ಪ್ರಯಾಗರಾಜ್, 27 ಫೆಬ್ರವರಿ (ಹಿ.ಸ.) :

ಆ್ಯಂಕರ್ : ಮಹಾ ಶಿವರಾತ್ರಿಯಂದು ಪವಿತ್ರ ಸ್ನಾನದೊಂದಿಗೆ ಮಹಾ ಕುಂಭಮೇಳವು ಮುಕ್ತಾಯವಾಗಿದ್ದು. ಮಹಾ ಕುಂಭಮೇಳವು ಎಲ್ಲಾ ನಿರೀಕ್ಷೆಗಳನ್ನು ಮೀರಿ ಸೃಷ್ಟಿಸಿರುವ ದಾಖಲೆಗಳು ಬಹಳ ಕಾಲ ನೆನಪಿನಲ್ಲಿ ಉಳಿಯುತ್ತವೆ. ಜನವರಿ 13 ರಂದು ಪೌಷ ಪೂರ್ಣಿಮಾ ಸ್ನಾನದೊಂದಿಗೆ ಪ್ರಾರಂಭವಾದ ಮಹಾ ಕುಂಭ ಮುಂದುವರೆದಂತೆ, ಎಲ್ಲಾ ಊಹಾಪೋಹಗಳು ಹಿಂದೆ ಉಳಿದವು. ಅದು ಭಕ್ತರ ಸಂಖ್ಯೆಯ ಅಂದಾಜಿನಾಗಿರಬಹುದು ಅಥವಾ ಆರ್ಥಿಕತೆಗೆ ಉತ್ತೇಜನವಾಗಿರಬಹುದು. 45 ದಿನಗಳ ಕಾಲ ನಡೆದ ಮಹಾಕುಂಭ ಮೇಳದಲ್ಲಿ, ದೇಶವನ್ನು ಹೊರತುಪಡಿಸಿ ವಿಶ್ವದ 100 ಕ್ಕೂ ಹೆಚ್ಚು ದೇಶಗಳಿಂದ ಭಕ್ತರು ಪ್ರಯಾಗ್‌ರಾಜ್ ಗೆ ಆಗಮಿಸಿದ್ದರು. ಭಕ್ತರ ಸಂಖ್ಯೆ ಹೆಚ್ಚಾದ ಕಾರಣ, ಸಾರಿಗೆ ವಲಯದಿಂದ ಆತಿಥ್ಯ, ಪ್ರವಾಸೋದ್ಯಮದವರೆಗೆ ನೂರಾರು ಕ್ಷೇತ್ರಗಳ ವ್ಯವಹಾರದಲ್ಲಿ ಅನಿರೀಕ್ಷಿತ ಏರಿಕೆ ಕಂಡುಬಂದಿದ್ದು, ಒಟ್ಟು ವಹಿವಾಟು 4 ಲಕ್ಷ ಕೋಟಿ ರೂ.ಗಳಿಗಿಂತ ಹೆಚ್ಚಿದೆ.

ಮಹಾ ಕುಂಭ ಮೇಳ ಆರಂಭವಾಗುವ ಮುನ್ನ ಆರಂಭಿಕ ಅಂದಾಜಿನ ಪ್ರಕಾರ 40 ಕೋಟಿ ಜನರು ಆಗಮಿಸುವ ಮತ್ತು ಸುಮಾರು 2 ಲಕ್ಷ ಕೋಟಿ ರೂಪಾಯಿ ಮೌಲ್ಯದ ವ್ಯಾಪಾರ ವಹಿವಾಟು ನಡೆಯುವ ಸಾಧ್ಯತೆ ಇತ್ತು. 'ಮಹಾಕುಂಭ 2025' ರ ಸಮಯದಲ್ಲಿ ಭಕ್ತರಿಗೆ ಅಗತ್ಯವಿರುವ ಮೂಲ ಸಾಮಗ್ರಿಗಳಿಂದ ಸುಮಾರು 17,310 ಕೋಟಿ ರೂ. ಆದಾಯ ಗಳಿಸಲಿದೆ ಎಂದು ವ್ಯಾಪಾರಿಗಳ ಸಂಘಟನೆಯಾದ ಅಖಿಲ ಭಾರತ ವ್ಯಾಪಾರಿಗಳ ಒಕ್ಕೂಟ ಅಂದಾಜಿಸಿತ್ತು. ಇದಲ್ಲದೆ, ಜಾತ್ರೆಯ ಸಮಯದಲ್ಲಿ, ಖಜಾನೆಯು ದಿನಸಿ ವಸ್ತುಗಳು, ಖಾದ್ಯ ಎಣ್ಣೆ, ಹಣ್ಣುಗಳು ಮತ್ತು ತರಕಾರಿಗಳು, ಹಾಸಿಗೆಗಳು, , ಮತ್ತು ಇತರ ಗೃಹೋಪಯೋಗಿ ವಸ್ತುಗಳು, ಹಾಲು ಮತ್ತು ಇತರ ಡೈರಿ ಉತ್ಪನ್ನಗಳು, ಆತಿಥ್ಯ, ಪ್ರಯಾಣ ಮತ್ತು ನಾವಿಕರಿಂದ ಕೂಡ ತುಂಬಿದೆ.

ವಿಶ್ವದ ಇತಿಹಾಸದಲ್ಲಿ ನಡೆದ ಅತಿದೊಡ್ಡ ಜಾತ್ರೆ ಉತ್ತರ ಪ್ರದೇಶದ ಆರ್ಥಿಕತೆಗೆ ವರದಾನವಾಯಿತು. ಉತ್ತರ ಪ್ರದೇಶದ ಆದರ್ಶ ವ್ಯಾಪಾರ ಮಂಡಲ ರಾಜ್ಯ ಅಧ್ಯಕ್ಷ ಮತ್ತು ಸಿಎಟಿ ರಾಷ್ಟ್ರೀಯ ಸಂಘಟನೆಯ ಸಚಿವ ಸಂಜಯ್ ಗುಪ್ತಾ ಅವರು ಹಿಂದೂಸ್ತಾನ್ ಸಮಾಚಾರ ಪ್ರತಿನಿದಿ ಜೊತೆ ಮಾತನಾಡಿ, ಮಹಾ ಕುಂಭಮೇಳವು ಉತ್ತರ ಪ್ರದೇಶದ ಆರ್ಥಿಕತೆಯ ಮೇಲೆ ಸಕಾರಾತ್ಮಕ ಪರಿಣಾಮ ಬೀರಿದೆ ಎಂದು ಹೇಳಿದರು. ಕುಂಭಮೇಳದಲ್ಲಿ 66 ಕೋಟಿಗೂ ಹೆಚ್ಚು ಭಕ್ತರು ಪ್ರಯಾಗರಾಜ್ ಗೆ ಭೇಟಿ ನಿಡಿದ್ದು. ಕಾಶಿ, ಅಯೋಧ್ಯೆ, ವೃಂದಾವನ ಮತ್ತು ಇತರ ತೀರ್ಥಯಾತ್ರೆಗಳಿಗೆ ಹೆಚ್ಚಿನ ಸಂಖ್ಯೆಯ ಭಕ್ತರು ತೆರಳಿದರು. ಕಳೆದ 45 ದಿನಗಳಲ್ಲಿ ಉತ್ತರ ಪ್ರದೇಶದಲ್ಲಿ 3-4 ಲಕ್ಷ ಕೋಟಿ ರೂಪಾಯಿಗಳ ವ್ಯವಹಾರ ನಡೆದಿದೆ ಎಂದು ಅಂದಾಜಿಸಲಾಗಿದೆ. ಹೋಟೆಲ್ ಉದ್ಯಮದ ಹೊರತಾಗಿ, ಸಾರಿಗೆ, ಸೇವಾ ವಲಯ ಮತ್ತು ಚಿಲ್ಲರೆ ವ್ಯಾಪಾರಿಗಳು ಸಹ ಉತ್ತಮ ಲಾಭ ಗಳಿಸಿದ್ದಾರೆ. ಈ ಅವಧಿಯಲ್ಲಿ ಪೆಟ್ರೋಲ್ ಮತ್ತು ಡೀಸೆಲ್‌ನ ಬಂಪರ್ ಮಾರಾಟವೂ ನಡೆದಿದೆ. ಟೂತ್‌ಪಿಕ್‌ಗಳು, ಚಹಾ, ಗಂಗಾಜಲ ಮಾರಾಟಗಾರರಿಂದ ಹಿಡಿದು ದೋಣಿ ನಡೆಸುವವರವರೆಗೆ ಎಲ್ಲರೂ ಜಾತ್ರೆಯಲ್ಲಿ ಬಹಳಷ್ಟು ಸಂಪಾದಿಸಿದ್ದಾರೆ ಎಂದು ಸಚಿವರು ತಿಳಿಸಿದ್ದಾರೆ.

ಅಖಿಲ ಭಾರತ ಕೈಗಾರಿಕಾ ವಾಣಿಜ್ಯ ಮಂಡಳಿಯ ರಾಷ್ಟ್ರೀಯ ಅಧ್ಯಕ್ಷ ಸಂದೀಪ್ ಬನ್ಸಾಲ್ ಈ ಕುರಿತು ಪ್ರತಿಕ್ರಿಯಿಸಿದ್ದು, ಮಹಾ ಕುಂಭಮೇಳವು ವ್ಯಾಪಾರ ಮತ್ತು ಕೈಗಾರಿಕಾ ಕ್ಷೇತ್ರಗಳೆರಡಕ್ಕೂ ಪ್ರಯೋಜನಕಾರಿಯಾಗಿತ್ತು. ವಿಶೇಷವಾಗಿ ಪ್ರವಾಸೋದ್ಯಮ ಮತ್ತು ಸೇವಾ ವಲಯಗಳಲ್ಲಿ ಉತ್ಕರ್ಷ ಕಂಡುಬಂದಿದೆ. ಸರ್ಕಾರಕ್ಕೆ ಜಿಎಸ್‌ಟಿ ರೂಪದಲ್ಲಿಯೂ ಆದಾಯ ಬರುತ್ತದೆ. ಮಹಾ ಕುಂಭ ಮೇಳಕ್ಕೂ ಮುನ್ನ ಸರ್ಕಾರ ಮತ್ತು ಕೈಗಾರಿಕಾ ಸಂಸ್ಥೆಗಳು ಮಾಡಿದ ಗಳಿಕೆಯ ಅಂದಾಜುಗಳೆಲ್ಲವೂ ಹಿಂದೆ ಉಳಿದಿವೆ. ಅಂದಾಜುಗಳನ್ನು ಮೀರಿ ಗಳಿಕೆ ಕಂಡುಬಂದಿದೆ ಎಂದಿದ್ದಾರೆ.

ಆರ್ಥಿಕ ತಜ್ಞರ ಪ್ರಕಾರ, ಆತಿಥ್ಯ ಮತ್ತು ವಸತಿ, ಆಹಾರ ಮತ್ತು ಪಾನೀಯ ವಲಯ, ಸಾರಿಗೆ ಮತ್ತು ಲಾಜಿಸ್ಟಿಕ್ಸ್, ಧಾರ್ಮಿಕ ಉಡುಪು, ಪೂಜೆ ಮತ್ತು ಕರಕುಶಲ ವಸ್ತುಗಳು, ಜವಳಿ ಮತ್ತು ಉಡುಪುಗಳು ಮತ್ತು ಇತರ ಗ್ರಾಹಕ ವಸ್ತುಗಳು ಸೇರಿದಂತೆ ಹಲವಾರು ವ್ಯವಹಾರ ಕ್ಷೇತ್ರಗಳಲ್ಲಿ ಬೃಹತ್ ಆರ್ಥಿಕ ಚಟುವಟಿಕೆಗಳು ಕಂಡುಬಂದವು. ಮಹಾ ಕುಂಭ ಮೇಳದಲ್ಲಿ ಉತ್ತರ ಪ್ರದೇಶ ಸರ್ಕಾರ 25,000 ರಿಂದ 30,000 ಕೋಟಿ ರೂಪಾಯಿಗಳ ಆದಾಯ ಗಳಿಸಿದ್ದು. ನಿಸ್ಸಂಶಯವಾಗಿ ನಂಬಿಕೆಯ ಮಹಾಕುಂಭವು ಆರ್ಥಿಕತೆಯ ಮಹಾಕುಂಭವೆಂದು ಸಾಬೀತಾಗಿದೆ.

ಈ ಕಾರ್ಯಕ್ರಮಕ್ಕೆ 15 ಸಾವಿರ ಕೋಟಿ ರೂಪಾಯಿ ಖರ್ಚು ಮಾಡಲಾಗಿತ್ತು;

ಜಾತ್ರೆಗೆ ಸರ್ಕಾರದ ಬಜೆಟ್ ಸುಮಾರು 7500 ಕೋಟಿ ರೂಪಾಯಿಗಳಷ್ಟಿತ್ತು. ಈ ಬಜೆಟ್ ಹೊರತುಪಡಿಸಿ, ಮೂಲಸೌಕರ್ಯ ಅಭಿವೃದ್ಧಿಗೆ ಬಹುತೇಕ ಅಷ್ಟೇ ಮೊತ್ತವನ್ನು ಖರ್ಚು ಮಾಡಲಾಗಿದೆ. ಅಂದರೆ ಮೇಳಕ್ಕೆ ಸರಾಸರಿ 15,000 ಕೋಟಿ ರೂ. ಖರ್ಚು ಮಾಡಲಾಗಿದೆ. 2019 ರ ಕುಂಭಮೇಳಕ್ಕೆ ಯುಪಿ ಸರ್ಕಾರ 4,200 ಕೋಟಿ ರೂ.ಗಳನ್ನು ನಿಗದಿಪಡಿಸಿತ್ತು, ಆದರೆ ಹಿಂದಿನ ರಾಜ್ಯ ಸರ್ಕಾರ 2013 ರಲ್ಲಿ ಮಹಾಕುಂಭವನ್ನು ಆಯೋಜಿಸಲು ಸುಮಾರು 1,300 ಕೋಟಿ ರೂ.ಗಳನ್ನು ಖರ್ಚು ಮಾಡಿತ್ತು. ರಾಜ್ಯ ಸರ್ಕಾರದ ಪ್ರಕಾರ, 14 ಹೊಸ ಫ್ಲೈಓವರ್‌ಗಳು, ಆರು ಅಂಡರ್‌ಪಾಸ್‌ಗಳು, 200 ಕ್ಕೂ ಹೆಚ್ಚು ಅಗಲವಾದ ರಸ್ತೆಗಳು, ಹೊಸ ಕಾರಿಡಾರ್‌ಗಳು, ವಿಸ್ತೃತ ರೈಲ್ವೆ ನಿಲ್ದಾಣಗಳು ಮತ್ತು ಆಧುನಿಕ ವಿಮಾನ ನಿಲ್ದಾಣ ಟರ್ಮಿನಲ್ ನಿರ್ಮಾಣಕ್ಕೆ 7,500 ಕೋಟಿ ರೂ.ಗಳನ್ನು ಖರ್ಚು ಮಾಡಲಾಗಿದೆ. ಇದಲ್ಲದೆ, ಮಹಾ ಕುಂಭಮೇಳದ ವ್ಯವಸ್ಥೆಗಾಗಿ ವಿಶೇಷವಾಗಿ 1,500 ಕೋಟಿ ರೂ.ಗಳನ್ನು ಮೀಸಲಿಡಲಾಗಿತ್ತು.

ಹಿಂದೂಸ್ತಾನ್ ಸಮಾಚಾರ್ / Rakesh Mahadevappa