ಇಂಫಾಲ್, 25 ಜುಲೈ (ಹಿ.ಸ.) :

ಆ್ಯಂಕರ್ : ಮಣಿಪುರದ ಕಾಂಗ್ಪೋಕ್ಪಿ ಜಿಲ್ಲೆಯಲ್ಲಿ ಭದ್ರತಾ ಪಡೆಗಳು ಜುಲೈ 24ರಂದು ನಡೆಸಿದ ವಿಶೇಷ ದಾಳಿಯಲ್ಲಿ ನಾಲ್ವರು ಮಾದಕವಸ್ತು ಕಳ್ಳಸಾಗಣೆದಾರರನ್ನು ಬಂಧಿಸಿ, ಕೋಟ್ಯಂತರ ಮೌಲ್ಯದ ಹೆರಾಯಿನ್ ಹಾಗೂ ನಗದನ್ನು ವಶಪಡಿಸಿಕೊಂಡಿವೆ.

ಕಾಂಗ್ಪೋಕ್ಪಿ ಪೊಲೀಸ್ ಠಾಣಾ ವ್ಯಾಪ್ತಿಯ ಟಿ. ಖುಲ್ಲೆನ್ ಗ್ರಾಮದಲ್ಲಿ ನಡೆದ ದಾಳಿಯಲ್ಲಿ, 273 ಸೋಪ್ ಬಾಕ್ಸ್‌ಗಳಲ್ಲಿ ಪ್ಯಾಕ್ ಮಾಡಲಾಗಿದ್ದ ಸುಮಾರು 3.5 ಕೆ.ಜಿ. ಹೆರಾಯಿನ್, ₹99,09,850 ನಗದು, ಏಳು ಮೊಬೈಲ್ ಫೋನ್‌ಗಳು, ಹಾಗೂ ಮಾದಕ ವಸ್ತು ಸಾಗಣೆಗೆ ಬಳಸಲಾಗುತ್ತಿದ್ದ ಎರಡು ವಾಹನಗಳು ವಶಕ್ಕೆ ಪಡೆಯಲಾಗಿದೆ.

ಬಂಧಿತ ಆರೋಪಿಗಳು:

ಎಸ್. ಪೌಬಿನಾ ಟೆನಾಮಿ (31) – ಟಿ. ಖುಲ್ಲೆನ್ ಗ್ರಾಮ

ಪಿಎಫ್ ಅಡಾಫ್ರೊ (34) – ಟಿ. ಖುಲ್ಲೆನ್ ಗ್ರಾಮ

ಎಸ್. ಬೊಯಿಬಿನಾ (29) – ಟಿ. ಖುಲ್ಲೆನ್ ಗ್ರಾಮ

ಲುಂಗ್ಡಿನಿಬೌ ಥಿಯುಮೆ (52) – ತಮೆಂಗ್ಲಾಂಗ್ ಜಿಲ್ಲೆಯ ಖುಂಡೊಂಗ್ ಖುಂಕೈಬಾ ಗ್ರಾಮದ ನಿವಾಸಿ

ಭದ್ರತಾ ಅಧಿಕಾರಿಗಳ ಪ್ರಕಾರ, ಈ ಮಾದಕವಸ್ತುಗಳನ್ನು ಕಳ್ಳಸಾಗಣೆ ಮೂಲಕ ಇತರ ರಾಜ್ಯಗಳಿಗೆ ಕಳಿಸಲು ಸಿದ್ಧತೆ ನಡೆಯುತ್ತಿತ್ತು ಎಂಬ ಅನುಮಾನವಿದೆ. ಈ ಸಂಬಂಧ ಹೆಚ್ಚಿನ ಮಾಹಿತಿ ತಿಳಿಯಲು ತನಿಖೆ ಆರಂಭಿಸಲಾಗಿದೆ.

ಹಿಂದೂಸ್ತಾನ್ ಸಮಾಚಾರ್ / Rakesh Mahadevappa