ಕೋಲಾರದಲ್ಲಿ ನಟ ಚಿರಂಜೀವಿ ಹುಟ್ಟುಹಬ್ಬ ಆಚರಣೆ
ಕೋಲಾರದಲ್ಲಿ ನಟ ಚಿರಂಜೀವಿ ಹುಟ್ಟುಹಬ್ಬ ಆಚರಣೆ
ಚಿತ್ರ : ಕೋಲಾರ ನಗರದ ಗಾಂಧಿವನದಲ್ಲಿ ಮೆಘಾಸ್ಟಾರ್ ಚಿರಂಜೀವಿ ಅಭಿಮಾನಿಗಳ ಬಳಗದಿಂದ ಶುಕ್ರವಾರ ಹುಟ್ಟುಹಬ್ಬವನ್ನು ಆಚರಿಸಲಾಯಿತು.


ಕೋಲಾರ, ೨೨ ಆಗಸ್ಟ್ (ಹಿ.ಸ.) :

ಆ್ಯಂಕರ್ : ಕೋಲಾರ ನಗರದ ಗಾಂಧಿವನದಲ್ಲಿ ಮೆಘಾಸ್ಟಾರ್ ಚಿರಂಜೀವಿ ಅವರ ಭಾವಚಿತ್ರದ ಮುಂದೆ ಅವರ ಅಭಿಮಾನಿಗಳ ಬಳಗದಿಂದ ಶುಕ್ರವಾರ ಕೇಕ್ ಕತ್ತರಿಸಿ ಹುಟ್ಟುಹಬ್ಬವನ್ನು ಆಚರಿಸಲಾಯಿತು.

ಬಳಗದ ಸದಸ್ಯರಲ್ಲಿ ಒಬ್ಬರಾದ ಮುಖಂಡ ಕೆ.ಚಂದ್ರಾರೆಡ್ಡಿ ಮಾತನಾಡಿ, ಚಿತ್ರಪ್ರೇಮಿಗಳ ಹೃದಯ ಗೆದ್ದಿರುವ ಚಿರಂಜೀವಿ ಅವರಿಗೆ ಉತ್ತಮ ಆರೋಗ್ಯ ಸಿಗಲಿ, ಅವರು ಮತ್ತಷ್ಟು ಚಿತ್ರಗಳನ್ನು ಕಲಾರಸಿಕರಿಗೆ ನೀಡುವಂತಾಗಲಿ ಎಂದು ಹಾರೈಸಿದರು.

ತಮ್ಮ ನೂರಾರು ಚಲನಚಿತ್ರಗಳಲ್ಲಿನ ನಟನೆಯ ಮೂಲಕ ಕೋಟ್ಯಾಂತರ ಅಭಿಮಾನಿಗಳನ್ನು ಪಡೆದುಕೊಂಡಿರುವ ಚಿರಂಜೀವಿ ಅವರ ಮತ್ತಷ್ಟು ಚಿತ್ರಗಳು ತೆರೆಗೆಬರಲಿ ಎಂದು ಆಶಿಸಿದ ಅಭಿಮಾನಿಗಳು, ಅವರಿಗೆ ಜೈಕಾರ ಕೂಗಿದರು.

ಚಿರಂಜೀವಿ ಸರಳ ಸಜ್ಜನಿಕೆಗೆ ಹೆಸರಾದವರಾಗಿದ್ದು, ಅವರ ಸಾಮಾಜಿಕ ಸೇವೆಯನ್ನು ಅವರ ಅಭಿಮಾನಿಗಳು ಮುಂದುವರೆಸಿಕೊಂಡು ಹೋಗಿದ್ದಾರೆ. ನೂರಾರು ಚಿತ್ರಗಳ ಮೂಲಕ ಕೋಟ್ಯಾಂತರ ಅಭಿಮಾನಿಗಳ ಹೃದಯ ಗೆದ್ದಿರುವ ಚಿರಂಜೀವಿ ನೂರ್ಕಾಲ ಬಾಳಲಿ ಎಂದರು.

ಕಾಂಗ್ರೆಸ್ ಎಸ್ಸಿಘಟಕದ ಅಧ್ಯಕ್ಷ ಕೆ.ಜಯದೇವ್ ಮಾತನಾಡಿ, ಚಿರಂಜೀವಿ ಮತ್ತುಅವರ ಅಭಿಮಾನಿಗಳ ಸಾಮಾಜಿಕ ಸೇವೆ ಶ್ಲಾಘನೀಯವಾಗಿದ್ದು, ರಕ್ತದಾನ, ಅಂಗಾಂಗ ದಾನದ ಮೂಲಕ ದೇಶದಲ್ಲೇ ಹೆಸರು ಪಡೆದಿದ್ದಾರೆ, ಚಿರಂಜೀವಿ ಕೇವಲ ನಟ ಮಾತ್ರವಲ್ಲ, ಅವರ ಸಾಮಾಜಿಕ ಕಾಳಜಿ, ಬಡವರ ಬಗೆಗಿನ ಪ್ರೀತಿ ಮೆಚ್ಚುವಂತದ್ದು ಎಂದರು.

ಈ ಸಂದರ್ಭದಲ್ಲಿ ಕಾಂಗ್ರೆಸ್ನ ಜಿಲ್ಲಾ ಕಾರ್ಯಧ್ಯಕ್ಷ ಊರುಬಾಗಿಲು ಶ್ರೀನಿವಾಸ್, ಪತ್ರಕರ್ತರ ಸಹಕಾರ ಸಂಘದ ಅಧ್ಯಕ್ಷ ಕೆ.ಎಸ್.ಗಣೇಶ್,ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಪ್ರಸಾದ್ಬಾಬು, ಮುಖಂಡರಾದ ಸೋಮಣ್ಣ, ಚಲಪತಿ, ಇ-ನ್ಯೂಸ್ ಚಂದ್ರು, ಲಕ್ಷ್ಮಣ್, ಮುನಿವೆಂಕಟಯಾದವ್, ನವೀನ್, ಕೆ.ಜೆ.ಕೃಷ್ಣ, ಅಭಿ, ಚಲಪತಿ, ಮಲ್ಲಿಕಾ ಪ್ರಕಾಶ್,ಚಲ, ಪುಟಾಣಿ ಫಾಲ್ಗುಣಿ, ಮಂಜುನಾಥ್, ಸೋಮು,ಯತಿರಾಜು ಮತ್ತಿತರರಿದ್ದು, ಸಿಹಿ ಹಂಚಿ ಸಂಭ್ರಮಿಸಿದರು.

ಚಿತ್ರ : ಕೋಲಾರ ನಗರದ ಗಾಂಧಿವನದಲ್ಲಿ ಮೆಘಾಸ್ಟಾರ್ ಚಿರಂಜೀವಿ ಅಭಿಮಾನಿಗಳ ಬಳಗದಿಂದ ಶುಕ್ರವಾರ ಹುಟ್ಟುಹಬ್ಬವನ್ನು ಆಚರಿಸಲಾಯಿತು.

ಹಿಂದೂಸ್ತಾನ್ ಸಮಾಚಾರ್ / ಎಸ್.ಚಂದ್ರಶೇಖರ್


 rajesh pande