ನವದೆಹಲಿ, 11 ಜನವರಿ (ಹಿ.ಸ.) :

ಆ್ಯಂಕರ್ : ದೇಶದಲ್ಲಿ ಹೆಚ್ಚುತ್ತಿರುವ ವಾಯು ಮಾಲಿನ್ಯವನ್ನು ನಿಯಂತ್ರಿಸುವಲ್ಲಿ ರಾಷ್ಟ್ರೀಯ ಶುದ್ಧ ಗಾಳಿ ಕಾರ್ಯಕ್ರಮ ಸಂಪೂರ್ಣವಾಗಿ ವಿಫಲವಾಗಿದೆ ಎಂದು ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ ಜೈರಾಮ್ ರಮೇಶ್ ಆರೋಪಿಸಿದ್ದಾರೆ. CREA ಅಧ್ಯಯನವನ್ನು ಉಲ್ಲೇಖಿಸಿದ ಅವರು, ಭಾರತದಲ್ಲಿ ವಾಯು ಮಾಲಿನ್ಯವು ಗಂಭೀರ ಸಾರ್ವಜನಿಕ ಆರೋಗ್ಯ ಬಿಕ್ಕಟ್ಟಾಗಿ ಪರಿಣಮಿಸಿದ್ದು, ಕೇಂದ್ರ ಸರ್ಕಾರದ ಪ್ರತಿಕ್ರಿಯೆ ಅಸಮರ್ಥವಾಗಿದೆ ಎಂದರು.

ಉಪಗ್ರಹ ದತ್ತಾಂಶದ ಪ್ರಕಾರ, ದೇಶದ ಶೇ.44 ರಷ್ಟು ನಗರಗಳು ತೀವ್ರ ವಾಯು ಮಾಲಿನ್ಯಕ್ಕೆ ಒಳಗಾಗಿದ್ದು, 4,041 ಪಟ್ಟಣಗಳಲ್ಲಿ 1,787 ಪಟ್ಟಣಗಳು ಐದು ವರ್ಷಗಳ ಕಾಲ ನಿರಂತರವಾಗಿ PM2.5 ಮಾನದಂಡ ಮೀರಿ ದಾಖಲೆ ಮಾಡಿವೆ. ಆದರೂ NCAP ಅಡಿಯಲ್ಲಿ ಕೇವಲ 130 ನಗರಗಳನ್ನು ಮಾತ್ರ ಒಳಪಡಿಸಲಾಗಿದ್ದು, ಅವುಗಳಲ್ಲಿ 28 ನಗರಗಳಲ್ಲಿ ಗಾಳಿ ಗುಣಮಟ್ಟ ಮೇಲ್ವಿಚಾರಣಾ ಕೇಂದ್ರಗಳೇ ಇಲ್ಲ.

NCAPಗೆ ನೀಡಲಾಗಿರುವ ₹10,500 ಕೋಟಿ ಅನುದಾನ ಸಾಕಾಗುವುದಿಲ್ಲ; ಇದನ್ನು ಕನಿಷ್ಠ ₹25,000 ಕೋಟಿಗೆ ಹೆಚ್ಚಿಸಿ, 1,000 ಅತ್ಯಂತ ಕಲುಷಿತ ನಗರಗಳನ್ನು ಒಳಪಡಿಸಬೇಕು ಎಂದು ಅವರು ಒತ್ತಾಯಿಸಿದರು. PM2.5 ಅನ್ನು ಕಾರ್ಯಕ್ಷಮತೆ ಮಾನದಂಡವಾಗಿಸಬೇಕು, ಕಲ್ಲಿದ್ದಲು ಆಧಾರಿತ ವಿದ್ಯುತ್ ಸ್ಥಾವರಗಳಲ್ಲಿ 2026ರೊಳಗೆ ಫ್ಲೂ ಗ್ಯಾಸ್ ಡಿಸಲ್ಫರೈಸರ್ ಅಳವಡಿಕೆ ಕಡ್ಡಾಯಗೊಳಿಸಬೇಕು ಎಂದರು. ಜೊತೆಗೆ, ರಾಷ್ಟ್ರೀಯ ಹಸಿರು ನ್ಯಾಯಮಂಡಳಿಯ ಸ್ವಾತಂತ್ರ್ಯ ಪುನಃಸ್ಥಾಪನೆ ಮತ್ತು ಜನವಿರೋಧಿ ಪರಿಸರ ಕಾನೂನು ತಿದ್ದುಪಡಿಗಳ ರದ್ದುಪಡಿಸುವಂತೆ ಆಗ್ರಹಿಸಿದರು.

ಹಿಂದೂಸ್ತಾನ್ ಸಮಾಚಾರ್ / Rakesh Mahadevappa