ಹುಬ್ಬಳ್ಳಿ, 20 ಮೇ (ಹಿ.ಸ.) :

ಆ್ಯಂಕರ್ : ಆರೋಗ್ಯಕರ ಜೀವನಕ್ಕೆ ಉತ್ತಮ ಆಹಾರ ಪದ್ಧತಿ ಬಹುಮುಖ್ಯವಾಗಿದೆ. ದಿನದ ಆರಂಭವೇ ಆರೋಗ್ಯಕರವಾಗಿರಬೇಕಾದರೆ, ಬೆಳಗಿನ ತಿಂಡಿ ಅವಶ್ಯಕ. ಬಹಳಷ್ಟು ಜನ ತಮ್ಮ ದುಡಿಯುವ ದಿನಚರಿಯಲ್ಲಿ ಬೆಳಗಿನ ತಿಂಡಿಯನ್ನು ಗಮನಿಸದೇ ಬಿಡುತ್ತಾರೆ. ಆದರೆ ಈ ಒಂದು ಭಕ್ಷ್ಯದ ಸಮಯವನ್ನು ನಿರ್ಲಕ್ಷ್ಯ ಮಾಡಿದರೆ ದೀರ್ಘಕಾಲದಲ್ಲಿ ದೇಹದಲ್ಲಿ ಅನೇಕ ಆರೋಗ್ಯ ಸಮಸ್ಯೆಗಳು ಉದ್ಭವಿಸುವ ಸಾಧ್ಯತೆ ಇದೆ.

ಬೆಳಗಿನ ತಿಂಡಿಯು ದೇಹಕ್ಕೆ ಅಗತ್ಯವಿರುವ ಶಕ್ತಿಯನ್ನು ನೀಡುತ್ತದೆ. ರಾತ್ರಿ ನಿದ್ರೆಯ ಸಮಯದಲ್ಲಿ ದೇಹದ ಶಕ್ತಿಸಂಚಯ ಕಡಿಮೆಯಾಗಿರುತ್ತದೆ. ಬೆಳಿಗ್ಗೆ ಎದ್ದ ನಂತರ ಕೆಲಸ ಮಾಡಬೇಕಾದರೆ, ಹೊಟ್ಟೆ ತುಂಬ, ಪೋಷಕಾಂಶಗಳಿರುವ ತಿಂಡಿಯನ್ನು ಸೇವಿಸುವುದು ಅಗತ್ಯ. ಇಡ್ಲಿ, ದೋಸೆ, ಉಪ್ಪಿಟ್ಟು, ಅವಲಕ್ಕಿ, ರೊಟ್ಟಿ ಇತ್ಯಾದಿ ತಿಂಡಿಗಳು ದಕ್ಷಿಣ ಭಾರತದ ಮನೆಮಾತಾದ ಆರೋಗ್ಯಕರ ಆಯ್ಕೆಗಳಾಗಿವೆ.

ಇನ್ನೊಂದು ಪ್ರಮುಖ ಅಂಶವೆಂದರೆ, ಮಕ್ಕಳಿಗೆ ಬೆಳಗಿನ ತಿಂಡಿ ಕಡ್ಡಾಯ. ಶಾಲೆಗೆ ಹೋಗುವ ಮಕ್ಕಳಿಗೆ ಖಾಲಿ ಹೊಟ್ಟೆಯಲ್ಲಿ ಹೋಗುವುದು ಒಳ್ಳೆಯದಲ್ಲ. ಬೆಳಗಿನ ತಿಂಡಿಯಿಂದ ಅವರ ದೈಹಿಕ ಹಾಗೂ ಮಾನಸಿಕ ಶಕ್ತಿ ಹೆಚ್ಚಾಗಿ, ಅಧ್ಯಯನದಲ್ಲಿ ಒಳ್ಳೆಯ ಗಮನ ಸಾದ್ಯವಾಗುತ್ತದೆ.

ಆರೋಗ್ಯವಂತ ಮತ್ತು ಸುದೀರ್ಘ ಜೀವನಕ್ಕೆ ಬೆಳಗಿನ ತಿಂಡಿಯನ್ನು ನಿರ್ಲಕ್ಷಿಸದೆ ಪ್ರತಿದಿನವೂ ಪೌಷ್ಟಿಕ ಆಹಾರ ಸೇವಿಸುವುದು ಉತ್ತಮ.

ಹಿಂದೂಸ್ತಾನ್ ಸಮಾಚಾರ್ / Rakesh Mahadevappa