ಗದಗ, 13 ಜುಲೈ (ಹಿ.ಸ.) :

ಆ್ಯಂಕರ್ : ಕೇಂದ್ರ ಸಚಿವ ಪ್ರಹ್ಲಾದ್ ಜೋಶಿ ಮತ್ತು ಶಾಸಕ ಕಾಶಪ್ಪನವರ್ ಮಾಡಿದ 'ಶಾಸಕರ ಟ್ರೇಡಿಂಗ್' ಆರೋಪಗಳಿಗೆ ಗದಗ ಜಿಲ್ಲಾ ಉಸ್ತುವಾರಿ ಸಚಿವ ಎಚ್.ಕೆ. ಪಾಟೀಲ ತಿರುಗೇಟು ನೀಡಿದ್ದಾರೆ. ಗದಗದಲ್ಲಿ ಮಾಧ್ಯಮದವರೊಂದಿಗೆ ಮಾತನಾಡಿದ ಅವರು, ನನಗೆ ಯಾವುದೇ ಶಾಸಕರ ಟ್ರೇಡಿಂಗ್ ನಡೆಯುತ್ತಿದೆ ಎನ್ನುವ ಅನುಮಾನವೂ ಇಲ್ಲ. ನಡೆಯಲು ಅವಕಾಶವೂ ಇಲ್ಲ. ಇದು ಕೇವಲ ಊಹಾಪೋಹ ಮಾತ್ರ ಎಂದರು.

ಸಚಿವ ಎಚ್ ಕೆ ಪಾಟೀಲ ಸ್ಪಷ್ಟಪಡಿಸಿದಂತೆ, ನಮ್ಮ ಸರ್ಕಾರ ಐದು ವರ್ಷ ಭದ್ರವಾಗಿ ಮುಂದುವರಿಯಲಿದೆ. ಸಿದ್ದರಾಮಯ್ಯ ಮತ್ತು ಡಿ.ಕೆ.ಶಿವಕುಮಾರ್ ಅವರ ನೇತೃತ್ವದಲ್ಲಿ ಶಾಸಕರಿಗೆ ಸಂಪೂರ್ಣ ಬೆಂಬಲವಿದೆ. ಟ್ರೇಡಿಂಗ್ ಬಗ್ಗೆ ಚರ್ಚೆ ಮಾಡುವುದೂ ಬೇಡ. ಜನರ ಗಮನ ಬೇರೆಡೆ ಸೆಳೆಯುವ ಈ ಕನಸಿನ ಗೋಪುರಗಳ ಬಗ್ಗೆ ಮಾತನಾಡುವುದು ಎಷ್ಟು ಪ್ರಯೋಜನಕಾರಿಯೇ? ಎಂದು ಪ್ರಶ್ನಿಸಿದರು.

ಗ್ಯಾರಂಟಿ ಯೋಜನೆ ಸೋಮಾರಿತನದ ಟೀಕೆಗೆ ತಿರುಗೇಟು ನೀಡಿದರು. ರಂಭಾಪುರ ಮಠದ ಶ್ರೀಗಳ ‘ಗ್ಯಾರಂಟಿ ಯೋಜನೆಯಿಂದ ಜನರಲ್ಲಿ ಸೋಮಾರಿತನ ಬಂದುಬರುತ್ತಿದೆ’ ಎಂಬ ಟೀಕೆಗೆ ಪ್ರತಿಕ್ರಿಯಿಸುತ್ತ ಎಚ್ ಕೆ ಪಾಟೀಲ, “ಗ್ಯಾರಂಟಿ ಯೋಜನೆ ದೇಶಭಕ್ತರಿಗೆ ವಿರುದ್ಧವಾಗಲ್ಲ. ಬಡ ಕುಟುಂಬಗಳಿಗೆ 5000 ರೂಪಾಯಿ ಸೇರಿಸಿದಾಗ ಅವರ ಜೀವನಮಟ್ಟ ಏರುತ್ತದೆ. ಬಡತನ ಕಳೆದುಹೋಗುತ್ತಿದೆ. ಯೋಜನೆಯ ಉದ್ದೇಶ ದುರಾಶೆಗಲ್ಲ, ಉದ್ದೇಶ ಸಮಾಜಮುಖಿ ಅಭಿವೃದ್ಧಿಗೆ,” ಎಂದು ತೀಕ್ಷ್ಣವಾಗಿ ಪ್ರತಿಕ್ರಿಯಿಸಿದರು.

ಭೂಸ್ವಾಧೀನ ಮತ್ತು ಕುನ್ಹಾ ವರದಿ ವಿವಾದ

ದೇವನಹಳ್ಳಿಯ ಭೂಸ್ವಾಧೀನದ ಕುರಿತು ನಡೆದ ಸಭೆಯಲ್ಲಿ ಪಾಲ್ಗೊಳ್ಳಲಾಗಿಲ್ಲ ಎಂದ ಎಚ್ ಕೆ ಪಾಟೀಲ, ಔದ್ಯಮಿಕ ಅಭಿವೃದ್ಧಿಗೆ ಎಷ್ಟು ಭೂಮಿ ಬೇಕು, ರೈತರನ್ನು ಹೇಗೆ ಮನವೊಲಿಸಬೇಕು ಎಂಬ ಬಗ್ಗೆ ಸೂಕ್ತ ಚರ್ಚೆ ಅಗತ್ಯ, ಎಂದು ಹೇಳಿದರು. ಜಸ್ಟಿಸ್ ಕುನ್ಹಾ ವರದಿ ಕುರಿತು ಪ್ರಹ್ಲಾದ್ ಜೋಶಿ ಟೀಕಿಸಿದ ಬಗ್ಗೆ ಪ್ರತಿಕ್ರಿಯಿಸಿ, ನ್ಯಾಯಾಂಗ ವರದಿಗೆ ಗೌರವ ಇಲ್ಲದ ಮಾತುಗಳು ಸರಿಯಲ್ಲ. ಕೇಂದ್ರದ ಸಚಿವರು ಲಘುವಾಗಿ ಮಾತನಾಡುವುದು ಸರಿಯಲ್ಲ, ಎಂದು ತಿರುಗೇಟು ನೀಡಿದರು.

ಹಿಂದೂಸ್ತಾನ್ ಸಮಾಚಾರ್ / Lalita MP