ನವದೆಹಲಿ, 07 ಜನವರಿ (ಹಿ.ಸ.) :

ಆ್ಯಂಕರ್ : ಪ್ರಧಾನಿ ನರೇಂದ್ರ ಮೋದಿ ಅವರು ಜೀವನದಲ್ಲಿ ನಾಲ್ಕು ಪ್ರಮುಖ ಮೌಲ್ಯಗಳಾದ ಗುಣ, ಚಾರಿತ್ರ್ಯ, ಜ್ಞಾನ ಮತ್ತು ಸಂಪತ್ತಿನ ಸದ್ಬಳಕೆಯ ಮಹತ್ವವನ್ನು ದೇಶವಾಸಿಗಳಿಗೆ ತಿಳಿಸಿದರು. ವ್ಯಕ್ತಿಯ ನಿಜವಾದ ಸೌಂದರ್ಯವು ಬಾಹ್ಯ ನೋಟದಿಂದಲ್ಲ, ಒಳಗಿನ ಗುಣಗಳಿಂದ ಹೊರಹೊಮ್ಮುತ್ತದೆ ಎಂದು ಅವರು ಹೇಳಿದ್ದಾರೆ.

ಸಾಮಾಜಿಕ ಜಾಲತಾಣ ಎಕ್ಸನಲ್ಲಿ ಸಂಸ್ಕೃತ ಗಾದೆಯೊಂದನ್ನು ಹಂಚಿಕೊಂಡ ಪ್ರಧಾನಿ, ಸದ್ಗುಣವು ಸೌಂದರ್ಯವನ್ನು ಅಲಂಕರಿಸುತ್ತದೆ, ಚಾರಿತ್ರ್ಯವು ಕುಟುಂಬವನ್ನು ಅಲಂಕರಿಸುತ್ತದೆ, ಪರಿಪೂರ್ಣತೆ ಜ್ಞಾನವನ್ನು ಅಲಂಕರಿಸುತ್ತದೆ ಹಾಗೂ ಆನಂದವು ಸಂಪತ್ತನ್ನು ಅಲಂಕರಿಸುತ್ತದೆ” ಎಂದು ಉಲ್ಲೇಖಿಸಿದರು. ಈ ಮೌಲ್ಯಗಳು ಶತಮಾನಗಳ ಹಿಂದಿನದಾಗಿದ್ದರೂ ಇಂದಿಗೂ ಅಷ್ಟೇ ಪ್ರಾಸಂಗಿಕವಾಗಿವೆ ಎಂದು ಹೇಳಿದರು.

ಹಣ ಸಂಪಾದನೆ ಮತ್ತು ಪ್ರತಿಭೆ ಪ್ರದರ್ಶನಕ್ಕಿಂತ ಉತ್ತಮ ಮಾನವೀಯ ಮೌಲ್ಯಗಳು, ಸರಿಯಾದ ನಡವಳಿಕೆ ಹಾಗೂ ಸಂಪನ್ಮೂಲಗಳ ವಿವೇಚನಾತ್ಮಕ ಬಳಕೆ ದೇಶದ ಪ್ರಗತಿಗೆ ಅಗತ್ಯವೆಂದು ಪ್ರಧಾನಿ ಅಭಿಪ್ರಾಯಪಟ್ಟರು. ಜ್ಞಾನವನ್ನು ಕೇವಲ ಪುಸ್ತಕಗಳಿಗೆ ಸೀಮಿತಗೊಳಿಸದೆ, ಪ್ರಾಯೋಗಿಕವಾಗಿ ಬಳಸಿ ಫಲಿತಾಂಶಗಳಾಗಿ ರೂಪಿಸಬೇಕು ಎಂದರು.

ಸಂಪತ್ತಿನ ಸಂಗ್ರಹ ತಪ್ಪಲ್ಲ, ಆದರೆ ಅದನ್ನು ಸ್ವಯಂ, ಸಮಾಜ ಮತ್ತು ಪ್ರಕೃತಿಯ ಹಿತಕ್ಕಾಗಿ ಸರಿಯಾದ ದಿಕ್ಕಿನಲ್ಲಿ ಬಳಸುವುದೇ ಮುಖ್ಯ ಎಂದು ಪ್ರಧಾನಿ ಮೋದಿ ಹೇಳಿದ್ದಾರೆ.

ಹಿಂದೂಸ್ತಾನ್ ಸಮಾಚಾರ್ / Rakesh Mahadevappa