ಬೆಂಗಳೂರು, 08 ಮಾರ್ಚ್ (ಹಿ.ಸ.) :

ಆ್ಯಂಕರ್ : ನೆದರ್ಲ್ಯಾಂಡ್'ನ ದಕ್ಷಿಣ ಭಾರತದ ಕಾನ್ಸುಲ್-ಜನರಲ್ ಇವೌಟ್ ಡಿ ವಿಟ್ ಅವರ ನೇತೃತ್ವದಲ್ಲಿ ನೆದರ್ಲ್ಯಾಂಡ್ ಸೆಮಿಕಂಡಕ್ಟರ್ ನಿಯೋಗದೊಂದಿಗೆ ಸಭೆ ನಡೆಸಿದ್ದು ಸಂತಸ ಉಂಟು ಮಾಡಿದೆ ಎಂದು ಸಚಿವ ಪ್ರಿಯಾಂಕ ಖರ್ಗೆ ಹೇಳಿದ್ದಾರೆ.

ಸಭೆಯ ಚರ್ಚೆಗಳು ಒಳನೋಟವುಳ್ಳದ್ದಾಗಿದ್ದು, ಸೆಮಿಕಂಡಕ್ಟರ್ ಇಕೋ ಸಿಸ್ಟಮ್'ನಲ್ಲಿ ಭಾರತ ಮತ್ತು ನೆದರ್ಲ್ಯಾಂಡ್ಸ್ ನಡುವಿನ ಸಹಯೋಗದ ಸಾಮರ್ಥ್ಯವನ್ನು ಎತ್ತಿ ತೋರಿಸಿದವು ಎಂದಿದ್ದಾರೆ.

ಡಚ್ ವಿಶ್ವವಿದ್ಯಾಲಯಗಳು ಮತ್ತು ಕಂಪನಿಗಳೊಂದಿಗೆ ನಿಕಟವಾಗಿ ಕೆಲಸ ಮಾಡಲು ಮತ್ತು ಮುಂದಿನ ಅವಕಾಶಗಳ ಬಗ್ಗೆ ಉತ್ಸುಕನಾಗಿದ್ದೇನೆ. ವಿಶೇಷವಾಗಿ ಸುಧಾರಿತ ಕೌಶಲ್ಯ ಅಭಿವೃದ್ಧಿ, ವಿನ್ಯಾಸ, ಸ್ಟಾರ್ಟಪ್'ಗಳಿಗೆ ಸಾಫ್ಟ್ ಲ್ಯಾಂಡಿಂಗ್‌ಗಳನ್ನು ಸುಗಮಗೊಳಿಸುವುದು ಮತ್ತು ಮಾರುಕಟ್ಟೆ ಪ್ರವೇಶ ಕಾರ್ಯಕ್ರಮಗಳನ್ನು ಸಕ್ರಿಯಗೊಳಿಸುವುದಾಗಿದೆ. ಈ ಪಾಲುದಾರಿಕೆಗಳನ್ನು ಬಲಪಡಿಸುವುದು ನಾವೀನ್ಯತೆಗೆ ಚಾಲನೆ ನೀಡುವುದಲ್ಲದೆ, ಬೆಳವಣಿಗೆ ಮತ್ತು ತಾಂತ್ರಿಕ ಶ್ರೇಷ್ಠತೆಗೆ ಹೊಸ ಮಾರ್ಗಗಳನ್ನು ತೆರೆಯುತ್ತದೆ ಎಂದು ಖರ್ಗೆ ತಿಳಿಸಿದ್ದಾರೆ.

ಹಿಂದೂಸ್ತಾನ್ ಸಮಾಚಾರ್ / Rakesh Mahadevappa