ನವದೆಹಲಿ, 20 ಜುಲೈ (ಹಿ.ಸ.) :

ಆ್ಯಂಕರ್ : ಭಾರತ ವಿದೇಶಾಂಗ ಸಚಿವಾಲಯವು ಅಮೆರಿಕಾಗೆ ಭಾರತದ ಹೊಸ ರಾಯಭಾರಿಯನ್ನು ನೇಮಕ ಮಾಡಿದೆ. ವಿನಯ್​​​ ಮೋಹನ್​ ಕ್ವಾತ್ರಾ ಅವರು ಹೊಸ ರಾಯಭಾರಿಯಾಗಿ ನೇಮಕಗೊಂಡಿದ್ದು, ಶೀಘ್ರದಲ್ಲೇ ಅಧಿಕಾರ ಸ್ವೀಕರಿಸಲಿದ್ದಾರೆ. ತರಂಜಿತ್ ಸಂಧು ಅವರ ನಿವೃತ್ತಿ ಬಳಿಕ ವಿನಯ್​​​ ಮೋಹನ್​ ಕ್ವಾತ್ರಾ ಅಧಿಕಾರ ಸ್ವೀಕರಿಸುತ್ತಿದ್ದಾರೆ.

ವಿನಯ್​​​ ಮೋಹನ್​ ಕ್ವಾತ್ರಾರವರು 2022ರಲ್ಲಿ ವಿದೇಶಾಂಗ ಕಾರ್ಯದರ್ಶಿಯಾಗಿ ನೇಮಕಗೊಂಡರು. ಇವರು 1988ರ ಬ್ಯಾಚ್​​ನವರಾಗಿದ್ದು, ವಿದೇಶಾಂಗ ಕಾರ್ಯದರ್ಶಿಯಾಗಿ ಜವಾಬ್ದಾರಿಯನ್ನು ವಹಿಸಿಕೊಂಡರು. ಇವರು ನೇಪಾಳಕ್ಕೆ ಭಾರತದ ರಾಯಭಾರಿಯಾಗಿ ಸೇವೆ ಸಲ್ಲಿಸಿದ್ದಾರೆ.

ಯುನೈಟೆಡ್​​ ಸ್ಟೇಟ್​, ಚೀನಾ ಮತ್ತು ಯುರೀಪಿಯನ್​​ ವ್ಯವಹಾರಗಳಲ್ಲಿ ಪರಿಣಿತರಾಗಿರುವ ವಿನಯ್​​​ ಮೋಹನ್​ ಕ್ವಾತ್ರಾ 2017ರಿಂದ ಫೆಬ್ರವರಿ 2020ರವರೆಗೆ ಫ್ರಾನ್ಸ್​ನಲ್ಲಿ ಭಾರತೀಯ ರಾಯಭಾರಿಯಾಗಿ ಸೇವೆ ಸಲ್ಲಿಸಿದ್ದಾರೆ. ಈ ವೇಳೆ ಭಾರತಕ್ಕೆ ರಫೇಲ್​​ ಯುದ್ಧ ವಿಮಾನ ಖರೀದಿಸಲು ಶ್ರಮಿಸಿದ್ದಾರೆ.

32 ವರ್ಷಗಳ ಅನುಭವವನ್ನು ವಿನಯ್​​​ ಮೋಹನ್​ ಕ್ವಾತ್ರಾ ಹೊಂದಿದ್ದಾರೆ. 2015 ಮತ್ತು ಆಗಸ್ಟ್​ 2017ರವರೆಗೆ 2 ವರ್ಷಗಳ ಕಾಲ ಪ್ರಧಾನ ಮಂತ್ರಿ ಕಚೇರಿಯಲ್ಲಿ ಜಂಟಿ ಕಾರ್ಯದರ್ಶಿಯಾಗಿ ಸೇವೆ ಸಲ್ಲಿದ್ದಾರೆ

ಹಿಂದೂಸ್ತಾನ್ ಸಮಾಚಾರ್

ಹಿಂದೂಸ್ತಾನ್ ಸಮಾಚಾರ್ / ಡಾ.ಪಿ.ವಿ.ಪ್ರಸಾದ ರಾವ್ / ಮನೋಹರ ಯಡವಟ್ಟಿ