ನವದೆಹಲಿ, 03 ಡಿಸೆಂಬರ್ (ಹಿ.ಸ.) :

ಆ್ಯಂಕರ್ : ಜಾಗತಿಕ ಷೇರು ಮಾರುಕಟ್ಟೆಗಳು ಇಂದು ಮಿಶ್ರ ಚಲನವಲನ ತೋರಿಸಿವೆ. ಯುಎಸ್‌ ಮಾರುಕಟ್ಟೆಗಳು ಟೆಕ್ ಷೇರುಗಳ ಏರಿಕೆಯಿಂದ ಚೇತರಿಕೆಯೊಂದಿಗೆ ಮುಕ್ತಾಯಗೊಂಡಿದ್ದು, ಡೌ ಜೋನ್ಸ್ 190 ಅಂಕಗಳ ಏರಿಕೆ ದಾಖಲಿಸಿದೆ. ಎಸ್ & ಪಿ 500 ಶೇಕಡಾ 0.23 ಹಾಗೂ ನ್ಯಾಸ್ಡಾಕ್ ಶೇಕಡಾ 0.60 ಹೆಚ್ಚಳ ಕಂಡು ವಹಿವಾಟು ಮುಗಿಸಿವೆ.

ಯುರೋಪಿಯನ್ ಮಾರುಕಟ್ಟೆಗಳು ಒತ್ತಡದ ವಹಿವಾಟಿನ ನಂತರ ಮಿಶ್ರ ಫಲಿತಾಂಶಗಳೊಂದಿಗೆ ಮುಕ್ತಾಯವಾಗಿದ್ದು, FTSE ಮತ್ತು CAC ಸೂಚ್ಯಂಕಗಳು ಕುಸಿದರೆ, DAX ಸೂಚ್ಯಂಕ ಏರಿಕೆಯಾಗಿದೆ.

ಏಷ್ಯಾದ ಮಾರುಕಟ್ಟೆಗಳಲ್ಲೂ ಮಿಶ್ರ ಪ್ರವೃತ್ತಿ ಗೋಚರಿಸಿತು. GIFT ನಿಫ್ಟಿ, ಹ್ಯಾಂಗ್ ಸೆಂಗ್, ಶಾಂಘೈ ಕಾಂಪೋಸಿಟ್ ಕುಸಿತ ಕಂಡರೆ, ನಿಕ್ಕಿ, ಕೋಸ್ಪಿ, ತೈವಾನ್ ವೇಯ್ಟೆಡ್ ಸೇರಿದಂತೆ ಹಲವಾರು ಸೂಚ್ಯಂಕಗಳು ಏರಿಕೆ ಕಂಡಿವೆ.

ಹಿಂದೂಸ್ತಾನ್ ಸಮಾಚಾರ್ / Rakesh Mahadevappa