ಲಕ್ನೋ, 28 ಮೇ (ಹಿ.ಸ.) :
ಆ್ಯಂಕರ್ : ಐಪಿಎಲ್ 2025ರ ಅಂತಿಮ ಲೀಗ್ ಪಂದ್ಯದಲ್ಲಿ ಲಕ್ನೋ ಸೂಪರ್ ಜೈಂಟ್ಸ್ ತಂಡವು ರಿಷಭ್ ಪಂತ್ ಅವರ ಅಜೇಯ 118 ರನ್ ಇನ್ನಿಂಗ್ಸ್ ಹೊರತಾಗಿಯೂ ಆರ್‌ಸಿಬಿಗೆ ಎದುರು ಸೋಲನ್ನು ಅನುಭವಿಸಿತು. ಪಂದ್ಯ ನಂತರ ಪಂತ್, ಈ ಪಂದ್ಯದಲ್ಲಿ ನಾವು ಕೇವಲ 20 ಓವರ್‌ಗಳಲ್ಲಿ ಮಾತ್ರ ಉತ್ತಮ ಕ್ರಿಕೆಟ್ ಆಡಿದ್ದೇವೆ, ಆದರೆ 40 ಓವರ್‌ಗಳ ಸಮಗ್ರ ಪ್ರದರ್ಶನ ಅಗತ್ಯವಿದೆ ಎಂದು ಹೇಳಿದರು.
ಪಂತ್ ಈ ಋತುವಿನಲ್ಲಿ ಬ್ಯಾಟಿಂಗ್ ಸಂಕಷ್ಟ ಅನುಭವಿಸಿದ್ದರೂ, ಈ ಪಂದ್ಯದಲ್ಲಿ ಅದ್ಭುತ ಹೋರಾಟ ತೋರಿದರು. ಆದರೆ ಎಲ್‌ಎಸ್‌ಜಿಯ ಬೌಲಿಂಗ್ ವೈಫಲ್ಯ — ವಿಲ್ ಒ'ರೂರ್ಕ್ ಮತ್ತು ಶಹಬಾಜ್ ಅಹ್ಮದ್ ಅವರ 113 ರನ್ ವ್ಯಯ, ಫೀಲ್ಡಿಂಗ್ ದೋಷಗಳು ಮತ್ತು ನೋ-ಬಾಲ್‌ಗಳು ತಂಡದ ಸೋಲಿಗೆ ಕಾರಣವಾದವು.
ಎಲ್ ಎಸ್ ಜಿ ಈ ಋತುವಿನಲ್ಲಿ 14 ಪಂದ್ಯಗಳಲ್ಲಿ 6 ಗೆಲುವುಗಳೊಂದಿಗೆ ಅಂಕ ಪಟ್ಟಿಯಲ್ಲಿ 7ನೇ ಸ್ಥಾನದಲ್ಲಿದೆ. ಪಂತ್, ಕೆಲವು ಬೌಲರ್‌ಗಳ ಪ್ರದರ್ಶನ ಶ್ಲಾಘನೀಯವಾಗಿದ್ದು, ತಂಡದಲ್ಲಿ ಸಕಾರಾತ್ಮಕ ಅಂಶಗಳೂ ಇದ್ದವು ಎಂದು ಹೇಳಿದರು.
ಹಿಂದೂಸ್ತಾನ್ ಸಮಾಚಾರ್ / Rakesh Mahadevappa
