ಮೊಹರಂ ಹಬ್ಬದ ಸಂದರ್ಭದಲ್ಲಿ ಉತ್ತರ ಕರ್ನಾಟಕದ ಹಲವು ಭಾಗಗಳಲ್ಲಿ ವಿಶೇಷವಾಗಿ ತಯಾರಿಸಲಾಗುವ ಸಾಂಪ್ರದಾಯಿಕ ಸಿಹಿತಿಂಡಿಗಳಲ್ಲಿ ಚೊಂಗೆ ಕೂಡ ಒಂದು. ಮೈದಾ ಹಿಟ್ಟು, ತೆಂಗಿನಕಾಯಿ, ಸಕ್ಕರೆ ಹಾಗೂ ಒಣಹಣ್ಣುಗಳ ಸಂಯೋಜನೆಯಿಂದ ತಯಾರಾಗುವ ಈ ಸಿಹಿ ಖಾದ್ಯವು ತನ್ನ ವಿಶಿಷ್ಟ ರುಚಿ ಮತ್ತು ಪರಿಮಳದಿಂದ ಎಲ್ಲರ ಮೆಚ್ಚುಗೆ ಪಡೆಯುತ್ತದೆ. ಕುಟುಂಬದ ಸದಸ್ಯರು ಹಾಗೂ ಅತಿಥಿಗಳಿಗೆ ಪ್ರೀತಿಯಿಂದ ಬಡಿಸುವ ಈ ತಿನಿಸು ಹಬ್ಬದ ಸಂಭ್ರಮವನ್ನು ಇನ್ನಷ್ಟು ಹೆಚ್ಚಿಸುತ್ತದೆ.

ಬೇಕಾಗುವ ಸಾಮಗ್ರಿಗಳು

ಮೈದಾ ಹಿಟ್ಟು – 2 ಕಪ್

ಹಾಲು – 1 ಕಪ್

ಸಕ್ಕರೆ – 1 ಕಪ್

ತುರಿದ ತೆಂಗಿನಕಾಯಿ – ½ ಕಪ್

ಬಾದಾಮಿ ತುಂಡುಗಳು – 2 ಟೇಬಲ್ ಸ್ಪೂನ್

ಪಿಸ್ತಾ ತುಂಡುಗಳು – 2 ಟೇಬಲ್ ಸ್ಪೂನ್

ಏಲಕ್ಕಿ ಪುಡಿ – ½ ಟೀ ಸ್ಪೂನ್

ತುಪ್ಪ – 3 ಟೇಬಲ್ ಸ್ಪೂನ್

ಚಿಟಿಕೆ ಉಪ್ಪು

ಅಗತ್ಯವಿರುವಷ್ಟು ನೀರು

ತಯಾರಿಸುವ ವಿಧಾನ

ಮೊದಲು ಮೈದಾ ಹಿಟ್ಟಿಗೆ ಚಿಟಿಕೆ ಉಪ್ಪು ಹಾಗೂ ಅಗತ್ಯವಿರುವಷ್ಟು ನೀರು ಸೇರಿಸಿ ಮೃದುವಾದ ಹಿಟ್ಟನ್ನು ಕಲಸಿ. ನಂತರ ಅದನ್ನು ಸುಮಾರು 20 ನಿಮಿಷಗಳ ಕಾಲ ಮುಚ್ಚಿಟ್ಟು ವಿಶ್ರಾಂತಿಗೆ ಬಿಡಬೇಕು.

ಈ ನಡುವೆ ಸಕ್ಕರೆ, ತುರಿದ ತೆಂಗಿನಕಾಯಿ ಹಾಗೂ ಏಲಕ್ಕಿ ಪುಡಿಯನ್ನು ಚೆನ್ನಾಗಿ ಬೆರೆಸಿ ಸಿಹಿ ಹೂರಣವನ್ನು ಸಿದ್ಧಪಡಿಸಬೇಕು. ನಂತರ ಹಿಟ್ಟಿನಿಂದ ಸಣ್ಣ ಉಂಡೆಗಳನ್ನು ಮಾಡಿ ತೆಳುವಾಗಿ ಲಟ್ಟಿಸಬೇಕು.

ಲಟ್ಟಿಸಿದ ಹಿಟ್ಟಿನ ಮೇಲೆ ಸಿಹಿ ಹೂರಣವನ್ನು ಸಮವಾಗಿ ಹಚ್ಚಿ, ಅದರ ಮೇಲೊಂದು ಮತ್ತೊಂದು ಹಿಟ್ಟಿನ ಪದರವನ್ನು ಇಟ್ಟು ಅಂಚುಗಳನ್ನು ಒತ್ತಿ ಸುತ್ತಳತೆಯಲ್ಲಿ ಸಿದ್ಧಪಡಿಸಬೇಕು.

ನಂತರ ತವೆಯನ್ನು ಬಿಸಿ ಮಾಡಿ ತುಪ್ಪ ಹಾಕಿ, ಸಿದ್ಧಪಡಿಸಿದ ಚೊಂಗೆಯನ್ನು ಎರಡೂ ಬದಿಗಳಲ್ಲಿ ಚಿನ್ನದ ಬಣ್ಣ ಬರುವವರೆಗೆ ನಿಧಾನ ಉರಿಯಲ್ಲಿ ಬೇಯಿಸಬೇಕು.

ಕೊನೆಯಲ್ಲಿ ಬಾದಾಮಿ ಮತ್ತು ಪಿಸ್ತಾ ತುಂಡುಗಳನ್ನು ಮೇಲಿಂದ ಚಲ್ಲಿ ಅಲಂಕರಿಸಿದರೆ ರುಚಿಕರವಾದ ಚೊಂಗೆ ಸವಿಯಲು ಸಿದ್ಧವಾಗುತ್ತದೆ.

ವಿಶೇಷ ಸಲಹೆಗಳು

ತುಪ್ಪವನ್ನು ಸ್ವಲ್ಪ ಹೆಚ್ಚಾಗಿ ಬಳಸಿದರೆ ಚೊಂಗೆ ಇನ್ನಷ್ಟು ಮೃದುವಾಗಿ ಹಾಗೂ ರುಚಿಕರವಾಗುತ್ತದೆ.

ಏಲಕ್ಕಿ ಪುಡಿಯೊಂದಿಗೆ ಸ್ವಲ್ಪ ಕೇಸರಿ ಸೇರಿಸಿದರೆ ಸುವಾಸನೆ ಹೆಚ್ಚುತ್ತದೆ.

ಸಕ್ಕರೆಯ ಬದಲು ಬೆಲ್ಲ ಬಳಸಿದರೆ ಸಾಂಪ್ರದಾಯಿಕ ಸಿಹಿ ರುಚಿ ದೊರೆಯುತ್ತದೆ.

ಹಾಲಿನಲ್ಲಿ ಹಿಟ್ಟನ್ನು ಕಲಸಿದರೆ ಚೊಂಗೆ ಮೃದುವಾಗಿದ್ದು ಹೆಚ್ಚು ಸಮಯ ತಾಜಾ ಇರುತ್ತದೆ.

ಮೊಹರಂ ಹಬ್ಬದ ಸಂದರ್ಭದಲ್ಲಿ ಮನೆಯಲ್ಲೇ ಸುಲಭವಾಗಿ ತಯಾರಿಸಬಹುದಾದ ಈ ಸಾಂಪ್ರದಾಯಿಕ ಚೊಂಗೆ, ಸಿಹಿಯ ಜೊತೆಗೆ ಸಂಸ್ಕೃತಿ ಮತ್ತು ಸಂಪ್ರದಾಯದ ಸೊಗಡನ್ನೂ ಹೊತ್ತಿದೆ.

ಹಿಂದೂಸ್ತಾನ್ ಸಮಾಚಾರ್ / Rakesh.M.B.