ವಾಷಿಂಗ್ಟನ್, 25 ಫೆಬ್ರವರಿ (ಹಿ.ಸ.) :

ಆ್ಯಂಕರ್ : ಮಧ್ಯಾವಧಿ ಚುನಾವಣೆಗೆ ಮುನ್ನ ನಡೆದ ಸ್ಟೇಟ್ ಆಫ್ ದಿ ಯೂನಿಯನ್ ಭಾಷಣದಲ್ಲಿ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ತಮ್ಮ ಆಡಳಿತದ ಮೊದಲ ವರ್ಷದ ಸಾಧನೆಗಳನ್ನು ವಿವರಿಸಿ, “ಇದು ದೇಶದ ಸುವರ್ಣಯುಗ” ಎಂದು ಘೋಷಿಸಿದರು.

ಸಿಬಿಎಸ್ ನ್ಯೂಸ್ ವರದಿ ಪ್ರಕಾರ, ತಮ್ಮ ಎರಡನೇ ಅವಧಿಯ ಮೊದಲ ಅಧಿಕೃತ ಸ್ಟೇಟ್ ಆಫ್ ದಿ ಯೂನಿಯನ್ ಭಾಷಣವನ್ನು ಟ್ರಂಪ್ ಅವರು ಯುನೈಟೆಡ್ ಸ್ಟೇಟ್ಸ್ ಕ್ಯಾಪಿಟಲ್ನ ಹೌಸ್ ಚೇಂಬರ್ನಲ್ಲಿ ಮಾಡಿದರು. ದೇಶದ ಆರ್ಥಿಕತೆ, ಗಡಿಭದ್ರತೆ ಮತ್ತು ಅಪರಾಧ ನಿಯಂತ್ರಣದಲ್ಲಿ ಮಹತ್ವದ ಬದಲಾವಣೆ ತಂದಿರುವುದಾಗಿ ಅವರು ಹೇಳಿದರು.

ಅಮೆರಿಕವು 250 ವರ್ಷಗಳ ಸ್ವಾತಂತ್ರ್ಯವನ್ನು ಪೂರ್ಣಗೊಳಿಸುವ ಹಂತದಲ್ಲಿದ್ದು, “ವಿಶ್ವದಲ್ಲಿ ಅಮೆರಿಕದಂತ ರಾಷ್ಟ್ರವೇ ಇಲ್ಲ” ಎಂದು ಟ್ರಂಪ್ ಹೇಳಿದರು. ಗಡಿಗಳನ್ನು ಸುರಕ್ಷಿತಗೊಳಿಸಲಾಗಿದೆ, ಒಳನುಸುಳುವಿಕೆ ನಿಲ್ಲಿಸಲಾಗಿದೆ ಎಂದು ಅವರು ತಿಳಿಸಿದರು. ಕಳೆದ ಒಂಬತ್ತು ತಿಂಗಳಲ್ಲಿ ಒಂದೇ ಒಂದು ಅಕ್ರಮ ಆಕ್ರಮಣವೂ ನಡೆದಿಲ್ಲವೆಂದು ಹೇಳಿದರು.

ಅಪಾಯಕಾರಿ ಮಾದಕವಸ್ತು ಫೆಂಟನಿಲ್ ದೇಶಕ್ಕೆ ಹರಿವು ಶೇ.56 ರಷ್ಟು ಕಡಿಮೆಯಾಗಿದೆ. ಕೊಲೆ ಪ್ರಮಾಣ 125 ವರ್ಷಗಳಲ್ಲಿಯೇ ಅತಿ ಕಡಿಮೆ ಮಟ್ಟ ತಲುಪಿದೆ ಎಂದು ಟ್ರಂಪ್ ಹೇಳಿದರು. ಹಣದುಬ್ಬರವನ್ನು ನಿಗ್ರಹಿಸಲಾಗಿದೆ. ಪೆಟ್ರೋಲ್ ಬೆಲೆಗಳು ಹಲವಾರು ರಾಜ್ಯಗಳಲ್ಲಿ 2.30 ಡಾಲರ್ಗಿಂತ ಕಡಿಮೆಯಾಗಿವೆ. ಅಡಮಾನ ದರಗಳು ಸಹ ಇತ್ತೀಚಿನ ವರ್ಷಗಳಲ್ಲಿ ಅತಿ ಕಡಿಮೆಯಾಗಿದೆ ಎಂದು ಹೇಳಿದರು.

“ಬೈಡೆನ್ ಆಡಳಿತವು ನಮಗೆ ದುರ್ಬಲ ಆರ್ಥಿಕತೆಯನ್ನು ನೀಡಿತ್ತು. ಆದರೆ ನಾವು ಅದನ್ನು ಬಲಪಡಿಸಿದ್ದೇವೆ. ಜನರ ಆದಾಯ ಹೆಚ್ಚುತ್ತಿದೆ, ಆರ್ಥಿಕತೆ ದೃಢಗೊಳ್ಳುತ್ತಿದೆ,” ಎಂದು ಟ್ರಂಪ್ ಹೇಳಿದರು.

ಭಾಷಣದ ವೇಳೆ ಡೆಮಾಕ್ರಟಿಕ್ ಸಂಸದರು ವಿರೋಧ ವ್ಯಕ್ತಪಡಿಸಿ ಸದನದಿಂದ ಹೊರನಡೆದರು. ಇದಕ್ಕೆ ಪ್ರತಿಯಾಗಿ ರಿಪಬ್ಲಿಕನ್ ಸದಸ್ಯರು ಘೋಷಣೆಗಳನ್ನು ಹಾಕಿ ಬೆಂಬಲ ಸೂಚಿಸಿದರು.

“ಒಂದು ವರ್ಷದೊಳಗೆ ನಾವು ಮಾಡಿದ ಬದಲಾವಣೆ ಶತಮಾನಗಳವರೆಗೆ ಉಳಿಯಲಿದೆ. ಹಿಂದಿನ ಸ್ಥಿತಿಗೆ ಮರಳುವುದಿಲ್ಲ,” ಎಂದು ಟ್ರಂಪ್ ತಮ್ಮ ಭಾಷಣವನ್ನು ಸಮಾರೋಪಗೊಳಿಸಿದರು.

ಹಿಂದೂಸ್ತಾನ್ ಸಮಾಚಾರ್ / Rakesh Mahadevappa