ಅಡಿಲೇಡ್, 18 ಡಿಸೆಂಬರ್ (ಹಿ.ಸ.) :
ಆ್ಯಂಕರ್ : ಆಸ್ಟ್ರೇಲಿಯಾದ ಅನುಭವಿ ಆಫ್-ಸ್ಪಿನ್ನರ್ ನಾಥನ್ ಲಿಯಾನ್ ಟೆಸ್ಟ್ ಕ್ರಿಕೆಟ್ನಲ್ಲಿ ಮಹತ್ವದ ಮೈಲಿಗಲ್ಲು ಸಾಧಿಸಿದ್ದಾರೆ. ಅಡಿಲೇಡ್ ಓವಲ್ನಲ್ಲಿ ನಡೆಯುತ್ತಿರುವ ಆಶಿಸ್ ಸರಣಿಯ ಮೂರನೇ ಟೆಸ್ಟ್ನ ಎರಡನೇ ದಿನ, ಲಿಯಾನ್ ಮಾಜಿ ವೇಗಿ ಗ್ಲೆನ್ ಮೆಕ್ಗ್ರಾತ್ ಅವರನ್ನು ಹಿಂದಿಕ್ಕಿ ಟೆಸ್ಟ್ ಇತಿಹಾಸದಲ್ಲಿ ಆರನೇ ಅತಿ ಹೆಚ್ಚು ವಿಕೆಟ್ ಪಡೆದ ಬೌಲರ್ ಆಗಿದ್ದಾರೆ.
ಈ ಸಾಧನೆಗೆ ಅಗತ್ಯವಿದ್ದ ಎರಡು ವಿಕೆಟ್ ಗಳನ್ನು ತಮ್ಮ ಮೊದಲ ಓವರ್ನಲ್ಲೇ ಪೂರ್ಣಗೊಳಿಸಿದರು. ಓವರ್ನ ಮೂರನೇ ಎಸೆತದಲ್ಲಿ ಒಲ್ಲಿ ಪೋಪ್ ಹಾಗೂ ಕೊನೆಯ ಎಸೆತದಲ್ಲಿ ಬೆನ್ ಡಕೆಟ್ ಅವರನ್ನು ಔಟ್ ಮಾಡುವ ಮೂಲಕ ಅವರು 564 ಟೆಸ್ಟ್ ವಿಕೆಟ್ಗಳನ್ನು ಪೂರೈಸಿದರು. ಇದರಿಂದ ಮೆಕ್ಗ್ರಾತ್ ಅವರ 563 ವಿಕೆಟ್ಗಳ ದಾಖಲೆಯನ್ನು ಮೀರಿಸಿದರು.
38 ವರ್ಷದ ಲಿಯಾನ್ ಪ್ರಸ್ತುತ ಸಕ್ರಿಯ ಆಟಗಾರರಲ್ಲಿ ಅತಿ ಹೆಚ್ಚು ಟೆಸ್ಟ್ ವಿಕೆಟ್ ಪಡೆದ ಬೌಲರ್ ಆಗಿದ್ದು, ಮಿಚೆಲ್ ಸ್ಟಾರ್ಕ್ (420) ಎರಡನೇ ಸ್ಥಾನದಲ್ಲಿದ್ದಾರೆ.
ಹಿಂದೂಸ್ತಾನ್ ಸಮಾಚಾರ್ / Rakesh Mahadevappa
