲ್ಲುವಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು. ಅವರನ್ನು ಗೌರವದಿಂದ ‘ದಾದಾ’ ಎಂದೂ ಕರೆಯಲಾಗುತ್ತಿತ್ತು.

ಧ್ಯಾನ್‌ಚಂದ್ ಅವರ ಜಯಂತಿಯ ಅಂಗವಾಗಿ ಪ್ರತಿವರ್ಷ ಆಗಸ್ಟ್ 29ರಂದು ದೇಶಾದ್ಯಂತ ರಾಷ್ಟ್ರೀಯ ಕ್ರೀಡಾ ದಿನ ಆಚರಿಸಲಾಗುತ್ತದೆ. ಈ ದಿನ ಕ್ರೀಡೆಯ ಮಹತ್ವ ಹಾಗೂ ಕ್ರೀಡಾಪಟುಗಳ ಸಾಧನೆಯನ್ನು ಸ್ಮರಿಸಲಾಗುತ್ತದೆ. ಕ್ರೀಡಾ ಕ್ಷೇತ್ರದಲ್ಲಿ ಅತ್ಯುತ್ತಮ ಸಾಧನೆ ಮಾಡಿದವರಿಗೆ ವಿವಿಧ ರಾಷ್ಟ್ರೀಯ ಕ್ರೀಡಾ ಪ್ರಶಸ್ತಿಗಳನ್ನು ಪ್ರದಾನ ಮಾಡಲಾಗುತ್ತದೆ.

ಪ್ರಮುಖ ಘಟನೆಗಳು

1612: ಸೂರತ್ ಕದನದಲ್ಲಿ ಇಂಗ್ಲಿಷರು ಪೋರ್ಚುಗೀಸರನ್ನು ಸೋಲಿಸಿದರು.

1831: ಬ್ರಿಟನ್‌ನ ಮೈಕೆಲ್ ಫ್ಯಾರಡೆ ಮೊದಲ ಬಾರಿಗೆ ಟ್ರಾನ್ಸ್‌ಫಾರ್ಮರ್ ಪ್ರದರ್ಶಿಸಿದರು.

1833: ಬ್ರಿಟನ್‌ನ ಗುಲಾಮಗಿರಿ ನಿರ್ಮೂಲನಾ ಕಾಯ್ದೆ ಜಾರಿಗೆ ಬಂತು.

1842: ಗ್ರೇಟ್ ಬ್ರಿಟನ್ ಮತ್ತು ಚೀನಾ ನಡುವೆ ನಾಂಕಿಂಗ್ ಒಪ್ಪಂದಕ್ಕೆ ಸಹಿ. ಅಫೀಮು ಯುದ್ಧ ಅಂತ್ಯಗೊಂಡಿತು.

1898: ಗುಡ್‌ಇಯರ್ ಟೈರ್ ಕಂಪನಿ ಸ್ಥಾಪನೆ.

1904: ಅಮೆರಿಕದ ಸೇಂಟ್ ಲೂಯಿಸ್‌ನಲ್ಲಿ ಮೂರನೇ ಒಲಿಂಪಿಕ್ ಕ್ರೀಡಾಕೂಟ ಆರಂಭ.

1914: ನ್ಯೂಜಿಲೆಂಡ್ ಪಡೆಗಳು ಜರ್ಮನ್ ಸಮೋವಾವನ್ನು ವಶಪಡಿಸಿಕೊಂಡವು.

1916: ಅಮೆರಿಕ ಕಾಂಗ್ರೆಸ್ ಜೋನ್ಸ್ ಕಾಯ್ದೆಗೆ ಅಂಗೀಕಾರ ನೀಡಿತು; ಫಿಲಿಪ್ಪೀನ್ಸ್‌ಗೆ ಸ್ವಾತಂತ್ರ್ಯದ ಭರವಸೆ ದೊರೆಯಿತು.

1932: ನೆದರ್‌ಲ್ಯಾಂಡ್ಸ್‌ನ ಆಮ್ಸ್‌ಟರ್‌ಡ್ಯಾಮ್‌ನಲ್ಲಿ ಅಂತಾರಾಷ್ಟ್ರೀಯ ಯುದ್ಧವಿರೋಧಿ ಸಮಿತಿ ರಚನೆ.

1945: ಬ್ರಿಟಿಷರು ಹಾಂಕಾಂಗ್ ಅನ್ನು ಜಪಾನ್‌ನಿಂದ ಮುಕ್ತಗೊಳಿಸಿದರು.

1947: ಭಾರತದ ಸಂವಿಧಾನದ ಕರಡು ಸಿದ್ಧಪಡಿಸಲು ಡಾ. ಬಿ.ಆರ್. ಅಂಬೇಡ್ಕರ್ ಅಧ್ಯಕ್ಷತೆಯಲ್ಲಿ ಕರಡು ಸಮಿತಿ ರಚಿಸಲಾಯಿತು.

1957: ಅಮೆರಿಕದಲ್ಲಿ ನಾಗರಿಕ ಹಕ್ಕುಗಳ ಕಾಯ್ದೆ ಅಂಗೀಕಾರ.

1974: ಚೌಧರಿ ಚರಣ್ ಸಿಂಗ್ ಅಧ್ಯಕ್ಷತೆಯಲ್ಲಿ ಲೋಕದಳ ಪಕ್ಷ ಸ್ಥಾಪನೆ.

1987: ಕರ್ನಲ್ ರಬುಕಾ ಫಿಜಿಯನ್ನು ಗಣರಾಜ್ಯ ಎಂದು ಘೋಷಿಸಿದರು.

1996: ಸ್ಪಿಟ್ಸ್‌ಬರ್ಗೆನ್‌ನಲ್ಲಿ ವನುಕೋವೊ ಏರ್‌ಲೈನ್ಸ್ ವಿಮಾನ ಪತನಗೊಂಡು 141 ಮಂದಿ ಮೃತಪಟ್ಟರು.

1998: ಮಾಜಿ ಭಾರತೀಯ ಕ್ರಿಕೆಟಿಗ ಸಚಿನ್ ತೆಂಡೂಲ್ಕರ್‌ಗೆ ರಾಜೀವ್ ಗಾಂಧಿ ಖೇಲ್ ರತ್ನ ಪ್ರಶಸ್ತಿ ಪ್ರದಾನ.

2000: ನ್ಯೂಯಾರ್ಕ್‌ನಲ್ಲಿ ನಾಲ್ಕು ದಿನಗಳ ವಿಶ್ವ ಶಾಂತಿ ಶೃಂಗಸಭೆ ಆರಂಭ.

2001: ಪಶ್ಚಿಮ ಏಷ್ಯಾದಲ್ಲಿ ಮತ್ತೆ ಹಿಂಸಾಚಾರ ಭುಗಿಲೆದ್ದು ಮೂವರು ಪ್ಯಾಲೆಸ್ತೀನಿಯರು ಮೃತಪಟ್ಟರು. ಜಪಾನ್‌ನ ‘ಎಚ್-2ಎ’ ರಾಕೆಟ್ ಯಶಸ್ವಿಯಾಗಿ ಉಡಾವಣೆಗೊಂಡಿತು.

2003: ಕೊಲಂಬಿಯಾ ಬಾಹ್ಯಾಕಾಶ ನೌಕೆ ದುರಂತಕ್ಕೆ ನಾಸಾದ ದೋಷಪೂರಿತ ಕಾರ್ಯಸಂಸ್ಕೃತಿ ಕಾರಣ ಎಂದು ವರದಿ ತಿಳಿಸಿತು. ಇರಾಕ್‌ನ ನಜಫ್‌ನಲ್ಲಿ ಆತ್ಮಹತ್ಯಾ ದಾಳಿಗೆ 75 ಮಂದಿ ಬಲಿಯಾದರು.

2004: ಅಥೆನ್ಸ್ ಒಲಿಂಪಿಕ್ಸ್ ಸಮಾಪ್ತಿ.

2008: ಸಿಂಗೂರ್‌ನ ನ್ಯಾನೊ ಕಾರು ಯೋಜನಾ ಸ್ಥಳದಿಂದ ಟಾಟಾ ಮೋಟಾರ್ಸ್ ಸಿಬ್ಬಂದಿಯನ್ನು ಹಿಂಪಡೆಯಿತು.

2012: ಚೀನಾದ ಸಿಚುವಾನ್ ಪ್ರಾಂತ್ಯದ ಕಲ್ಲಿದ್ದಲು ಗಣಿಯಲ್ಲಿ ಸ್ಫೋಟ ಸಂಭವಿಸಿ 26 ಕಾರ್ಮಿಕರು ಮೃತಪಟ್ಟರು, 21 ಮಂದಿ ನಾಪತ್ತೆಯಾದರು.

2018: ಜಕಾರ್ತಾ ಏಷ್ಯನ್ ಕ್ರೀಡಾಕೂಟದಲ್ಲಿ ಅರ್ಪಿಂದರ್ ಸಿಂಗ್ ಪುರುಷರ ತ್ರಿಕೂಟ ಜಿಗಿತ ಹಾಗೂ ಸ್ವಪ್ನಾ ಬರ್ಮನ್ ಮಹಿಳೆಯರ ಹೆಪ್ಟಾಥ್ಲಾನ್‌ನಲ್ಲಿ ಚಿನ್ನದ ಪದಕ ಗೆದ್ದರು.

2018: ನೋಟು ಅಮಾನ್ಯೀಕರಣದ ವೇಳೆ ಚಲಾವಣೆಯಿಂದ ಹಿಂಪಡೆಯಲಾಗಿದ್ದ ₹500 ಮತ್ತು ₹1,000 ಮುಖಬೆಲೆಯ ಬಹುತೇಕ ಎಲ್ಲ ನೋಟುಗಳು ಬ್ಯಾಂಕಿಂಗ್ ವ್ಯವಸ್ಥೆಗೆ ಮರಳಿವೆ ಎಂದು ಆರ್‌ಬಿಐ ವರದಿ ತಿಳಿಸಿತು.

2021: ಪ್ಯಾರಾಲಿಂಪಿಕ್ಸ್‌ನಲ್ಲಿ ಟೇಬಲ್ ಟೆನಿಸ್ ಆಟಗಾರ್ತಿ ಭಾವಿನಾಬೆನ್ ಪಟೇಲ್ ಮತ್ತು ಎತ್ತರ ಜಿಗಿತದ ಕ್ರೀಡಾಪಟು ನಿಶಾದ್ ಕುಮಾರ್ ಬೆಳ್ಳಿ ಪದಕ ಗೆದ್ದರು.

ಜನನ

1887: ಜೀವರಾಜ್ ಮೆಹತಾ – ಖ್ಯಾತ ವೈದ್ಯ ಹಾಗೂ ದೇಶಸೇವಕ.

1905: ಮೇಜರ್ ಧ್ಯಾನ್‌ಚಂದ್ – ಖ್ಯಾತ ಭಾರತೀಯ ಹಾಕಿ ಆಟಗಾರ.

1925: ಗೋಲಪ್ ಬೋರ್ಬೋರಾ – ಅಸ್ಸಾಂನ ಆರನೇ ಮುಖ್ಯಮಂತ್ರಿ.

1926: ರಾಮಕೃಷ್ಣ ಹೆಗಡೆ – ಕರ್ನಾಟಕದ ಮಾಜಿ ಮುಖ್ಯಮಂತ್ರಿ ಹಾಗೂ ಜನತಾ ಪಕ್ಷದ ಪ್ರಮುಖ ರಾಜಕಾರಣಿ.

1949: ಕೆ. ರಾಧಾಕೃಷ್ಣನ್ – ಖ್ಯಾತ ಭಾರತೀಯ ವಿಜ್ಞಾನಿ.

1968: ಬಿಕ್ರಮಜೀತ್ ಕನ್ವರ್‌ಪಾಲ್ – ಹಿಂದಿ ಚಲನಚಿತ್ರ ಮತ್ತು ಧಾರಾವಾಹಿ ನಟ.

1969: ಮೇಜರ್ ಮನೋಜ್ ತಲ್ವಾರ್ – ಭಾರತೀಯ ಸೇನೆಯ ಶೂರ ಯೋಧ.

1977: ಪಿ.ವಿ. ಮಿಥುನ್ ರೆಡ್ಡಿ – ಆಂಧ್ರಪ್ರದೇಶದ ರಾಜಕಾರಣಿ.

1980: ಮಾಧವ ಶ್ರೀಹರಿ ಅಣೆ – ಸ್ವಾತಂತ್ರ್ಯ ಹೋರಾಟಗಾರ.

ನಿಧನ

1931: ಜಾದೋನಾಂಗ್ – ನಾಗಾ ಚಳವಳಿಯ ಪ್ರಮುಖ ನಾಯಕ.

1952: ಸಿಸ್ಟರ್ ಯೂಪ್ರಾಸಿಯಾ – ಭಾರತೀಯ ಕ್ರೈಸ್ತ ಸಂತರಲ್ಲಿ ಒಬ್ಬರು.

1956: ಮಲಿಕ್ ಗುಲಾಮ್ ಮೊಹಮ್ಮದ್ – ಪಾಕಿಸ್ತಾನದ ಮೂರನೇ ಗವರ್ನರ್ ಜನರಲ್.

1976: ಕಾಜಿ ನಜ್ರುಲ್ ಇಸ್ಲಾಂ – ಪ್ರಸಿದ್ಧ ಬಂಗಾಳಿ ಕವಿ, ಸಂಗೀತಗಾರ ಹಾಗೂ ತತ್ವಜ್ಞಾನಿ.

1999: ಸುಧೀರ್ ಕುಮಾರ್ ವಾಲಿಯಾ – ಭಾರತೀಯ ಸೇನೆಯ ಶೂರ ಯೋಧ.

2001: ಮನುಭಾಯಿ ರಾಜಾರಾಮ್ ಪಂಚೋಳಿ – ಗುಜರಾತಿ ಕಾದಂಬರಿಕಾರ, ಲೇಖಕ, ಶಿಕ್ಷಣತಜ್ಞ ಹಾಗೂ ರಾಜಕಾರಣಿ.

2007: ಬನಾರಸಿದಾಸ್ ಗುಪ್ತ – ಹರಿಯಾಣದ ಮಾಜಿ ಮುಖ್ಯಮಂತ್ರಿ ಹಾಗೂ ಸ್ವಾತಂತ್ರ್ಯ ಹೋರಾಟಗಾರ.

ಪ್ರಮುಖ ದಿನಗಳು

- ರಾಷ್ಟ್ರೀಯ ಕ್ರೀಡಾ ದಿನ – ಮೇಜರ್ ಧ್ಯಾನ್‌ಚಂದ್ ಜಯಂತಿ.

- ಪರಮಾಣು ಪರೀಕ್ಷೆ ವಿರೋಧಿ ಅಂತಾರಾಷ್ಟ್ರೀಯ ದಿನ.

---------

ಹಿಂದೂಸ್ತಾನ್ ಸಮಾಚಾರ್ / Rakesh.M.B.