ನವದೆಹಲಿ, 26 ಜೂನ್ (ಹಿ.ಸ.) :
ಆ್ಯಂಕರ್ : ಯುರೋಪಿಯನ್ ಒಕ್ಕೂಟ (ಇಯು) ಸದಸ್ಯ ರಾಷ್ಟ್ರಗಳ ಮಿಷನ್ ಮುಖ್ಯಸ್ಥರು ಇಂದು ಭಾರತೀಯ ಜನತಾ ಪಕ್ಷದ ‘ಬಿಜೆಪಿಯನ್ನು ತಿಳಿಯಿರಿ’ ಉಪಕ್ರಮದಡಿ ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷ ನಿತಿನ್ ನವೀನ್ ಅವರೊಂದಿಗೆ ಸಂವಾದ ನಡೆಸಲಿದ್ದಾರೆ.
ಈ ಕಾರ್ಯಕ್ರಮವು ಇಂದು ಮಧ್ಯಾಹ್ನ 3.30 ಗಂಟೆಗೆ ನವದೆಹಲಿಯಲ್ಲಿರುವ ಬಿಜೆಪಿ ರಾಷ್ಟ್ರೀಯ ಪ್ರಧಾನ ಕಚೇರಿಯಲ್ಲಿ ನಡೆಯಲಿದೆ. ಈ ಕುರಿತು ಬಿಜೆಪಿ ವಿದೇಶಾಂಗ ವಿಭಾಗದ ಉಸ್ತುವಾರಿ ಡಾ. ವಿಜಯ್ ಚೌಥೈವಾಲೆ ಮಾಹಿತಿ ನೀಡಿದ್ದಾರೆ.
ಈ ಸಂವಾದದ ಮುಖ್ಯ ಉದ್ದೇಶ, ರಾಜತಾಂತ್ರಿಕ ಸಮುದಾಯಕ್ಕೆ ಬಿಜೆಪಿಯ ಬೆಳವಣಿಗೆಯ ಪಯಣ, ಪಕ್ಷದ ಸಿದ್ಧಾಂತ, ಸಂಘಟನಾ ರಚನೆ, ಸುಶಾಸನದ ಮಾದರಿ ಹಾಗೂ ವಿವಿಧ ಸಂಘಟನಾ ಮತ್ತು ಸಾರ್ವಜನಿಕ ಚಟುವಟಿಕೆಗಳ ಕುರಿತು ಸಮಗ್ರ ಮಾಹಿತಿ ನೀಡುವುದಾಗಿದೆ.
ಈ ಕಾರ್ಯಕ್ರಮದ ಮೂಲಕ ಯುರೋಪಿಯನ್ ಒಕ್ಕೂಟದ ಸದಸ್ಯ ರಾಷ್ಟ್ರಗಳ ಪ್ರತಿನಿಧಿಗಳಿಗೆ ಭಾರತದ ಅತಿದೊಡ್ಡ ರಾಜಕೀಯ ಪಕ್ಷವಾದ ಬಿಜೆಪಿಯ ಕಾರ್ಯವೈಖರಿ ಮತ್ತು ಆಡಳಿತದ ದೃಷ್ಟಿಕೋನವನ್ನು ಪರಿಚಯಿಸುವ ಪ್ರಯತ್ನ ನಡೆಸಲಾಗುತ್ತಿದೆ.
ಹಿಂದೂಸ್ತಾನ್ ಸಮಾಚಾರ್ / Rakesh.M.B.
