ಬೆಂಗಳೂರು,2 ಜನವರಿ (ಹಿ.ಸ.) :

ಆ್ಯಂಕರ್ :ಮಸಾಲೆಗಳ ರಾಣಿ ಎಂದು ಜನಪ್ರಿಯವಾಗಿ ಕರೆಯಲ್ಪಡುವ ಏಲಕ್ಕಿ ಒಂದು ಮೌಲ್ಯಯುತವಾದ ಪೋಷಕಾಂಶಗಳಿವೆ.ಅಂತರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಏಲಕ್ಕಿ ಅತ್ಯಂತ ಬೆಲೆಬಾಳುವ ಮಸಾಲೆಯಾಗಿದೆ.

ಭಾರತೀಯ ಅಡುಗೆಮನೆಯಲ್ಲಿರುವ ಮಸಾಲೆ ಪೆಟ್ಟಿಗೆಯಲ್ಲಿ ಏಲಕ್ಕಿ ಸೇರಿದಂತೆ ಹಲವು ಸಾಂಬಾರು ಪದಾರ್ಥಗಳನ್ನು ಸಂಗ್ರಹಿಸಲು ಮಾತ್ರ ಬಳಸಲಾಗುವುದಿಲ್ಲ. ಅದೇ ರೀತಿ ಏಲಕ್ಕಿ ಕೇವಲ ಸುವಾಸನೆ ಮತ್ತು ರುಚಿಗೆ ಬಳಸುವ ಸಾಂಬಾರ ಪದಾರ್ಥವಲ್ಲ. ಇದು ಹಲವಾರು ಔಷಧೀಯ ಪ್ರಯೋಜನಗಳನ್ನು ಹೊಂದಿದೆ. ಅನಾದಿ ಕಾಲದಿಂದಲೂ ಭಾರತೀಯ ಅಡುಗೆಗಳಲ್ಲಿ ಇದನ್ನು ಬಳಸಲಾಗುತ್ತಿದೆ. ಆಯುರ್ವೇದ ಔಷಧದಲ್ಲಿ ಏಲಕ್ಕಿ ಪ್ರಮುಖ ಪಾತ್ರ ವಹಿಸುತ್ತದೆ. ಏಲಕ್ಕಿ ಬಾಯಿಯ ಸೋಂಕುಗಳು, ಗಂಟಲಿನ ಸೋಂಕುಗಳು, ಎದೆಯ ದಟ್ಟಣೆ, ಅನಿಲ-ಸಂಬಂಧಿತ ಅಸ್ವಸ್ಥತೆಗಳು ಮತ್ತು ವಿಷಯುಕ್ತ ಹಸಿರು ಸಸ್ಯಗಳಿಗೆ ಅತ್ಯುತ್ತಮ ಪರಿಹಾರವಾಗಿದೆ ಎಂದು ನಂಬಲಾಗಿದೆ.

100 ಗ್ರಾಂ ಏಲಕ್ಕಿನಲ್ಲಿ

ಪ್ರೋಟೀನ್ - 11 ಗ್ರಾಂ

ಕೊಬ್ಬು - 0 ಮಿಗ್ರಾಂ

ಕಾರ್ಬೋಹೈಡ್ರೇಟ್ ಗಳು - 68 ಗ್ರಾಂ

ಒಟ್ಟು ಕೊಬ್ಬು - 7 ಗ್ರಾಂ

ಕ್ಯಾಲೋರಿ - 311 ಕೆ.ಸಿ.ಎಲ್

ಏಲಕ್ಕಿ ಶುಂಠಿ ಕುಟುಂಬಕ್ಕೆ ಸೇರಿದ ಸಸ್ಯವಾಗಿದೆ. ಇದರ ಬೀಜಗಳನ್ನು ಅಡುಗೆ ಮತ್ತು ಔಷಧೀಯ ಉದ್ದೇಶಗಳಿಗಾಗಿ ಬಳಸಲಾಗುತ್ತದೆ. ಇದನ್ನು ಗಾತ್ರ ಮತ್ತು ಪ್ರಕಾರಗಳ ಪ್ರಕಾರ ವರ್ಗೀಕರಿಸಲಾಗಿದೆ.

ಔಷಧೀಯ ಉದ್ದೇಶಗಳಿಗಾಗಿ, ಏಲಕ್ಕಿಯನ್ನು ಭಾರತದಲ್ಲಿ 5,000 ವರ್ಷಗಳಿಂದ ಬಳಸಲಾಗುತ್ತಿದೆ. ಹಸಿರು ಏಲಕ್ಕಿಯು ಔಷಧೀಯ ಗುಣಗಳಿಂದ ಕೂಡಿದೆ. ಇದು ವಿಟಮಿನ್ ಎ, ವಿಟಮಿನ್ ಸಿ, ಕ್ಯಾಲ್ಸಿಯಂ, ಸೋಡಿಯಂ, ಪೊಟ್ಯಾಸಿಯಮ್, ಕಬ್ಬಿಣ, ತಾಮ್ರ ಮತ್ತು ಮ್ಯಾಂಗನೀಸ್ ಸೇರಿದಂತೆ ಪೋಷಕಾಂಶಗಳನ್ನು ಒಳಗೊಂಡಿದೆ.

ಹೀಗಾಗಿ ಚಳಿಗಾಲದಲ್ಲಿ ಶೀತ, ನೆಗಡಿ, ಜ್ವರ, ಕೆಮ್ಮು, ಗಂಟಲು ನೋವು, ಅನೇಕ ಅರೋಗ್ಯ ಸಮಸ್ಯೆಗಳಿಗೆ ಹೆಚ್ಚು ಅನುಕೂಲವಾಗಿದೆ.ಏಲಕ್ಕಿಯಲ್ಲಿ ಉತ್ಕರ್ಷಣ ನಿರೋಧಕಗಳು ಅಧಿಕವಾಗಿದ್ದು, ಬ್ಯಾಕ್ಟೀರಿಯಾ ವಿರೋಧಿ ಗುಣಗಳನ್ನು ಹೊಂದಿದೆ. ಏಲಕ್ಕಿಯಲ್ಲಿ ಲೈಂಗಿಕ ಸಾಮರ್ಥ್ಯ ಹೆಚ್ಚಿಸುವ ಗುಣ ಇದೆ.

ಆಹಾರದಲ್ಲಿ ಏಲಕ್ಕಿಯನ್ನು ನಿಯಮಿತವಾಗಿ ಸೇವಿಸುವುದರಿಂದ ಬಾಯಿಯ ನೈರ್ಮಲ್ಯವನ್ನು ಕಾಪಾಡುತ್ತದೆ. ಕೆಲವರಿಗೆ ಹುಳುಕು ಹಲ್ಲು ,ವಸಡುಗಳ ಸಮಸ್ಯೆ ಮತ್ತು ಬಾಯಿಯ ದುರ್ವಾಸನೆ ಸಮಸ್ಯೆ ಸೇರಿದಂತೆ ಹಲ್ಲು ನೋವಿಗೂ ಪರಿಹಾರ ಕಾಣಲಿದೆ. ಏಲಕ್ಕಿಯು ಜೀರ್ಣಕ್ರಿಯೆಗೆ ಸಹಾಯ ಮಾಡುವುದರಿಂದ, ಪ್ರತಿ ಭಾರತೀಯ ಪಾಕಪದ್ಧತಿಯಲ್ಲಿ ಇದು ತನ್ನ ಸ್ಥಾನವನ್ನು ಕಂಡುಕೊಳ್ಳುವುದು ಖಚಿತ. ಹೊಟ್ಟೆಯ ಹುಣ್ಣು, ಆಸಿಡ್ ರಿಫ್ಲಕ್ಸ್ ಮತ್ತು ಗ್ಯಾಸ್ ಸಂಬಂಧಿತ ಅಸ್ವಸ್ಥತೆಗಳನ್ನು ನಿವಾರಿಸುತ್ತದೆ.ಜೀರ್ಣಕ್ರಿಯೆಯನ್ನು ಸುಲಭಗೊಳಿಸುತ್ತದೆ. ಆದ್ದರಿಂದ ತಿನ್ನುವ ಮೊದಲು ಏಲಕ್ಕಿ ನೀರನ್ನು ಕುಡಿಯುವುದು ಜೀರ್ಣಕಾರಿ ಸಮಸ್ಯೆಗಳಿಗೆ ಪ್ರಯೋಜನಕಾರಿಯಾಗಿದೆ.

ಏಲಕ್ಕಿಯಲ್ಲಿ ಇರುವ ಫೈಟೋ ಕೆಮಿಕಲ್ ಹಾಗೂ ಪ್ರಬಲ ಉತ್ಕರ್ಷಣ ನಿರೋಧಕ ಅಂಶಗಳು, ಪ್ರಾಣಕ್ಕೆ ಅಪಾಯವನ್ನು ತಂದೊಡ್ಡುವ ಕಾಯಿಲೆಯಾದ ಕ್ಯಾನ್ಸರ್ ವಿರುದ್ಧ ಹೋರಾಡುವ ಗುಣವನ್ನು ಹೊಂದಿದೆ ಎಂದು ಹೇಳಲಾಗಿದೆ.

---------------

ಹಿಂದೂಸ್ತಾನ್ ಸಮಾಚಾರ್ / ಡಾ.ಪಿ.ವಿ.ಪ್ರಸಾದ ರಾವ್ ಪಿ .ವಿ