ವಾರಣಾಸಿ, 11 ಏಪ್ರಿಲ್ (ಹಿ.ಸ.) :

ಆ್ಯಂಕರ್ : ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಉತ್ತರಪ್ರದೇಶದ ವಾರಣಾಸಿಯಲ್ಲಿ 3,900 ಕೋಟಿ ರೂಪಾಯಿ ಮೌಲ್ಯದ 44 ಅಭಿವೃದ್ಧಿ ಯೋಜನೆಗಳ ಉದ್ಘಾಟನೆ ಹಾಗೂ ಶಂಕುಸ್ಥಾಪನೆ ನೆರವೇರಿಸಿದರು. ಕಾಶಿಯ ಪ್ರಗತಿಯನ್ನು ಉಲ್ಲೇಖಿಸಿದ ಅವರು, ಪೂರ್ವಾಂಚಲ ಆರ್ಥಿಕ ಬೆಳವಣಿಗೆಯ ಕೇಂದ್ರವಾಗಿದೆ ಎಂದರು.

ಬನಾಸ್ ಡೈರಿಯಿಂದ ಸಾವಿರಾರು ಕುಟುಂಬಗಳಿಗೆ ಲಾಭವಾಗಿದ್ದು, ಮಹಿಳೆಯರು ಲಖ್ಪತಿ ಸಹೋದರಿಯರಾದಂತಾಗಿದೆ. ಆಯುಷ್ಮಾನ್ ಯೋಜನೆಯ ಲಾಭ, ಉಚಿತ ಲಸಿಕೆ, ಹಾಗೂ ಸಹಕಾರಿ ಸಂಘಗಳ ಪುನಶ್ಚೇತನದ ಬಗ್ಗೆ ಮೋದಿ ಅವರು ವಿವರಿಸಿದರು.

‘ಸಬ್ ಕಾ ಸಾಥ್, ಸಬ್ ಕಾ ವಿಕಾಸ್’ ನಿಷ್ಠೆ ಪುನರುಚ್ಚರಿಸಿದ ಅವರು, ವಿರೋಧ ಪಕ್ಷಗಳ ಕುಟುಂಬಾಧಾರಿತ ತತ್ವವನ್ನು ಟೀಕಿಸಿದರು. ಕಾರ್ಯಕ್ರಮದಲ್ಲಿ ರಾಜ್ಯಪಾಲ ಆನಂದಿಬೆನ್ ಪಟೇಲ್, ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಮತ್ತು ಇತರ ನಾಯಕರು ಉಪಸ್ಥಿತರಿದ್ದರು.

ಹಿಂದೂಸ್ತಾನ್ ಸಮಾಚಾರ್ / Rakesh Mahadevappa