ಮುಂಬಯಿ, 15 ಮೇ (ಹಿ.ಸ.) :

ಆ್ಯಂಕರ್ : ದೇಶೀಯ ಷೇರುಪೇಟೆ ಇಂದು ಸ್ವಲ್ಪ ಏರಿಕೆಯಿಂದ ಆರಂಭವಾದರೂ, ಬಳಿಕ ಮಾರಾಟದ ಒತ್ತಡದಿಂದ ಸೆನ್ಸೆಕ್ಸ್ ಹಾಗೂ ನಿಫ್ಟಿ ಎರಡೂ ಕುಸಿದಿವೆ. ವಹಿವಾಟಿನ ಮೊದಲ ಗಂಟೆಯಲ್ಲೇ ಸೆನ್ಸೆಕ್ಸ್ ಶೇಕಡಾ 0.41 ರಷ್ಟು ಇಳಿಕೆಯಿಂದ 80,958.31 ಅಂಕಗಳ ಮಟ್ಟದಲ್ಲಿ ಮತ್ತು ನಿಫ್ಟಿ ಶೇಕಡಾ 0.46 ರಷ್ಟು ಇಳಿಕೆಯಿಂದ 24,566.40 ಅಂಕಗಳ ಮಟ್ಟದಲ್ಲಿ ವಹಿವಾಟು ನಡೆಸಿದವು.

ಪ್ರಾರಂಭದಲ್ಲಿ ಸೆನ್ಸೆಕ್ಸ್ 81,354.43 ಅಂಕಗಳೊಂದಿಗೆ ಆರಂಭವಾಗಿ, ತಕ್ಷಣವೇ 80,762.16 ಅಂಕಗಳಿಗೆ ಕುಸಿತ ಕಂಡು ಸ್ವಲ್ಪ ಬಲಪಡೆದರೂ, ಹಳೆಯ ಮಟ್ಟ ತಲುಪಲಾಗಿಲ್ಲ. ನಿಫ್ಟಿಯೂ 24,694.45 ಅಂಕಗಳಲ್ಲಿ ಆರಂಭವಾದು, 24,494.45 ಅಂಕಗಳ ಮಟ್ಟಕ್ಕೆ ಇಳಿದು ಸ್ವಲ್ಪ ಚೇತರಿಕೆಯೊಂದಿಗೆ ಮುಂದುವರಿಯಿತು.

ಜೆಎಸ್‌ಡಬ್ಲ್ಯೂ ಸ್ಟೀಲ್, ಹೀರೋ ಮೋಟೋಕಾರ್ಪ್, ಟಾಟಾ ಮೋಟಾರ್ಸ್, ಶ್ರೀರಾಮ್ ಫೈನಾನ್ಸ್ ಮತ್ತು ಅದಾನಿ ಪೋರ್ಟ್ಸ್ ಷೇರುಗಳು ಶೇ. 2.63ರಿಂದ ಶೇ. 0.73 ರಷ್ಟು ಲಾಭ ಕಂಡು ಮಾರುಕಟ್ಟೆಗೆ ಬಲ ನೀಡಿದರೆ, ಪವರ್ ಗ್ರಿಡ್, ಸಿಪ್ಲಾ, ಎನ್‌ಟಿಪಿಸಿ, ಡಾ. ರೆಡ್ಡೀಸ್ ಹಾಗೂ ಒಎನ್‌ಜಿಸಿ ಷೇರುಗಳು ಶೇಕಡಾ 1.40ರಿಂದ 1.01ರಷ್ಟು ನಷ್ಟವನ್ನೂ ಕಂಡವು.

ಮಾರಾಟ ಮತ್ತು ಖರೀದಿ ಒತ್ತಡದ ನಡುವೆಯೂ, 2,445 ಷೇರುಗಳಲ್ಲಿ 1,665 ಷೇರುಗಳು ಲಾಭದಲ್ಲಿ ಹಾಗೂ 780 ಷೇರುಗಳು ನಷ್ಟದಲ್ಲಿ ವಹಿವಾಟು ನಡೆಸುತ್ತಿವೆ.

ಹಿಂದೂಸ್ತಾನ್ ಸಮಾಚಾರ್ / Rakesh Mahadevappa