ನವದೆಹಲಿ , 26ಜುಲೈ (ಹಿ.ಸ.) :

ಆ್ಯಂಕರ್ : ಲೋಕಸಭೆಯಲ್ಲಿ ಪ್ರತಿಪಕ್ಷದ ನಾಯಕ ರಾಹುಲ್ ಗಾಂಧಿಯವರ ಹೊಸ ನಿವಾಸದ ವಿಳಾಸ ಬಂಗಲೆ ಸಂಖ್ಯೆ 5, ಸುನೆಹ್ರಿ ಬಾಗ್ ರಸ್ತೆ ಎಂದು ವರದಿಯಾಗಿದೆ. ರಾಹುಲ್ ಗಾಂಧಿ ಅವರ ಸಹೋದರಿ ಪ್ರಿಯಾಂಕಾ ಗಾಂಧಿ ವಾದ್ರಾ ಅವರು ಸುನೆಹ್ರಿ ಬಾಗ್ ರಸ್ತೆಯ ಬಂಗಲೆ ಸಂಖ್ಯೆ 5 ಕ್ಕೆ ಭೇಟಿ ನೀಡಿದ ನಂತರ ರಾಹುಲ್ ಗಾಂಧಿಗೆ ಈ ಮನೆ ನೀಡಲಾಗಿದೆಯೇ ಎಂಬುದರ ಬಗ್ಗೆ ಊಹಾಪೋಹಗಳು ಹುಟ್ಟಿಕೊಂಡಿವೆ.

ರಾಯ್ ಬರೇಲಿ ಸಂಸದ ರಾಹುಲ್ ಅವರಿಗೆ ಆಯ್ಕೆ ಮಾಡಲು ನೀಡಲಾದ ಮೂರು-ನಾಲ್ಕು ಮನೆಗಳ ಪೈಕಿ ಈ ಮನೆಯನ್ನು ಅವರು ಆಯ್ಕೆ ಮಾಡಿದ್ದಾರೆ. ಈಗಾಗಲೇ ಸರ್ಕಾರಕ್ಕೆ ಪತ್ರವನ್ನು ಸಲ್ಲಿಸಿದ್ದು, ಟೈಪ್-ಎಂಟನೇ ಬಂಗಲೆಗೆ ರಾಹುಲ್ ಗಾಂಧಿಯವರ ಅನುಮೋದನೆಯನ್ನು ನೀಡಿದೆ.

ಮೋದಿ ಉಪನಾಮ ಮಾನನಷ್ಟ ಪ್ರಕರಣದಲ್ಲಿ ಸಂಸದ ಸ್ಥಾನದಿಂದ ಅನರ್ಹಗೊಂಡಾಗ ಕಳೆದ ವರ್ಷ, ರಾಹುಲ್ ಗಾಂಧಿ ಅವರು 12 ವರ್ಷಗಳ ಕಾಲ ತಂಗಿದ್ದ 12, ತುಘಲಕ್ ಲೇನ್ ಬಂಗಲೆಯನ್ನು ಖಾಲಿ ಮಾಡಿದ್ದರು. ಆಮೇಲೆ ಅವರು ತಾಯಿ ಸೋನಿಯಾ ಗಾಂಧಿಯವರ 10, ಜನಪಥ್ ನಿವಾಸಕ್ಕೆ ತೆರಳಿದರು. ಅನರ್ಹತೆ ಹಿಂಪಡೆದ ನಂತರವೂ ರಾಹುಲ್ ಗಾಂಧಿ 10, ಜನಪಥ್ ನಿವಾಸದಲ್ಲಿ ತಂಗಿದ್ದರು. 10 ಜನಪಥ್ ನಿವಾಸವು 24 ಅಕ್ಬರ್ ರಸ್ತೆಯಲ್ಲಿರುವ ಕಾಂಗ್ರೆಸ್ ಕಚೇರಿಗೆ ಪರಸ್ಪರ ಸಂಪರ್ಕ ಹೊಂದಿದೆ.

ರಾಹುಲ್ ಗಾಂಧಿಯವರು ಲೋಕಸಭೆಯಲ್ಲಿ ವಿರೋಧ ಪಕ್ಷದ ನಾಯಕರಾಗುವುದರೊಂದಿಗೆ ಅವರು ಸಂಪುಟ ಸಚಿವರ ಶ್ರೇಣಿಯನ್ನು ಹೊಂದಿರುವುದರಿಂದ ಅವರು ಟೈಪ್ -8 ಬಂಗಲೆಗೆ ಅರ್ಹರಾಗಿದ್ದಾರೆ.

ಹಿಂದೂಸ್ತಾನ್ ಸಮಾಚಾರ್ / ಡಾ.ಪಿ.ವಿ.ಪ್ರಸಾದ ರಾವ್ / ಮನೋಹರ ಯಡವಟ್ಟಿ