ಕೋಲ್ಕತ್ತಾ, 04 ನವೆಂಬರ್ (ಹಿ.ಸ.) :

ಆ್ಯಂಕರ್ : ಭಾರತೀಯ ಚುನಾವಣಾ ಆಯೋಗವು ಪಶ್ಚಿಮ ಬಂಗಾಳದಲ್ಲಿ ಮತದಾರರ ಪಟ್ಟಿಯ ವಿಶೇಷ ತೀವ್ರ ಪರಿಷ್ಕರಣೆ ಪ್ರಕ್ರಿಯೆಯ ಮೊದಲ ಹಂತವನ್ನು ಪ್ರಾರಂಭಿಸಿದೆ.

ಪ್ರಾಥಮಿಕ ಅಂಕಿ ಅಂಶಗಳ ಪ್ರಕಾರ, ಪ್ರಸ್ತುತ ಮತದಾರರ ಪಟ್ಟಿಯಲ್ಲಿರುವ ಕೇವಲ 32.06% ಹೆಸರುಗಳು ಮಾತ್ರ 2002ರ ಪಟ್ಟಿಗೆ ಹೊಂದಿಕೆಯಾಗುತ್ತಿವೆ.

ರಾಜ್ಯದಲ್ಲಿ ಕೊನೆಯ ಎಸ್ಐಆರ್ 2002ರಲ್ಲಿ ನಡೆದಿತ್ತು ಮತ್ತು ಆ ಪಟ್ಟಿಯನ್ನೇ ಆಧಾರವಾಗಿ ಬಳಸಲಾಗುತ್ತಿದೆ. ಪ್ರಸ್ತುತ ಪಟ್ಟಿಯಲ್ಲಿ ಸುಮಾರು 76.6 ಮಿಲಿಯನ್ ಮತದಾರರ ಹೆಸರುಗಳು ಇವೆ, ಆದರೆ 24.6 ಮಿಲಿಯನ್‌ನಷ್ಟರಲ್ಲಿ ಮಾತ್ರ ಹಳೆಯ ಪಟ್ಟಿಯಲ್ಲಿನ ಹೆಸರುಗಳು ಅಥವಾ ಪೋಷಕರ ಹೆಸರುಗಳು ಕಂಡುಬಂದಿವೆ.

2002ರ ಪಟ್ಟಿಯಲ್ಲಿ ಹೆಸರುಗಳಿರುವವರು ಹೆಚ್ಚುವರಿ ದಾಖಲೆ ನೀಡಬೇಕಾಗಿಲ್ಲ ಇತರರು ಚುನಾವಣಾ ಆಯೋಗ ಸೂಚಿಸಿದ ದಾಖಲೆಗಳನ್ನು ನೀಡಬೇಕು. ಆಧಾರ್ ಕಾರ್ಡ್ ಪಟ್ಟಿ ಒಳಗೊಂಡಿದ್ದರೂ, ಅದು ಪೌರತ್ವ ಅಥವಾ ವಯಸ್ಸಿನ ಪುರಾವೆಯಾಗಿ ಪರಿಗಣಿಸಲಾಗುವುದಿಲ್ಲ ಎಂದು ಆಯೋಗ ಸ್ಪಷ್ಟಪಡಿಸಿದೆ.

ಮೂರು ಹಂತಗಳಲ್ಲಿ ನಡೆಯುವ ಈ ಪ್ರಕ್ರಿಯೆಯ ಮೊದಲ ಹಂತದಲ್ಲಿ BLO ಅಧಿಕಾರಿಗಳು ಮನೆಮನೆಗೆ ಭೇಟಿ ನೀಡಿ ಮತದಾರರ ವಿವರಗಳನ್ನು ಸಂಗ್ರಹಿಸಲಿದ್ದಾರೆ. ಕೊನೆಗೆ ಕರಡು ಪಟ್ಟಿ ಪ್ರಕಟಿಸಿ, ನಂತರ ದೂರು ನಿವಾರಣೆ ಹಂತದ ಬಳಿಕ ಮಾರ್ಚ್ 2026ರೊಳಗೆ ಅಂತಿಮ ಮತದಾರರ ಪಟ್ಟಿ ಪ್ರಕಟವಾಗಲಿದೆ.

ಮುಂದಿನ ವರ್ಷ ಪಶ್ಚಿಮ ಬಂಗಾಳ ಸೇರಿದಂತೆ ಮೂರು ರಾಜ್ಯಗಳು ಮತ್ತು ಒಂದು ಕೇಂದ್ರಾಡಳಿತ ಪ್ರದೇಶದಲ್ಲಿ ವಿಧಾನಸಭಾ ಚುನಾವಣೆಗಳು ನಡೆಯಲಿವೆ.

ಹಿಂದೂಸ್ತಾನ್ ಸಮಾಚಾರ್ / Rakesh Mahadevappa