ಪಾಟ್ನಾ, 11 ಆಗಸ್ಟ್ (ಹಿ.ಸ.) :

ಆ್ಯಂಕರ್ : ಬಿಹಾರದಲ್ಲಿ ನಿರಂತರ ಭಾರಿ ಮಳೆಯಿಂದಾಗಿ ಗಂಗಾ ಸೇರಿದಂತೆ ಎಲ್ಲಾ ಪ್ರಮುಖ ನದಿಗಳು ಅಪಾಯದ ಮಟ್ಟ ಮೀರಿ ಹರಿಯುತ್ತಿದ್ದು, ಪ್ರವಾಹ ಪರಿಸ್ಥಿತಿ ಗಂಭೀರವಾಗಿದೆ. ಪಾಟ್ನಾ, ಭಾಗಲ್ಪುರ್, ಮುಂಗೇರ್, ಬೇಗುಸರಾಯ್, ಖಗರಿಯಾ ಮತ್ತು ಕಟಿಹಾರ್ ಜಿಲ್ಲೆಗಳು ಹೆಚ್ಚಿನ ಹಾನಿಗೆ ಒಳಗಾಗಿವೆ.

ಇದುವರೆಗೆ ಪ್ರವಾಹದಲ್ಲಿ 19 ಮಂದಿ ಸಾವನ್ನಪ್ಪಿದ್ದು, ಬೇಗುಸರೈಯಲ್ಲಿ 8 ಸಾವುಗಳು ಸಂಭವಿಸಿವೆ. ಉಳಿದವರು ಭಾಗಲ್ಪುರ್, ಸಿವಾನ್, ಭೋಜ್‌ಪುರ್, ಖಗರಿಯಾ, ಮುಂಗೇರ್, ವೈಶಾಲಿ ಮತ್ತು ಕಟಿಹಾರ್ ಜಿಲ್ಲೆಗಳವರಾಗಿದ್ದಾರೆ.

ಪ್ರವಾಹದಿಂದ 10 ಲಕ್ಷಕ್ಕೂ ಹೆಚ್ಚು ಜನರು ಸಂಕಷ್ಟಕ್ಕೆ ಸಿಲುಕಿದ್ದು, ಎನ್‌ಡಿಆರ್‌ಎಫ್‌ನ 14 ತಂಡಗಳನ್ನು ದರ್ಭಾಂಗ, ಸುಪೌಲ್, ಮೋತಿಹಾರಿ ಮತ್ತು ನಳಂದಾದಲ್ಲಿ ನಿಯೋಜಿಸಲಾಗಿದೆ.

ಹವಾಮಾನ ಇಲಾಖೆ 19 ಜಿಲ್ಲೆಗಳಿಗೆ ಹಳದಿ ಎಚ್ಚರಿಕೆ ನೀಡಿದ್ದು, ಮುಂದಿನ 48 ಗಂಟೆಗಳಲ್ಲಿ ಭಾರಿ ಮಳೆಯ ಸಾಧ್ಯತೆ ಇದೆ. ಕಳೆದ 24 ಗಂಟೆಗಳಲ್ಲಿ ಕಟಿಹಾರ್‌ನಲ್ಲಿ 140 ಮಿ.ಮೀ., ನಳಂದದಲ್ಲಿ 70 ಮಿ.ಮೀ., ಪಾಟ್ನಾದಲ್ಲಿ 57 ಮಿ.ಮೀ. ಮಳೆಯಾಗಿದೆ.

ಹಿಂದೂಸ್ತಾನ್ ಸಮಾಚಾರ್ / Rakesh Mahadevappa