ಮುಂಬೈ, 20 ಜುಲೈ (ಹಿ.ಸ.) :

ಆ್ಯಂಕರ್ : 2025ರ ಹಣಕಾಸು ವರ್ಷದ ಮೊದಲ ಕ್ವಾರ್ಟರ್ ಆಗಿರುವ ಏಪ್ರಿಲ್​ನಿಂದ ಜೂನ್​ವರೆಗಿನ ಅವಧಿಯಲ್ಲಿ ಪೇಟಿಎಂನ ಆದಾಯ ಕುಸಿದಿದೆ. ನಷ್ಟ ಹೆಚ್ಚಿದೆ.

ಒನ್97 ಕಮ್ಯೂನಿಕೇಶನ್ಸ್ ಮಾಲಕತ್ವದ ಪೇಟಿಎಂ ಸಂಸ್ಥೆಯ 2024ರ ಏಪ್ರಿಲ್​ನಿಂದ ಜೂನ್​ವರೆಗಿನ ತ್ರೈಮಾಸಿಕ ಆದಾಯ ವರದಿ ಬಿಡುಗಡೆ ಆಗಿದೆ. ಈ ಮೂರು ತಿಂಗಳಲ್ಲಿ ಅದರ ಆದಾಯ 1,502 ಕೋಟಿ ರೂ ಇದೆ. ಕಳೆದ ವರ್ಷ ಇದೇ ಕ್ವಾರ್ಟರ್​ನಲ್ಲಿ ಅದು 2,342 ಕೋಟಿ ರೂ ಆದಾಯ ಪಡೆದಿತ್ತು. ಆ ಅವಧಿಗೆ ಹೋಲಿಸಿದರೆ ಪೇಟಿಎಂ ಆದಾಯ ಶೇ. 36ರಷ್ಟು ಕಡಿಮೆ ಆಗಿದೆ. ಹಾಗೆಯೇ, ಪೇಟಿಎಂನ ನಿವ್ವಳ ನಷ್ಟ 839 ಕೋಟಿ ರೂಗೆ ಏರಿದೆ. ಹಿಂದಿನ ಅವಧಿಯಲ್ಲಿ 357 ಕೋಟಿ ರೂ ನಷ್ಟ ಹೊಂದಿತ್ತು. ಈ ಬಾರಿ ನಷ್ಟ ಇನ್ನೂ ಅಗಾಧವಾಗಿದೆ. ಇದರ ನಡುವೆ ಪೇಟಿಎಂ ವರದಿಯಲ್ಲಿ ಸಕಾರಾತ್ಮಕ ಸಂಗತಿಗಳೂ ಕೆಲವಿವೆ.

ಪೇಟಿಎಂನ ನೇರ ವೆಚ್ಚದಲ್ಲಿ ಇಳಿಕೆ:

ಪೇಟಿಎಂ ಸಂಸ್ಥೆಯ ನೇರ ವೆಚ್ಚಗಳು ವರ್ಷದ ಹಿಂದೆ 1,037 ಕೋಟಿ ರೂ ಇತ್ತು. ಈ ಕ್ವಾರ್ಟರ್​ನಲ್ಲಿ ಅದು 746 ರೂಗೆ ಇಳಿದೆ. ಆದರೆ, ಪರೋಕ್ಷ ವೆಚ್ಚ 1,220 ಕೋಟಿ ರೂನಿಂದ 1,301 ಕೋಟಿ ರೂಗೆ ಏರಿದೆ.

ಇಲ್ಲಿ ನೇರ ವೆಚ್ಚಗಳೆಂದರೆ ಬ್ಯಾಂಕುಗಳ ಪೇಮೆಂಟ್ ಪ್ರೋಸಸಿಂಗ್ ಶುಲ್ಕ, ಕ್ಯಾಷ್​ಬ್ಯಾಕ್ ಇನ್ಸೆಂಟಿವ್​ಗಳ ವೆಚ್ಚ, ವಿವಿಧ ಕಾಂಟೆಸ್ಟ್​ಗಳು, ಫಾಸ್​ಟ್ಯಾಗ್, ಲಾಜಿಸ್ಟಿಕ್ಸ್, ಸಿಮ್ ವೆಚ್ಚ ಇತ್ಯಾದಿಗಳು ಸೇರುತ್ತವೆ.

ಆಕ್ಸ್​ಫ್ಯಾಮ್, ಪಿಕೆಟ್ಟಿ ವಿರುದ್ಧ ಸಂಜೀವ್ ಸಾನ್ಯಾಲ್ ಗುಡುಗು

ಇನ್​ಡೈರೆಕ್ಟ್ ಎಕ್ಸ್​ಪೆನ್ಸ್ ಅಥವಾ ಪರೋಕ್ಷ ವೆಚ್ಚದಲ್ಲಿ ಮಾರ್ಕೆಟಿಂಗ್, ಉದ್ಯೋಗಿಗಳ ವೆಚ್ಚ, ಸಾಫ್ಟ್​ವೇರ್, ಕ್ಲೌಡ್, ಡಾಟಾ ಸೆಂಟರ್ ಇತ್ಯಾದಿ ತಂತ್ರಜ್ಞಾನ ವೆಚ್ಚಗಳು ಸೇರುತ್ತವೆ.

ಪೇಟಿಎಂಗೆ ಪ್ರಮುಖ ಆದಾಯ ಮೂಲವಾಗಿರುವುದು ವರ್ತಕರು. ಈ ವರ್ತಕರಿಗೆ ವಿತರಿಸಲಾಗಿರುವ ಸಾಲ ಈ ತ್ರೈಮಾಸಿಕ ಅವಧಿಯಲ್ಲಿ 2,508 ಕೋಟಿ ರೂ. ಉನ್ನತ ಗುಣಮಟ್ಟದ ವರ್ತಕರನ್ನು ಗುರುತಿಸಿ ಅವರಿಗೆ ಸಾಲ ನೀಡಲು ತಮ್ಮ ಪಾರ್ಟ್ನರ್ ಸಂಸ್ಥೆಗಳು ಗಮನ ಕೊಡುತ್ತಿವೆ.

ಹಿಂದೂಸ್ತಾನ್ ಸಮಾಚಾರ್

ಹಿಂದೂಸ್ತಾನ್ ಸಮಾಚಾರ್ / ಡಾ.ಪಿ.ವಿ.ಪ್ರಸಾದ ರಾವ್ / ಮನೋಹರ ಯಡವಟ್ಟಿ