ಸೋಮನಾಥ, 11 ಜನವರಿ (ಹಿ.ಸ.) :

ಆ್ಯಂಕರ್ : ಭಾರತದ ಪ್ರಥಮ ಜ್ಯೋತಿರ್ಲಿಂಗವಾದ ಸೋಮನಾಥ ಮಹಾದೇವನ ಸನ್ನಿಧಿಯಲ್ಲಿ ಆಯೋಜಿಸಲಾದ “ಸೋಮನಾಥ ಸ್ವಾಭಿಮಾನ ಪರ್ವ್” ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳಲು ಪ್ರಧಾನಿ ನರೇಂದ್ರ ಮೋದಿ ಅವರು ಸೋಮನಾಥಕ್ಕೆ ಭೇಟಿ ನೀಡಿದರು.

ಕಾರ್ಯಕ್ರಮದ ಎರಡನೇ ದಿನವಾದ ಇಂದು, ವಿಶೇಷ ಪೂಜೆ–ಅರ್ಚನೆಗಳ ಬಳಿಕ ಪ್ರಧಾನಿ ಮೋದಿ ಅವರು 108 ತರಬೇತಿ ಪಡೆದ ಕುದುರೆಗಳೊಂದಿಗೆ ಆಯೋಜಿಸಲಾದ ಭವ್ಯ ರೋಡ್ ಶೋ – ‘ಶೌರ್ಯ ಯಾತ್ರೆ’ ಯಲ್ಲಿ ಭಾಗವಹಿಸಿದರು. ಈ ಯಾತ್ರೆ ಭಾರತದ ಶೌರ್ಯ, ಸಂಪ್ರದಾಯ ಹಾಗೂ ಸಾಂಸ್ಕೃತಿಕ ವೈಭವದ ಸಂಕೇತವಾಗಿ ಗಮನ ಸೆಳೆಯಿತು.

ಅಧಿಕೃತ ಮಾಹಿತಿಯಂತೆ, ಪ್ರಧಾನಿ ಮೋದಿ ಅವರು ಬೆಳಿಗ್ಗೆ ಸರ್ಕ್ಯೂಟ್ ಹೌಸ್‌ನಿಂದ ಸೋಮನಾಥ ದೇವಾಲಯಕ್ಕೆ ಆಗಮಿಸಿ ಸುಮಾರು 35 ನಿಮಿಷಗಳ ಕಾಲ ಪೂಜೆ ಸಲ್ಲಿಸಿದರು. ನಂತರ ಶಂಖ ವೃತ್ತಕ್ಕೆ ತೆರಳಿ ಕಿಲೋಮೀಟರ್ ಉದ್ದದ ಶೌರ್ಯ ಯಾತ್ರೆಯಲ್ಲಿ ಭಾಗವಹಿಸಿ, ಅಲ್ಲಿಂದ ಸದ್ಭಾವನಾ ಮೈದಾನದಲ್ಲಿರುವ ಸಭಾ ಸ್ಥಳಕ್ಕೆ ತೆರಳಿದರು. 108 ಕುದುರೆಗಳೊಂದಿಗೆ ನಡೆದ ಈ ಶೌರ್ಯ ಯಾತ್ರೆ ಸೋಮನಾಥದ ಇತಿಹಾಸದಲ್ಲಿ ಒಂದು ಸ್ಮರಣೀಯ ಅಧ್ಯಾಯವನ್ನು ಸೇರಿಸಿತು.

ಇದೇ ವೇಳೆ, ಪ್ರಧಾನಿಯವರ ಭೇಟಿ ಹಿನ್ನೆಲೆಯಲ್ಲಿ ಸೋಮನಾಥದಲ್ಲಿ ಬಿಗಿ ಭದ್ರತಾ ವ್ಯವಸ್ಥೆಗಳನ್ನು ಜಾರಿಗೊಳಿಸಲಾಗಿದೆ. ಸುಮಾರು 2,000ಕ್ಕೂ ಹೆಚ್ಚು ಪೊಲೀಸ್ ಸಿಬ್ಬಂದಿ, 20ಕ್ಕೂ ಹೆಚ್ಚು ಐಪಿಎಸ್ ಅಧಿಕಾರಿಗಳು, ಇನ್ಸ್‌ಪೆಕ್ಟರ್‌ಗಳು ಹಾಗೂ ಎಸ್‌ಐ ಹುದ್ದೆಯ ಅಧಿಕಾರಿಗಳನ್ನು ಕರ್ತವ್ಯಕ್ಕೆ ನಿಯೋಜಿಸಲಾಗಿದೆ.

ಹಿಂದೂಸ್ತಾನ್ ಸಮಾಚಾರ್ / Rakesh Mahadevappa