ರೋಹ್ಟಕ್, 25 ಆಗಸ್ಟ್ (ಹಿ.ಸ.):

ಆ್ಯಂಕರ್:

ಲೈಂಗಿಕ ದೌರ್ಜನ್ಯ ಮತ್ತು ಕೊಲೆ ಪ್ರಕರಣಗಳಲ್ಲಿ ಶಿಕ್ಷೆ ಅನುಭವಿಸುತ್ತಿರುವ ಡೇರಾ ಸಚ್ಚಾ ಸೌದಾ ಮುಖ್ಯಸ್ಥ ಗುರ್ಮೀತ್ ರಾಮ್ ರಹೀಮ್‌ಗೆ 21 ದಿನಗಳ ಪೆರೋಲ್ ಮಂಜೂರಾಗಿದೆ. ಇದರ ಬೆನ್ನಲ್ಲೇ ಮಂಗಳವಾರ ಬೆಳಗ್ಗೆ ಬಿಗಿ ಭದ್ರತೆಯ ನಡುವೆ ರೋಹ್ಟಕ್‌ನ ಸುನಾರಿಯಾ ಜೈಲಿನಿಂದ ಹೊರಬಂದಿರುವ ಅವರು ಸಿರ್ಸಾಕ್ಕೆ ತೆರಳಿದ್ದಾರೆ.

ಗುರ್ಮೀತ್ ರಾಮ್ ರಹೀಮ್ ಜೈಲಿನಿಂದ ಪೆರೋಲ್ ಅಥವಾ ಪೆರೋಲ್ ಮೇಲೆ ಹೊರಬಂದಿರುವುದು ಇದು 17ನೇ ಬಾರಿ. 2017ರ ಆಗಸ್ಟ್‌ನಲ್ಲಿ ಸಾಧ್ವಿಗಳ ಮೇಲಿನ ಲೈಂಗಿಕ ದೌರ್ಜನ್ಯ ಪ್ರಕರಣದಲ್ಲಿ ದೋಷಿ ಎಂದು ತೀರ್ಪು ಬಂದ ಬಳಿಕ ಅವರನ್ನು ಸುನಾರಿಯಾ ಜೈಲಿಗೆ ಕಳುಹಿಸಲಾಗಿತ್ತು. ಪತ್ರಕರ್ತ ರಾಮಚಂದ್ರ ಛತ್ರಪತಿ ಹತ್ಯೆ ಪ್ರಕರಣದಲ್ಲೂ ಅವರಿಗೆ ಶಿಕ್ಷೆಯಾಗಿದೆ.

2026ರಲ್ಲಿ ಎರಡು ಬಾರಿ ಪೆರೋಲ್

2026ರಲ್ಲಿ ಈ ಹಿಂದೆ ಎರಡು ಬಾರಿ ರಾಮ್ ರಹೀಮ್‌ಗೆ ಪೆರೋಲ್ ನೀಡಲಾಗಿತ್ತು. ಜನವರಿಯಲ್ಲಿ 40 ದಿನಗಳ ಪೆರೋಲ್ ಹಾಗೂ ಮೇ ತಿಂಗಳಲ್ಲಿ 30 ದಿನಗಳ ಪೆರೋಲ್ ದೊರೆತಿತ್ತು. ಮೇ ತಿಂಗಳ 30 ದಿನಗಳ ಪೆರೋಲ್ ಅವಧಿ ಪೂರ್ಣಗೊಂಡ ಬಳಿಕ ಜೂನ್ 26ರಂದು ಅವರು ಸುನಾರಿಯಾ ಜೈಲಿಗೆ ಮರಳಿದ್ದರು.

ಇದೀಗ 21 ದಿನಗಳ ಫರ್ಲೋ ಮಂಜೂರಾದ ಹಿನ್ನೆಲೆಯಲ್ಲಿ ಮತ್ತೊಮ್ಮೆ ಜೈಲಿನಿಂದ ಹೊರಬಂದಿದ್ದು, ಪೊಲೀಸ್ ಭದ್ರತೆಯಲ್ಲಿ ಸಿರ್ಸಾಕ್ಕೆ ತೆರಳಿದ್ದಾರೆ. ರಾಮ್ ರಹೀಮ್ 17ನೇ ಬಾರಿ ಜೈಲಿನಿಂದ ಹೊರಬಂದಿರುವ ಹಿನ್ನೆಲೆಯಲ್ಲಿ ಅವರ ಪೆರೋಲ್ ಮತ್ತು ಫರ್ಲೋ ಕುರಿತು ಮತ್ತೊಮ್ಮೆ ಚರ್ಚೆಗಳು ಆರಂಭವಾಗಿವೆ.

--------

ಹಿಂದೂಸ್ತಾನ್ ಸಮಾಚಾರ್ / Rakesh.M.B.