ಗದಗ, 26 ಏಪ್ರಿಲ್ (ಹಿ.ಸ.) :

ಆ್ಯಂಕರ್ : “ಹರಿ ಸರ್ವೋತ್ತಮ” ಎಂಬುದು ಆಚಾರ್ಯರು ನೀಡಿದ ಮಹತ್ವದ ಸಿದ್ಧಾಂತವಾಗಿದ್ದು, ಭಗವಂತನಿಗೆ ಭಕ್ತಿಯಿಂದ ಸಮರ್ಪಿಸಿದಾಗ ಆತನು ಅದನ್ನು ಶುದ್ಧೀಕರಿಸಿ ಭಕ್ತರಿಗೆ ಪುನಃ ಅನುಗ್ರಹವಾಗಿ ನೀಡುತ್ತಾನೆ ಎಂದು ಅದಮಾರು ಮಠದ ಹಿರಿಯ ಶ್ರೀಗಳಾದ ಶ್ರೀ ವಿಶ್ವಪ್ರಿಯತೀರ್ಥ ಶ್ರೀಪಾದಂಗಳವರು ಹೇಳಿದರು.

ನಗರದ ಐತಿಹಾಸಿಕ ಶ್ರೀ ವೀರನಾರಾಯಣ ದೇವಸ್ಥಾನದಲ್ಲಿ ಲಕ್ಷ್ಮೀನಾರಾಯಣ ಭಜನಾ ಮಂಡಳ ಸಹಯೋಗದಲ್ಲಿ ಮೂರು ದಿನಗಳ ಕಾಲ ಆಯೋಜಿಸಲಾದ ಧಾರ್ಮಿಕ ಕಾರ್ಯಕ್ರಮದಲ್ಲಿ ಆಶೀರ್ವಚನ ನೀಡಿದ ಅವರು, ಜಗದ್ಗುರು ಶ್ರೀ ಮದ್ವಾಚಾರ್ಯರು ಪ್ರತಿಪಾದಿಸಿದ “ಹರಿ ಸರ್ವೋತ್ತಮ” ತತ್ವವು ಸಮಾಜಕ್ಕೆ ಸತ್ಮಾರ್ಗ ತೋರಿಸುವ ದೀಪವಾಗಿದೆ ಎಂದು ಹೇಳಿದರು.

ಭಕ್ತಿ, ಸಮರ್ಪಣೆಯಿಂದ ದೈವಾನುಗ್ರಹ

“ನಾವು ದೇವರಿಗೆ ಸಮರ್ಪಿಸುವುದನ್ನು ಭಗವಂತನು ಶುದ್ಧೀಕರಿಸಿ, ಕಲ್ಮಷವಿಲ್ಲದ ರೂಪದಲ್ಲಿ ಮರಳಿ ನೀಡುತ್ತಾನೆ. ಭಕ್ತಿಯಿಂದ ಸಮರ್ಪಿಸಿದಾಗ ದೇವರು ನಾಲ್ಕು ಕೈಗಳಲ್ಲಿ ಅನುಗ್ರಹ ನೀಡಲು ಸಿದ್ಧನಾಗುತ್ತಾನೆ” ಎಂದು ಅವರು ತಿಳಿಸಿದರು.

ಪೂತಣಿಯ ಪ್ರಸಂಗದ ಉಲ್ಲೇಖ

ಶ್ರೀಕೃಷ್ಣನಿಗೆ ವಿಷ ಉಣಿಸಲು ಬಂದ ಪೂತಣಿಯ ಪ್ರಸಂಗವನ್ನು ಉಲ್ಲೇಖಿಸಿದ ಅವರು, ಭಗವಂತನ ಕೃಪೆಯಿಂದ ದುಷ್ಟವೂ ಶುದ್ಧವಾಗುತ್ತದೆ ಎಂಬ ಸಂದೇಶವನ್ನು ನೀಡಿದರು.

ಸಮಾಜದಲ್ಲಿ ಆಧ್ಯಾತ್ಮಿಕ ಮೌಲ್ಯಗಳ ಅಗತ್ಯ

ಇಂದಿನ ಸಮಾಜದಲ್ಲಿ ಪರಸ್ಪರ ಟೀಕೆ, ದ್ವೇಷ ಹೆಚ್ಚುತ್ತಿರುವುದು ಆತಂಕಕಾರಿ. ಪ್ರತಿದಿನ ಉತ್ತಮ ವಿಚಾರಧಾರೆಗಳನ್ನು ಬೆಳೆಸಿಕೊಳ್ಳಬೇಕು. ಆಧ್ಯಾತ್ಮ ಹಾಗೂ ಶ್ರದ್ಧಾಭಕ್ತಿಯನ್ನು ಅಳವಡಿಸಿಕೊಂಡಾಗ ಮಾತ್ರ ಸಮಾಜ ಉತ್ತಮ ದಾರಿಯಲ್ಲಿ ಸಾಗುತ್ತದೆ ಎಂದು ಶ್ರೀಗಳು ಕರೆ ನೀಡಿದರು.

ವಿಶಾಲ ಪ್ರಮಾಣದ ಭಾಗವಹಿಕೆ

ಕಾರ್ಯಕ್ರಮದಲ್ಲಿ ಶ್ರೀ ವೀರನಾರಾಯಣ, ಶ್ರೀ ತ್ರಿಕೂಟೇಶ್ವರ ದೇವಸ್ಥಾನ ಟ್ರಸ್ಟ್ ಸಮಿತಿ, ಶ್ರೀ ಪವಮಾನ ಸಮಿತಿ, ಶ್ರೀ ಗುರು ರಾಘವೇಂದ್ರ ಉತ್ಸವ ಮಂಡಳಿ, ಶ್ರೀ ಮಹಾಲಕ್ಷ್ಮೀ ಯುವತಿ ಮಂಡಲ, ಶ್ರೀ ಲಕ್ಷ್ಮೀನಾರಾಯಣ ಮಹಿಳಾ ಮಂಡಲ ಹಾಗೂ ಯುವಕ ಮಂಡಳಗಳ ಸದಸ್ಯರು ಭಾಗವಹಿಸಿದ್ದರು.

ಈ ಸಂದರ್ಭದಲ್ಲಿ ವರದಾಚಾರ್ಯ ಪಂ. ಜಾಲಿಹಾಳ, ಶ್ರೀಧರಾಚಾರ್ಯ ಶಿರಹಟ್ಟಿ, ಶ್ರೀಕಾಂತಾಚಾರ್ಯ ನಿಲೂಗಲ್ಲ, ಪ್ರಲಾದಾಚಾರ್ಯ ನಿಲೂಗಲ್ಲ, ವೆಂಕಟೇಶ ಕುಲಕರ್ಣಿ, ಜಯದೇವಭಟ್, ನಾರಾಯಣಾಚಾರ್ಯ ಗುಡಿ, ಪ್ರದ್ಯಮ್ಮ ಗುಡಿ ಸೇರಿದಂತೆ ಹಲವರು ಉಪಸ್ಥಿತರಿದ್ದರು.

ಒಟ್ಟಾರೆ, ಧಾರ್ಮಿಕ ಕಾರ್ಯಕ್ರಮವು ಭಕ್ತರಲ್ಲಿ ಆಧ್ಯಾತ್ಮಿಕ ಜಾಗೃತಿ ಮೂಡಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿತು.

ಹಿಂದೂಸ್ತಾನ್ ಸಮಾಚಾರ್ / lalita MP