ಬೆಂಗಳೂರು, 12 ಸೆಪ್ಟೆಂಬರ್(ಹಿ.ಸ.)
ಆ್ಯಂಕರ್:
ಸಂಚಾರ ಸೇವೆಗೆ ಮಾತ್ರ ಸೀಮಿತವಾಗಿದ್ದ ‘ನಮ್ಮ ಯಾತ್ರಿ’ ಇದೀಗ ತನ್ನ ಸೇವಾ ವ್ಯಾಪ್ತಿಯನ್ನು ವಿಸ್ತರಿಸಿದ್ದು, ಚಾಲಕರಿಗಾಗಿ ‘ನಮ್ಮ ಸಂತೇ’ ಎಂಬ ಆನ್ಲೈನ್ ಹಾಗೂ ಭೌತಿಕ ಶಾಪಿಂಗ್ ವೇದಿಕೆಯನ್ನು ಆರಂಭಿಸಿದೆ.
ಆಗಸ್ಟ್ 15, 2026ರ ವೇಳೆಗೆ ‘ನಮ್ಮ ಯಾತ್ರಿ’ ವೇದಿಕೆಯಲ್ಲಿ ಸಕ್ರಿಯರಾಗಿದ್ದ 7.71 ಲಕ್ಷ ಚಾಲಕರು ‘ನಮ್ಮ ಸಂತೇ’ ಸೇವೆಯನ್ನು ಬಳಸಿಕೊಳ್ಳಬಹುದಾಗಿದೆ. ಚಾಲಕರಿಗೆ ಅಗತ್ಯವಿರುವ ವಿವಿಧ ಉತ್ಪನ್ನಗಳನ್ನು ಈ ವೇದಿಕೆಯ ಮೂಲಕ ಖರೀದಿಸಲು ಅವಕಾಶ ಕಲ್ಪಿಸಲಾಗಿದೆ.
ಚಾಲಕರ ಅನುಕೂಲಕ್ಕಾಗಿ ‘ನಮ್ಮ ಯಾತ್ರಿ’ಯ ಕೊರಮಂಗಲ ಕಚೇರಿಯಲ್ಲೇ ಭೌತಿಕ ಮಳಿಗೆಯನ್ನು ಸ್ಥಾಪಿಸಲಾಗಿದೆ. ಆನ್ಲೈನ್ನಲ್ಲಿ ಖರೀದಿಸಿದ ಉತ್ಪನ್ನಗಳನ್ನು ಚಾಲಕರು ತಮ್ಮ ಮನೆಗೆ ವಿತರಣೆ ಮಾಡಿಸಿಕೊಳ್ಳಬಹುದು ಅಥವಾ ನಿಗದಿತ ಸ್ಥಳಗಳಿಂದ ಸ್ವತಃ ಪಡೆದುಕೊಳ್ಳಬಹುದಾಗಿದೆ.
ಚಾಲಕರ ಅಗತ್ಯಗಳನ್ನು ಗಮನದಲ್ಲಿಟ್ಟುಕೊಂಡು ರೂಪಿಸಿರುವ ಈ ಉಪಕ್ರಮದ ಮೂಲಕ ರೈಡ್ ಸೇವೆಯ ಹೊರತಾಗಿ ಚಾಲಕರಿಗೆ ಮತ್ತಷ್ಟು ಸೌಲಭ್ಯಗಳನ್ನು ಒದಗಿಸುವ ಉದ್ದೇಶವನ್ನು ‘ನಮ್ಮ ಯಾತ್ರಿ’ ಹೊಂದಿದೆ. ಈಗಾಗಲೇ 6 ಲಕ್ಷಕ್ಕೂ ಅಧಿಕ ಚಾಲಕರನ್ನು ಒಳಗೊಂಡಿರುವ ವೇದಿಕೆಯಾಗಿ ‘ನಮ್ಮ ಯಾತ್ರಿ’ ಕಾರ್ಯನಿರ್ವಹಿಸುತ್ತಿದೆ.
---------------
ಹಿಂದೂಸ್ತಾನ್ ಸಮಾಚಾರ್ / BHARGAVI G R
