ತೈಪೆ (ತೈವಾನ್), 12 ಜುಲೈ (ಹಿ.ಸ.) :
ಆ್ಯಂಕರ್ : ಚೀನಾ ಮತ್ತೆ ತೈವಾನ್ ಸುತ್ತಮುತ್ತ ಮಿಲಿಟರಿ ಚಟುವಟಿಕೆಗಳನ್ನು ಗಂಭೀರವಾಗಿ ಹೆಚ್ಚಿಸಿದೆ. ಶನಿವಾರ ಬೆಳಿಗ್ಗೆ 6 ಗಂಟೆ ವೇಳೆಗೆ, ಚೀನಾದ 14 ಮಿಲಿಟರಿ ವಿಮಾನಗಳು, 9 ನೌಕಾ ಹಡಗುಗಳು ಮತ್ತು 1 ಸರ್ಕಾರಿ ಹಡಗು ತೈವಾನ್ ಸುತ್ತಮುತ್ತ ಪತ್ತೆಯಾಗಿವೆ ಎಂದು ತೈವಾನ್‌ನ ರಾಷ್ಟ್ರೀಯ ರಕ್ಷಣಾ ಸಚಿವಾಲಯ ಪ್ರಕಟಿಸಿದೆ.
ಈ 14 ವಿಮಾನಗಳಲ್ಲಿ 9 ವಿಮಾನಗಳು ತೈವಾನ್‌ನ ವಾಯು ರಕ್ಷಣಾ ಗುರುತಿನ ವಲಯ ಪ್ರವೇಶಿಸಿದ್ದು, ಕೆಲವು ವಿಮಾನಗಳು ತೈವಾನ್ ಮತ್ತು ಚೀನಾ ನಡುವೆ ಇರುವ ಮಧ್ಯದ ರೇಖೆ ದಾಟಿದ್ದವು. ತೈವಾನ್ ಸೇನೆ ತಕ್ಷಣ ಎಚ್ಚರದಿಂದ ಕ್ರಮ ಕೈಗೊಂಡಿದ್ದು, ವಾಯು ನಿಗಾ, ನೌಕಾ ಹಡಗುಗಳು ಹಾಗೂ ಕರಾವಳಿ ಕ್ಷಿಪಣಿ ವ್ಯವಸ್ಥೆಗಳನ್ನು ಸಜ್ಜುಗೊಳಿಸಿದೆ.
ತೈಪೆ ಟೈಮ್ಸ್ ವರದಿಯ ಪ್ರಕಾರ, ಚೀನಾದ ಹಡಗುಗಳು ಗುಯಾಮ್ ಮತ್ತು ತೈವಾನ್ ನಡುವೆ ಸಮುದ್ರದ ತಳಭಾಗವನ್ನು ಮ್ಯಾಪಿಂಗ್ ಮಾಡುತ್ತಿರುವ ಸಾಧ್ಯತೆ ಇದೆ. ಇದು ಭವಿಷ್ಯದಲ್ಲಿ ಸಮುದ್ರದ ಅಡಿಯಲ್ಲಿ ಕೇಬಲ್‌ಗಳನ್ನು ಅಳವಡಿಸಲು ಹಾಗೂ ಮಿಲಿಟರಿ ಉದ್ದೇಶಗಳಿಗೆ ಸಹಾಯ ಮಾಡಬಹುದು ಎಂದು ವಿಶ್ಲೇಷಿಸಲಾಗಿದೆ.
ಈ ಬೆಳವಣಿಗೆಗಳು ಮತ್ತೆ ಏಷ್ಯಾ-ಪೆಸಿಫಿಕ್ ಪ್ರದೇಶದ ಭದ್ರತೆಯನ್ನು ಚರ್ಚೆಗೆ ತರುತ್ತಿದ್ದು, ತೈವಾನ್ ಸುತ್ತಮುತ್ತ ಪ್ರಕ್ಷುಬ್ಧತೆ ಮತ್ತಷ್ಟು ಉಲ್ಬಣಗೊಳ್ಳುವ ಸೂಚನೆ ನೀಡುತ್ತಿದೆ.
ಹಿಂದೂಸ್ತಾನ್ ಸಮಾಚಾರ್ / Rakesh Mahadevappa
