ನವದೆಹಲಿ, 18 ಜುಲೈ (ಹಿ.ಸ.) :

ಆ್ಯಂಕರ್ : ಐದನೇ ತಲೆಮಾರಿನ ಸ್ಟೆಲ್ತ್ ಯುದ್ಧವಿಮಾನಗಳಿಗಾಗಿ 120 ಕಿಲೋ ನ್ಯೂಟನ್ ಥ್ರಸ್ಟ್ ಸಾಮರ್ಥ್ಯದ ಎಂಜಿನ್ ಅಭಿವೃದ್ಧಿ ಕಾರ್ಯಕ್ಕಾಗಿ ಫ್ರಾನ್ಸ್‌ನ ಸಹಯೋಗವನ್ನು ಪಡೆಯಲು ರಕ್ಷಣಾ ಸಚಿವಾಲಯ ಕೇಂದ್ರ ಸರ್ಕಾರಕ್ಕೆ ಶಿಫಾರಸು ಮಾಡಿದೆ. ಈ ಯೋಜನೆಗೆ 61,000 ಕೋಟಿ ರೂ. ಮೊತ್ತದ ವೆಚ್ಚ ನಿರೀಕ್ಷಿಸಲಾಗಿದೆ.

ಫ್ರೆಂಚ್ ಕಂಪನಿ ಸಫ್ರಾನ್ ಜೊತೆಗೂಡಿ ಈ ಎಂಜಿನ್ ಅಭಿವೃದ್ಧಿಯಾಗಲಿದ್ದು, ಇದರಲ್ಲಿ ಪೂರ್ಣ ತಂತ್ರಜ್ಞಾನ ವರ್ಗಾವಣೆ ಕೂಡ ಸಂಭವಿಸಲಿದೆ. ಈ ಬೆಳವಣಿಗೆ ಭಾರತದಲ್ಲಿ ಸ್ವದೇಶಿ ರಕ್ಷಣಾ ತಂತ್ರಜ್ಞಾನ ಅಭಿವೃದ್ಧಿಗೆ ಮಹತ್ವದ ಹೆಜ್ಜೆಯಾಗಲಿದೆ.

ಅಡ್ವಾನ್ಸ್ಡ್ ಮೀಡಿಯಂ ಕಾಂಬ್ಯಾಟ್ ಏರ್‌ಕ್ರಾಫ್ಟ್ ಯೋಜನೆ ಭಾರತೀಯ ವಾಯುಪಡೆ ಮತ್ತು ನೌಕಾಪಡೆಗಳ ಅಗತ್ಯಗಳಿಗೆ ತಕ್ಕಂತೆ ರೂಪುಗೊಳ್ಳುತ್ತಿದೆ. ಈ ಯುದ್ಧವಿಮಾನಗಳು ನವೀನ ತಂತ್ರಜ್ಞಾನಗಳು ಮತ್ತು ಸೂಪರ್‌ಕ್ರೂಸ್ ಸಾಮರ್ಥ್ಯಗಳಿಂದ ಲಭ್ಯವಿರುವಂತೆ ವಿನ್ಯಾಸಗೊಳ್ಳುತ್ತವೆ.

ಈ ಯೋಜನೆಯ ಆರಂಭಿಕ ಹಂತದಲ್ಲಿ, GE 414 ಎಂಜಿನ್ ಬಳಸುವ ಸಾಧ್ಯತೆ ಇದ್ದರೂ, ನಂತರದ AMCA ಮಾರ್ಕ್-2 ಮಾದರಿಗಳಿಗೆ ಭಾರತದಲ್ಲಿ ತಯಾರಾಗುವ ಸ್ವದೇಶೀ ಎಂಜಿನ್ ಬಳಸಲಾಗುವುದು. ಈ ಎಂಜಿನ್ ಅಭಿವೃದ್ಧಿಗೆ ಗ್ಯಾಸ್ಟರ್ಬೈನ್ ರಿಸರ್ಚ್ ಎಸ್ಟಾಬ್ಲಿಷ್‌ಮೆಂಟ್ ಮತ್ತು ಖಾಸಗಿ ಉದ್ಯಮಗಳ ಸಹಭಾಗಿತ್ವವೂ ಇರಲಿದೆ.

ಈ ಯೋಜನೆಯ ಯಶಸ್ಸು ಭಾರತವನ್ನು ಯುದ್ಧವಿಮಾನ ಎಂಜಿನ್ ತಂತ್ರಜ್ಞಾನದಲ್ಲಿ ಸ್ವಾವಲಂಬಿ ರಾಷ್ಟ್ರವನ್ನಾಗಿ ಮಾಡುವ ನಿಟ್ಟಿನಲ್ಲಿ ನಿಖರ ಹೆಜ್ಜೆಯಾಗಲಿದೆ.

ಹಿಂದೂಸ್ತಾನ್ ಸಮಾಚಾರ್ / Rakesh Mahadevappa