ಪಾಟ್ನಾ, 07 ನವೆಂಬರ್ (ಹಿ.ಸ.) :

ಆ್ಯಂಕರ್ : ಬಿಹಾರದಲ್ಲಿ ನಡೆದ ಮೊದಲ ಹಂತದ ಮತದಾನದ ನಂತರ ಭಾರತೀಯ ಜನತಾ ಪಕ್ಷದ ರಾಷ್ಟ್ರೀಯ ಅಧ್ಯಕ್ಷ ಜೆ.ಪಿ. ನಡ್ಡಾ ಅವರು ಎನ್‌ಡಿಎ ಸರ್ಕಾರ ರಚನೆ ಬಗ್ಗೆ ಪೂರ್ಣ ವಿಶ್ವಾಸ ವ್ಯಕ್ತಪಡಿಸಿದರು.

ಜನತೆಯು ಅಭಿವೃದ್ಧಿ, ಸ್ಥಿರತೆ ಮತ್ತು ನಿತೀಶ್ ಕುಮಾರ್ ನೇತೃತ್ವದ ಆಡಳಿತದ ಪರವಾಗಿ ಸ್ಪಷ್ಟವಾದ ನಿರ್ಣಯವನ್ನು ತೋರಿಸಿದ್ದಾರೆ ಎಂದು ಅವರು ಹೇಳಿದರು.

“ಮೊದಲ ಹಂತದ ಮತದಾನದ ಬಳಿಕ ನನಗೆ ಸ್ಪಷ್ಟ ವಿಶ್ವಾಸ ಬಂದಿದೆ ಬಿಹಾರದಲ್ಲಿ ಯಾವುದೇ ಆಡಳಿತ ವಿರೋಧಿ ಅಲೆ ಇಲ್ಲ. ಜನರು ಮೋದಿಯವರ ಆಶೀರ್ವಾದದೊಂದಿಗೆ ಅಭಿವೃದ್ಧಿ ಮತ್ತು ಸ್ಥಿರ ಸರ್ಕಾರಕ್ಕಾಗಿ ಮತ ಚಲಾಯಿಸುತ್ತಿದ್ದಾರೆ,” ಎಂದು ನಡ್ಡಾ ಚಾನೆಲ್ ಒಂದಕ್ಕೆ ನೀಡಿದ ಸಂದರ್ಶನದಲ್ಲಿ ಹೇಳಿದರು.

ಪ್ರತಿ ಪಕ್ಷದ ಭರವಸೆಗಳಿಗೆ ತೀವ್ರ ಟೀಕೆ

ಮಹಾಘಟಬಂಧನ್ ಮತ್ತು ತೇಜಸ್ವಿ ಯಾದವ್ ನೀಡಿದ 300 ಕೋಟಿ ಉದ್ಯೋಗಗಳ ಭರವಸೆಯನ್ನು ಅವರು “ಕೊನೆಯ ಕ್ಷಣದ ಹಾಸ್ಯಾಸ್ಪದ ಪ್ರಯತ್ನ” ಎಂದು ಕರೆದರು. “ಈ ರೀತಿಯ ಭರವಸೆಗಳು ಜನರನ್ನು ಮೋಸಗೊಳಿಸುವ ಪ್ರಯತ್ನ. ಜನರು ಈಗ ಇವುಗಳನ್ನು ನಂಬುವುದಿಲ್ಲ,” ಎಂದು ನಡ್ಡಾ ಹೇಳಿದರು.

“ಬಂಡಾಯಗಾರರಿಂದ ಗೆಲುವಿಗೆ ತೊಂದರೆ ಆಗದು”

ಕೆಲವು ಅತೃಪ್ತ ಅಭ್ಯರ್ಥಿಗಳ ಉಪಸ್ಥಿತಿ ಇದ್ದರೂ, ಅದು ಎನ್‌ಡಿಎ ಗೆಲುವಿಗೆ ಯಾವುದೇ ಪರಿಣಾಮ ಬೀರುವುದಿಲ್ಲ ಎಂದು ಅವರು ಸ್ಪಷ್ಟಪಡಿಸಿದರು. “ಬಿಹಾರದ ಜನರು ಸ್ಪಷ್ಟ ನಿರ್ಧಾರ ತೆಗೆದುಕೊಂಡಿದ್ದಾರೆ ಅವರು ಅಭಿವೃದ್ಧಿ ಮತ್ತು ಸ್ಥಿರತೆಯ ಪರ ಮತ ಚಲಾಯಿಸಿದ್ದಾರೆ,” ಎಂದು ನಡ್ಡಾ ವಿಶ್ವಾಸ ವ್ಯಕ್ತಪಡಿಸಿದರು.

ಪ್ರತಿಪಕ್ಷದ ಆರೋಪಗಳಿಗೆ ತೀವ್ರ ಪ್ರತಿಕ್ರಿಯೆ

ರಾಹುಲ್ ಗಾಂಧಿ ಸೇರಿದಂತೆ ಪ್ರತಿ ಪಕ್ಷದ ನಾಯಕರು ಭಾರತೀಯ ಸಂಸ್ಥೆಗಳ ವಿರುದ್ಧ ವಿದೇಶಗಳಲ್ಲಿ ಬೆಂಬಲ ಕೋರಿದ್ದಾರೆ ಎಂದು ನಡ್ಡಾ ಆರೋಪಿಸಿದರು.

“ಸಾಂವಿಧಾನಿಕ ಸಂಸ್ಥೆಗಳನ್ನು ದೂಷಿಸುವುದು ಅವರ ಬಾಲಿಶ ಮತ್ತು ಬೇಜವಾಬ್ದಾರಿ ನಡೆ. ಜನರು ಇದನ್ನು ಚೆನ್ನಾಗಿ ಅರ್ಥಮಾಡಿಕೊಂಡಿದ್ದಾರೆ,” ಎಂದರು.

ಜಂಗಲ್ ರಾಜ್ ಯುಗದ ನೆನಪು

ಆರ್‌ಜೆಡಿ ಆಡಳಿತದ ಕಾಲದ ಮುಕಾಮಾ ಮತ್ತು ಶಿಲ್ಪಿ ಗೌತಮ್ ಪ್ರಕರಣಗಳನ್ನು ಉಲ್ಲೇಖಿಸಿದ ನಡ್ಡಾ, “ಆ ಸಮಯದಲ್ಲಿ ಕಾನೂನು ಮತ್ತು ಸುವ್ಯವಸ್ಥೆಯೇ ರಾಜ್ಯ ಯಂತ್ರದ ಬಲಿಯಾಗಿತ್ತು. ಇಂದು ಬಿಹಾರದಲ್ಲಿ ನಿಷ್ಪಕ್ಷಪಾತ ಆಡಳಿತ ಜಾರಿಯಲ್ಲಿದೆ,” ಎಂದರು.

ಎನ್‌ಡಿಎ ಕಾರ್ಯತಂತ್ರ ಮತ್ತು ಭವಿಷ್ಯ

ಟಿಕೆಟ್ ವಿತರಣೆ ಮತ್ತು ಅಭ್ಯರ್ಥಿ ಆಯ್ಕೆ ಪ್ರಕ್ರಿಯೆ ಸಂಪೂರ್ಣ ಯೋಜಿತವಾಗಿ ನಡೆದಿದೆ ಎಂದು ನಡ್ಡಾ ಹೇಳಿದರು.

ಎಲ್‌ಜೆಪಿ ಮತ್ತು ವಿಐಪಿ ಪಕ್ಷಗಳ ಪ್ರಭಾವ ಸೀಮಿತವಾಗಿದೆ. “ಎನ್‌ಡಿಎಗೆ ಸಮಾಜದ ಎಲ್ಲ ವರ್ಗಗಳಿಂದ ಬಲವಾದ ಬೆಂಬಲವಿದೆ. ನಾವು 160 ಕ್ಕೂ ಹೆಚ್ಚು ಸ್ಥಾನಗಳೊಂದಿಗೆ ಗೆಲ್ಲುವ ವಿಶ್ವಾಸದಲ್ಲಿದ್ದೇವೆ,” ಎಂದು ಅವರು ಹೇಳಿದರು.

“ಬಿಹಾರದಲ್ಲಿ ಸ್ಥಿರ ಮತ್ತು ಬಲಿಷ್ಠ ಸರ್ಕಾರ ಖಚಿತ. ಜನತೆ ಎನ್‌ಡಿಎ ನಾಯಕತ್ವದ ಮೇಲೆ ವಿಶ್ವಾಸ ಇಟ್ಟಿದ್ದಾರೆ. ಅಭಿವೃದ್ಧಿ ಮತ್ತು ವಿಶ್ವಾಸಾರ್ಹ ನಾಯಕತ್ವವು ಮೊದಲ ಆದ್ಯತೆಯಾಗಿದೆ ಎಂದು ನಡ್ಡಾ ಹೇಳಿದರು.

ಹಿಂದೂಸ್ತಾನ್ ಸಮಾಚಾರ್ / Rakesh Mahadevappa