ಅಟ್ಲಾಂಟಾ, 16 ಜುಲೈ (ಹಿ.ಸ.):

ಆ್ಯಂಕರ್:ಇಂಗ್ಲೆಂಡ್ ತಂಡ ರಕ್ಷಣಾತ್ಮಕ ಆಟಕ್ಕೆ ಮೊರೆ ಹೋದ ಕ್ಷಣವೇ ಅದನ್ನು ಸದುಪಯೋಗಪಡಿಸಿಕೊಂಡು ದಾಳಿ ನಡೆಸಿದ ಕಾರಣ ಅರ್ಜೆಂಟೀನಾ 2-1 ಗೋಲುಗಳ ಅಂತರದಲ್ಲಿ ಗೆದ್ದು ಫಿಫಾ ವಿಶ್ವಕಪ್ 2026ರ ಫೈನಲ್ ಪ್ರವೇಶಿಸಿದೆ ಎಂದು ಮುಖ್ಯ ಕೋಚ್ ಲಿಯೋನೆಲ್ ಸ್ಕಲೋನಿ ಹೇಳಿದ್ದಾರೆ.

ಮೊದಲು 1-0 ಮುನ್ನಡೆ ಸಾಧಿಸಿದ್ದ ಇಂಗ್ಲೆಂಡ್ ಬಳಿಕ ರಕ್ಷಣಾತ್ಮಕ ತಂತ್ರ ಅನುಸರಿಸಿತು. ಇದನ್ನೇ ಅವಕಾಶವನ್ನಾಗಿ ಮಾಡಿಕೊಂಡ ಅರ್ಜೆಂಟೀನಾ ಪಂದ್ಯದ ಅಂತಿಮ ಹಂತದಲ್ಲಿ ಅದ್ಭುತ ಪುನರಾಗಮನ ಮಾಡಿತು. ಎಂಜೊ ಫೆರ್ನಾಂಡೆಸ್ ಸಮಬಲದ ಗೋಲು ದಾಖಲಿಸಿದರೆ, ಹೆಚ್ಚುವರಿ ವೇಳೆಯಲ್ಲಿ ಲೌಟಾರೊ ಮಾರ್ಟಿನೆಸ್ ವಿಜಯದ ಗೋಲು ಬಾರಿಸಿ ತಂಡವನ್ನು ಸತತ ಎರಡನೇ ಬಾರಿ ವಿಶ್ವಕಪ್ ಫೈನಲ್‌ಗೆ ಕೊಂಡೊಯ್ದರು.

ಪಂದ್ಯದ ನಂತರ ಮಾತನಾಡಿದ ಸ್ಕಲೋನಿ, ನಮ್ಮ ತಂಡ ಕಠಿಣ ಸಂದರ್ಭಗಳಲ್ಲಿ ಅತ್ಯುತ್ತಮ ಪ್ರದರ್ಶನ ನೀಡುತ್ತದೆ. ಎದುರಾಳಿ ತಂಡ ಸ್ವಲ್ಪ ಹಿಂಜರಿದ ಕ್ಷಣವೇ ನಾವು ಅದರ ದುರ್ಬಲತೆಯನ್ನು ಗುರುತಿಸಿ ಸಂಪೂರ್ಣ ಶಕ್ತಿಯಿಂದ ದಾಳಿ ಮಾಡುತ್ತೇವೆ, ಎಂದು ಹೇಳಿದರು.

ಜುಲೈ 19ರಂದು ನಡೆಯಲಿರುವ ಫೈನಲ್‌ನಲ್ಲಿ ಅರ್ಜೆಂಟೀನಾ ಸ್ಪೇನ್ ತಂಡವನ್ನು ಎದುರಿಸಲಿದೆ. ಸತತ ಎರಡನೇ ಬಾರಿ ವಿಶ್ವಕಪ್ ಕಿರೀಟ ಗೆಲ್ಲುವ ಗುರಿಯೊಂದಿಗೆ ಅರ್ಜೆಂಟೀನಾ ಕಣಕ್ಕಿಳಿಯಲಿದೆ.

---------------

ಹಿಂದೂಸ್ತಾನ್ ಸಮಾಚಾರ್ / Rakesh.M.B.