ಚಂಡೀಗಡ, 22 ಜುಲೈ (ಹಿ.ಸ.) :
ಆ್ಯಂಕರ್ : ಪಂಜಾಬ್‌ನ ಅಮೃತಸರದಲ್ಲಿರುವ ಶ್ರೀ ಗುರು ರಾಮದಾಸ್ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಬಾಂಬ್ ದಾಳಿ ಬೆದರಿಕೆ ಬಂದ ಹಿನ್ನೆಲೆ ಮಂಗಳವಾರದಿಂದ ಭದ್ರತೆ ಬಿಗಿಗೊಳಿಸಲಾಗಿದೆ.
ಈ ಬೆದರಿಕೆಯಿಂದಾಗಿ ಪಂಜಾಬ್ ಮುಖ್ಯಮಂತ್ರಿ ಭಗವಂತ್ ಮಾನ್ ಇಂದು ಅಮೃತಸರಕ್ಕೆ ತೆರಳಿ, ದರ್ಬಾರ್ ಸಾಹಿಬ್‌ನಲ್ಲಿ ಪೂಜೆ ಸಲ್ಲಿಸಿದ ಬಳಿಕ ಪೊಲೀಸರಿಂದ ತನಿಖಾ ವರದಿ ಪಡೆದುಕೊಳ್ಳಲಿದ್ದಾರೆ.
ಈ ಬೆದರಿಕೆಗೆ ಸಂಬಂಧಿಸಿದ ಇಮೇಲ್ ಸೋಮವಾರ ರಾತ್ರಿ ಕಳುಹಿಸಲಾಗಿದ್ದು, ಅದೇ ಮಾದರಿಯ ಇಮೇಲ್‌ಗಳು ಶಿರೋಮಣಿ ಗುರುದ್ವಾರ ಪ್ರಬಂಧಕ್ ಸಮಿತಿಗೆ ಸ್ವರ್ಣ ದೇವಾಲಯದ ಕುರಿತಾದ ಬಾಂಬ್ ಬೆದರಿಕೆ ರೂಪದಲ್ಲಿ ಈಗಾಗಲೇ ಒಂಬತ್ತು ಬಾರಿ ಬಂದಿವೆ.
ಅಮೃತಸರ ಪೊಲೀಸ್ ಆಯುಕ್ತ ಗುರುಪ್ರೀತ್ ಸಿಂಗ್ ಭುಲ್ಲರ್ ಅವರ ಪ್ರಕಾರ, ಈ ಇಮೇಲ್‌ಗಳ ಹಿಂದಿರುವ ಗುಂಪು ಒಂದೇ ಇರಬಹುದೆಂಬ ಅನುಮಾನವಿದೆ. ಈಗಾಗಲೇ ಶಂಕಿತ ವ್ಯಕ್ತಿ ಶುಭಂ ದುಬೆ ಅವರನ್ನು ವಿಚಾರಣೆಗಾಗಿ ಬಂಧಿಸಲಾಗಿದೆ.
ಪ್ರಸ್ತುತ ತನಿಖೆ ತಾಂತ್ರಿಕ ವಿಶ್ಲೇಷಣೆಯ ಹಂತದಲ್ಲಿದ್ದು, ಶೀಘ್ರದಲ್ಲೇ ಶಂಕಿತರನ್ನು ಗುರುತಿಸಲಾಗುವುದು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಹಿಂದೂಸ್ತಾನ್ ಸಮಾಚಾರ್ / Rakesh Mahadevappa
