ರಾಯಚೂರು, 20 ಡಿಸೆಂಬರ್ (ಹಿ.ಸ.) :

ಆ್ಯಂಕರ್ : ದತ್ತಾಂಶ ರಚನೆಯು ದತ್ತಾಂಶವನ್ನು ಸಂಗ್ರಹಿಸುವ ಮತ್ತು ಸಂಸ್ಕರಿಸುವ ತನ್ನದೇ ಆದ ವಿಶಿಷ್ಟ ವಿಧಾನವನ್ನು ಹೊಂದಿದೆ ಮತ್ತು ಪರಿಸ್ಥಿತಿಯ ಅಗತ್ಯಕ್ಕೆ ಅನುಗುಣವಾಗಿ ಬಳಸಲಾಗುತ್ತದೆ ಎಂದು ಕುವೆಂಪು ವಿಶ್ವವಿದ್ಯಾಲಯದ ಕಂಪ್ಯೂಟರ್ ಸೈನ್ಸ್ ವಿಭಾಗದ ಸಹ ಪ್ರಾಧ್ಯಾಪಕರಾದ ಡಾ.ಸುರೇಶ ಎಂ. ಅವರು ತಿಳಿಸಿದ್ದಾರೆ.

ಆದಿಕವಿ ಶ್ರೀ ಮಹರ್ಷಿ ವಾಲ್ಮೀಕಿ ವಿಶ್ವವಿದ್ಯಾನಿಲಯದ ಕಂಪ್ಯೂಟರ್ ಸೈನ್ಸ್ ವಿಭಾಗವು, ಡೇಟಾ ಸ್ಟ್ರಕ್ಚರ್ ಯುಸಿಂಗ್ ಸೀ ವಿಷಯ ಕುರಿತು ನಡೆದ ವಿಶೇಷ ಉಪನ್ಯಾಸದಲ್ಲಿ ಮಾತನಾಡಿದ ಅವರು, ಸಿ-ಯಲ್ಲಿನ ಡೇಟಾ ರಚನೆ ಎನ್ನುವುದು ಕಂಪ್ಯೂಟರ್ ಮೆಮೋರಿಯಲ್ಲಿ ದತ್ತಾಂಶವನ್ನು ಸಂಗ್ರಹಿಸುವ ಮತ್ತು ಸಂಘಟಿಸುವ ಒಂದು ವರ್ಗವಾಗಿದೆ. ರೇಖಿಯ ದತ್ತಾಂಶ ರಚನೆಗಳು ಅರೇಗಳು, ಸ್ಟ್ಯಾಕ್‍ಗಳು, ಕ್ಯೂಗಳು, ಲಿಂಕ್ಡ್‍ಲೀಸ್ಟ್‍ನ್ನು ಒಳಗೊಂಡಿರುತ್ತವೆ ಎಂದರು.

ವಾಲ್ಮೀಕಿ ವಿವಿಯ ಕುಲಸಚಿವರಾದ ಡಾ.ಎ.ಚನ್ನಪ್ಪ ಅವರು, ವಿಶೇಷ ಉಪನ್ಯಾಸ ಕಾರ್ಯಕ್ರಮಗಳನ್ನು ಅದರ ಜೊತೆಗೆ ವಿಶ್ವವಿದ್ಯಾಲಯದಲ್ಲಿ ಹಮ್ಮಿಕೊಳ್ಳುತ್ತಿರುವ ಶೈಕ್ಷಣಿಕ ಕಾರ್ಯಕ್ರಮಗಳ ಸದುಪಯೋಗವನ್ನು ಪಡೆದುಕೊಳ್ಳಬೇಕೆಂದು ಶುಭಾಶಯ ನುಡಿದರು

ಪ್ರೊ.ಪಿ. ಭಾಸ್ಕರ್ ಅವರು, ಡೇಟಾ ಸ್ಟ್ರಕ್ಚರ್ ಯುಸಿಂಗ್ ಸೀ ಅಭ್ಯಾಸದಿಂದ ಆ್ಯಪ್‍ಗಳನ್ನು ಸೃಜಿಸಲು ಸಹಕಾರಿಯಾಗಬಲ್ಲದು ಎಂದು ಹೇಳಿದರು.

ಗಣಕ ವಿಜ್ಞಾನ ವಿಭಾಗದ ಅತಿಥಿ ಉಪನ್ಯಾಸಕರಾದ ಡಾ.ಮಹ್ಮದ್ ಇಲಿಯಾಸ್ ಅತಿಥಿಯನ್ನು ಪರಿಚಯಿಸಿ, ಕಾರ್ಯಕ್ರಮ ನಿರೂಪಿಸಿದರು. ನಿಕತ್ ಸುಲ್ತಾನಾ ಅವರು ಸ್ವಾಗತಿಸಿದರು. ದಿವ್ಯಾ ಡೋರ್ಕಸ್ ಅವರು ವಂದಿಸಿದರು.

ಹಿಂದೂಸ್ತಾನ್ ಸಮಾಚಾರ್ / ಜಿ.ಎಂ. ರೋಹಿಣಿ ಕುಮಾರ್