ನವದೆಹಲಿ, 26 ಸೆಪ್ಟೆಂಬರ್ (ಹಿ.ಸ.) :

ಆ್ಯಂಕರ್ : 62 ವರ್ಷಗಳ ಕಾಲ ಭಾರತೀಯ ಆಕಾಶವನ್ನು ಆಳಿದ ಮಿಗ್ ೨೧ ಯುದ್ಧ ವಿಮಾನವು ವಾಯುಪಡೆಯಿಂದ ಅಂತಿಮ ವಿದಾಯ ಹೇಳಿದೆ.

ಚಂಡೀಗಢ ವಾಯುನೆಲೆಯಿಂದ ಕೊನೆಯ ಹಾರಾಟ ನಡೆಸಿದ ನಂತರ, ದೇಶದ ಹೊಸ ಸ್ವದೇಶಿ ಲಘು ಯುದ್ಧ ವಿಮಾನ ತೇಜಸ್ Mark-1A ವಾಯುಪಡೆಯ ಪ್ರಮುಖ ಶಕ್ತಿಯಾಗಿ ಮುಂದೆ ಬರಲಿದೆ.

ಮಿಗ್-೨೧, 1963ರಲ್ಲಿ ವಾಯುಪಡೆಯ ಸೇವೆಗೆ ಸೇರ್ಪಡೆಗೊಂಡು, 1965, 1971 ಮತ್ತು ಕಾರ್ಗಿಲ್ ಯುದ್ಧಗಳಲ್ಲಿ ಶತ್ರುಗಳಿಗೆ ವಿರೋಧವಾಗಿ ಪ್ರಮುಖ ಪಾತ್ರ ವಹಿಸಿದೆ.

ಕಳೆದ ಆರು ದಶಕಗಳಲ್ಲಿ, ಮಿಗ್-21 ತನ್ನ ಚುರುಕುತನ, ವೇಗ ಮತ್ತು ನಿಖರ ದಾಳಿಗಳಿಂದ ವಾಯುಪಡೆಯ ಶಕ್ತಿ ಮತ್ತು ಪೈಲಟ್‌ ತರಬೇತಿಯಲ್ಲಿ ಮಹತ್ವಪೂರ್ಣ ನೆರವು ನೀಡಿತು. ಆದರೆ 1970ರ ದಶಕದಿಂದ ಸುರಕ್ಷತಾ ಸಮಸ್ಯೆಗಳಿಂದ 170ಕ್ಕೂ ಹೆಚ್ಚು ಪೈಲಟ್‌ಗಳು ಮತ್ತು 40 ನಾಗರಿಕರು ಸಾವನ್ನಪ್ಪಿದ ಅಪಘಾತಗಳು ಸಂಭವಿಸಿ “ಹಾರುವ ಶವಪೆಟ್ಟಿಗೆ” ಎಂಬ ಅಡ್ಡಹೆಸರನ್ನು ಪಡೆದಿತ್ತು.

ಮಿಗ್-21 ಬೈಸನ್ ಅಪ್‌ಗ್ರೇಡ್ ಮೂಲಕ ಹಲವಾರು ದೋಷಗಳನ್ನು ಸರಿಪಡಿಸಲಾಗಿದ್ದು, 2019ರ ಬಾಲಕೋಟ್ ಪ್ರತಿಕ್ರಿಯೆ ಸಮಯದಲ್ಲಿ ವಿಂಗ್ ಕಮಾಂಡರ್ ಅಭಿನಂದನ್ ವರ್ತಮಾನ್ ಹೊರದಾಳಿ ನಡೆಸಿದಾಗ ಪತ್ರಿಕೆಯಲ್ಲಿ ಕೊನೆಯ ಬಾರಿಗೆ ಸುದ್ದಿ ಕಂಡಿತ್ತು.

ಮಿಗ್-21 ನಿವೃತ್ತಿಯೊಂದಿಗೆ, ವಾಯುಪಡೆಯ 29 ಫೈಟರ್ ಸ್ಕ್ವಾಡ್ರನ್‌ಗಳು ಉಳಿಯುತ್ತವೆ. ಎಚ್ಎಎಲ್ ಈಗ 97 LCA ತೇಜಸ್ Mark-1A ಉತ್ಪಾದನೆಗೆ ಆದೇಶ ಪಡೆದಿದ್ದು, ಭವಿಷ್ಯದಲ್ಲಿ Mk-1 ಮತ್ತು Mk-2 ಮಾದರಿಯ ತೇಜಸ್ ವಿಮಾನಗಳು ಖಾಲಿ ಸ್ಕ್ವಾಡ್ರನ್‌ಗಳನ್ನು ಮರುಪೂರಣಗೊಳಿಸುವ ನಿರೀಕ್ಷೆ ಇದೆ.

ಹಿಂದೂಸ್ತಾನ್ ಸಮಾಚಾರ್ / Rakesh Mahadevappa