ಗದಗ, 06 ಜುಲೈ (ಹಿ.ಸ.)

ಆ್ಯಂಕರ್:

ಹಿಂದಿನ ಬಿಜೆಪಿ ಸರ್ಕಾರದ ಬೇಜವಾಬ್ದಾರಿತನ ಹಾಗೂ ಉದಾಸೀನತೆಯಿಂದಾಗಿ 83 ಲಕ್ಷ ಫಲಾನುಭವಿಗಳ ಕಲ್ಯಾಣ ವ್ಯವಸ್ಥೆಯಲ್ಲಿದ್ದ 11.8 ಲಕ್ಷಕ್ಕೂ ಅಧಿಕ ನಕಲಿ ಖಾತೆಗಳನ್ನು ಕಾಂಗ್ರೆಸ್ ಸರ್ಕಾರವು ಯಶಸ್ವಿಯಾಗಿ ಪತ್ತೆ ಹಚ್ಚಿ ಬಯಲಿಗೆಳೆದಿದೆ ಎಂದು ಗದಗ ಜಿಲ್ಲಾ ಕಾಂಗ್ರೆಸ್ ಪ್ರಚಾರ ಸಮಿತಿ ಅಧ್ಯಕ್ಷ ಅಶೋಕ ಮಂದಾಲಿ ತಿಳಿಸಿದ್ದಾರೆ.

ಈ ಕುರಿತು ಪತ್ರಿಕಾ ಪ್ರಕಟಣೆ ನೀಡಿರುವ ಅವರು, ತಿಂಗಳಿಗೆ 840 ಕೋಟಿ ಹಾಗೂ ವರ್ಷಕ್ಕೆ 10,000 ಕೋಟಿ ರೂ. ಸಾರ್ವಜನಿಕರ ಹಣವನ್ನು ವಂಚಕರ ಪಾಲಾಗಲು ಬಿಟ್ಟಿದ್ದ ಬಿಜೆಪಿಯ ಬೇಜವಾಬ್ದಾರಿತನಕ್ಕೆ ಕಾಂಗ್ರೆಸ್ ಸರ್ಕಾರ ಬ್ರೇಕ್ ಹಾಕಿದೆ. ಪ್ರಸ್ತುತ ಪ್ರತಿಯೊಂದು ಪೈಸೆಗೂ ಕಟ್ಟುನಿಟ್ಟಾದ ಪಾರದರ್ಶಕತೆ ತಂದು ರಾಜ್ಯದ ಬೊಕ್ಕಸವನ್ನು ರಕ್ಷಿಸಿದೆ.

ಕೇವಲ ಶೇ. 1ರಷ್ಟು ದೋಷವಾದರೂ ವರ್ಷಕ್ಕೆ 100 ಕೋಟಿ ರೂ. ಲೂಟಿಯಾಗುವ ಭೀತಿಯಿದ್ದರೂ ಬಿಜೆಪಿ ಸರ್ಕಾರ ಕಣ್ಣುಮುಚ್ಚಿ ಮಜಾ ಮಾಡುವ ಮೂಲಕ ಆಡಳಿತಾತ್ಮಕ ದ್ರೋಹ ಎಸಗಿತ್ತು. ಈ ಮಹಾ ಸೋರಿಕೆಯನ್ನು ಕಾಂಗ್ರೆಸ್ ಸರ್ಕಾರವು ಕಟ್ಟುನಿಟ್ಟಿನ ತಾಂತ್ರಿಕ ಕ್ರಮಗಳ ಮೂಲಕ ಸ್ಥಗಿತಗೊಳಿಸಿದೆ.

2018-23ರ ಆಡಳಿತದಲ್ಲಿ ಕನಿಷ್ಠ ಮಟ್ಟದ ಪರಿಶೀಲನೆಯನ್ನೂ ನಡೆಸದೆ ಘೋರ ವೈಫಲ್ಯ ಪ್ರದರ್ಶಿಸಿದ್ದ ಬಿಜೆಪಿಗೆ ತದ್ದಿರುದ್ಧವಾಗಿ, ಕಾಂಗ್ರೆಸ್ ಸರ್ಕಾರ ಅಧಿಕಾರಕ್ಕೆ ಬಂದ ತಕ್ಷಣವೇ 16.42 ಲಕ್ಷ ಫಲಾನುಭವಿಗಳನ್ನು ತೀವ್ರ ತನಿಖೆಗೆ ಒಳಪಡಿಸಿ ಆಡಳಿತಾತ್ಮಕ ದಕ್ಷತೆ ಮೆರೆದಿದೆ.

ಕಾಲಕಾಲಕ್ಕೆ ಲೆಕ್ಕ ಪರಿಶೋಧನೆ ನಡೆಸದ ಬಿಜೆಪಿಯ ವ್ಯವಸ್ಥಿತ ವೈಫಲ್ಯದಿಂದಾಗಿ ದತ್ತಾಂಶಗಳಲ್ಲಿ ವರ್ಷಗಟ್ಟಲೆ ಭ್ರಷ್ಟಾಚಾರ ತುಂಬಿ ತುಳುಕುತ್ತಿತ್ತು; ಈ ಆಡಳಿತಾತ್ಮಕ ದುಸ್ಥಿತಿಯನ್ನು ಸರಿಪಡಿಸಲು ಕಾಂಗ್ರೆಸ್ ಸರ್ಕಾರ ಅತ್ಯಂತ ಶಿಸ್ತುಬದ್ಧ ಹಾಗೂ ದೃಢವಾದ ತನಿಖಾ ಪ್ರಕ್ರಿಯೆ ಹಮ್ಮಿಕೊಂಡಿದೆ.

ಜಾಣಕುರುಡು ಪ್ರದರ್ಶಿಸುತ್ತಿದ್ದ ಬಿಜೆಪಿಯ ಮುಖವಾಡ ಕಳಚಿ ಭರ್ಜರಿ 91,152 ಅನರ್ಹ ಫಲಾನುಭವಿಗಳನ್ನು ಕಾಂಗ್ರೆಸ್ ಅಧಿಕೃತವಾಗಿ ಪತ್ತೆಹಚ್ಚಿದೆ; ಇದು ಇಷ್ಟು ವರ್ಷಗಳ ಕಾಲ ಸಾರ್ವಜನಿಕ ಹಣವನ್ನು ಲೂಟಿ ಮಾಡಲು ಬಿಟ್ಟಿದ್ದ ಬಿಜೆಪಿ ಸರ್ಕಾರದ ಆಡಳಿತ ದುರಂತಕ್ಕೆ ಪ್ರತ್ಯಕ್ಷ ಸಾಕ್ಷಿಯಾಗಿದೆ.

ಇಷ್ಟೊಂದು ಬೃಹತ್ ಪ್ರಮಾಣದ ನಕಲಿ ಫಲಾನುಭವಿಗಳಿದ್ದರೂ ಪತ್ತೆಹಚ್ಚದ ಬಿಜೆಪಿ ಸರ್ಕಾರದ ನಡೆ ಅವರ ಆಡಳಿತಾತ್ಮಕ ಶಾಮೀಲಾತಿಯನ್ನು ಸಾಬೀತುಪಡಿಸುತ್ತದೆ; ಈ ಗಂಭೀರ ಲೋಪದೋಷಗಳನ್ನು ಕಾಂಗ್ರೆಸ್ ಅತ್ಯಂತ ಜವಾಬ್ದಾರಿಯುತವಾಗಿ ಸಾರ್ವಜನಿಕರ ಮುಂದೆ ಬಯಲಿಗೆಳೆದಿದೆ.

ಬರೋಬ್ಬರಿ 23.13 ಲಕ್ಷಕ್ಕೂ ಅಧಿಕ ಮಾಶಾಸನ ಖಾತೆಗಳನ್ನು ಅತ್ಯಂತ ಕಠಿಣವಾದ ಕಾನೂನು ಸೂಕ್ಷ್ಮ ಪರಿಶೀಲನೆಗೆ ಒಳಪಡಿಸುವ ಮೂಲಕ ಕಾಂಗ್ರೆಸ್ ಸರ್ಕಾರವು ಈ ಹಿಂದೆ ಬಿಜೆಪಿ ಆಡಳಿತದಲ್ಲಿ ರಾಜಾರೋಷವಾಗಿ ನಡೆಯುತ್ತಿದ್ದ ಸಾರ್ವಜನಿಕ ಹಣದ ದುರುಪಯೋಗಕ್ಕೆ ಶಾಶ್ವತ ತಡೆ ಹಾಕಿದೆ.

ಕಚೇರಿಗಳಲ್ಲಿ ಕುಳಿತು ಕಾಲಹರಣ ಮಾಡುತ್ತಿದ್ದ ಬಿಜೆಪಿ ನಾಯಕರ ಭ್ರಷ್ಟ ನೀತಿಯನ್ನು ಬದಿಗೊತ್ತಿ, ಕಾಂಗ್ರೆಸ್ ಸರ್ಕಾರದ ದಕ್ಷ ಅಧಿಕಾರಿಗಳು ಸ್ವತಃ ಕಣಕ್ಕಿಳಿದು ಬರೋಬ್ಬರಿ 20.64 ಲಕ್ಷ ಫಲಾನುಭವಿಗಳನ್ನು ಪ್ರತ್ಯಕ್ಷವಾಗಿ ಮತ್ತು ಭೌತಿಕವಾಗಿ ಪರಿಶೀಲಿಸಿ ಸತ್ಯವನ್ನು ಹೊರಹಾಕಿದ್ದಾರೆ.

ಹಿಂದಿನ ಬಿಜೆಪಿ ಸರ್ಕಾರದ ಕೃಪಾಕಟಾಕ್ಷದಿಂದಾಗಿ 117 ಸರ್ಕಾರಿ ನೌಕರರು ಕಾನೂನುಬಾಹಿರವಾಗಿ ಬಡವರ ನಿವೃತ್ತಿ ವೇತನವನ್ನು ದೋಚುತ್ತಿದ್ದರು. ಈ ವ್ಯವಸ್ಥಿತ ಆಡಳಿತಾತ್ಮಕ ಭ್ರಷ್ಟಾಚಾರದ ಜಾಲವನ್ನು ಕಾಂಗ್ರೆಸ್ ಸರ್ಕಾರವು ಅತ್ಯಂತ ಕಠಿಣವಾಗಿ ಭೇದಿಸಿದೆ.

ಬಿಜೆಪಿ ಸರ್ಕಾರದ ಮೂಗಿನ ನೇರಕ್ಕೆ ನಡೆದ ಈ ವಂಚನೆಯಿಂದಾಗಿ ಸರ್ಕಾರಿ ನೌಕರರು ಮಾತ್ರವೇ ಬರೋಬ್ಬರಿ 5.5 ಕೋಟಿ ರೂ. ಸಾರ್ವಜನಿಕರ ಹಣವನ್ನು ಅಕ್ರಮವಾಗಿ ಲೂಟಿ ಹೊಡೆದಿದ್ದರು. ಈ ಬೃಹತ್ ದ್ರೋಹವನ್ನು ದೇಶದ ಮುಂದೆ ತಂದು ನಿಲ್ಲಿಸಿದ್ದು ಪ್ರಸ್ತುತ ಕಾಂಗ್ರೆಸ್ ಸರ್ಕಾರ ಮಾತ್ರ.

ಆದಾಯ ತೆರಿಗೆ ಪಾವತಿದಾರರು ಮತ್ತು ಇತರೆ ಪ್ರಭಾವಿ ಅನರ್ಹ ವ್ಯಕ್ತಿಗಳು ಬಿಜೆಪಿ ಅವಧಿಯಲ್ಲಿ ಕನಿಷ್ಠ 7.8 ಕೋಟಿ ರೂ. ಹಣವನ್ನು ಯಾರದೋ ಹೆಸರಿನಲ್ಲಿ ಎಗರಿಸಿದ್ದರು. ಇಂತಹ ಗಂಭೀರ ಆರ್ಥಿಕ ಅಪರಾಧಗಳನ್ನು ಪತ್ತೆಹಚ್ಚಿ ತಡೆದಿರುವುದು ಕಾಂಗ್ರೆಸ್ ಸರ್ಕಾರದ ಶ್ರೇಷ್ಠ ಸಾಧನೆಯಾಗಿದೆ.

ಒಟ್ಟಾರೆಯಾಗಿ ಬಿಜೆಪಿ ಆಡಳಿತದ ಅವಧಿಯಲ್ಲಿ ಸಂಗ್ರಹವಾಗಿದ್ದ ಸುಮಾರು 13.3 ಕೋಟಿ ರೂ. ಮೊತ್ತದ ಬೃಹತ್ ಮಾಶಾಸನ ಹಗರಣವನ್ನು ಅಪರಾಧ ತನಿಖಾ ಇಲಾಖೆಯ ತನಿಖೆಯ ಮೂಲಕ ಕಾಂಗ್ರೆಸ್ ಸರ್ಕಾರವು ಸಂಪೂರ್ಣವಾಗಿ ಧೂಳೀಪಟ ಮಾಡಿದೆ.

ಬಡವರಿಗಾಗಿ ಮೀಸಲಿಟ್ಟಿದ್ದ ಹಣವನ್ನು ಲೂಟಿ ಮಾಡುತ್ತಿದ್ದ 13,702 ಆದಾಯ ತೆರಿಗೆ ಪಾವತಿದಾರರನ್ನು ಕಾಂಗ್ರೆಸ್ ಸರ್ಕಾರ ಹೆಡೆಮುರಿ ಕಟ್ಟಿದೆ; ಇದು ಅನರ್ಹ ಶ್ರೀಮಂತರನ್ನು ಪೋಷಿಸುತ್ತಿದ್ದ ಬಿಜೆಪಿ ಸರ್ಕಾರದ ಬಡವರ ವಿರೋಧಿ ಧೋರಣೆಗೆ ಜ್ವಲಂತ ಸಾಕ್ಷಿಯಾಗಿದೆ.

ಅನರ್ಹರು ಮತ್ತು ಶ್ರೀಮಂತರು ಅತ್ಯಂತ ಸುಲಭವಾಗಿ ಬಡವರ ಹಕ್ಕನ್ನು ಕಿತ್ತುಕೊಳ್ಳಲು ಅನುವು ಮಾಡಿಕೊಟ್ಟಿದ್ದ ಹಿಂದಿನ ಬಿಜೆಪಿ ಸರ್ಕಾರದ ದೋಷಪೂರಿತ ದೃಢೀಕರಣ ವ್ಯವಸ್ಥೆಯನ್ನು ಕಾಂಗ್ರೆಸ್ ಸರ್ಕಾರವು ಸಂಪೂರ್ಣವಾಗಿ ನಿರ್ಮೂಲನೆ ಮಾಡಿದೆ.

ಈ ಹಿಂದಿನ ಆಡಳಿತಗಾರರು ವ್ಯವಸ್ಥೆಯನ್ನು ಎಷ್ಟು ಜರ್ಜರಿತಗೊಳಿಸಿದ್ದರೆಂದರೆ, ಕಾಂಗ್ರೆಸ್ ಸರ್ಕಾರವು ಈ ಆಳವಾದ ಭ್ರಷ್ಟಾಚಾರದ ತನಿಖೆಗಾಗಿ ವಿಶೇಷವಾಗಿ ಅಪರಾಧ ತನಿಖಾ ಇಲಾಖೆಯ ಉನ್ನತ ಮಟ್ಟದ ತನಿಖೆಗೆ ಆದೇಶಿಸಬೇಕಾಗಿ ಬಂತು.

ಕೇವಲ ಕೆಲವು ಬಿಡಿಬಿಡಿ ವ್ಯಕ್ತಿಗಳಲ್ಲದೆ ಸರ್ಕಾರಿ ನೌಕರರು ಮತ್ತು ತೆರಿಗೆ ಪಾವತಿದಾರರೇ ಈ ಮಟ್ಟದಲ್ಲಿ ಲೂಟಿಯಲ್ಲಿ ಭಾಗಿಯಾಗಿರುವುದು ಬಿಜೆಪಿಯ ಇಡೀ ಆಡಳಿತ ವ್ಯವಸ್ಥೆಯೇ ಭ್ರಷ್ಟಾಚಾರದಲ್ಲಿ ಮುಳುಗಿತ್ತು ಎಂಬುದನ್ನು ಜಗತ್ತಿಗೆ ಸಾಬೀತುಪಡಿಸುತ್ತದೆ. ಈ ವ್ಯವಸ್ಥಿತ ರೋಗಕ್ಕೆ ಕಾಂಗ್ರೆಸ್ ಸರ್ಕಾರವು ಚಿಕಿತ್ಸೆ ನೀಡಿದೆ.

ಅಕ್ರಮ ಎಸಗಿದವರನ್ನು ರಕ್ಷಿಸುತ್ತಿದ್ದ ಬಿಜೆಪಿ ಸರ್ಕಾರದ ತರಹ ವರ್ತಿಸದೆ, ಕಾಂಗ್ರೆಸ್ ಸರ್ಕಾರವು ಅನರ್ಹ ಫಲಾನುಭವಿಗಳಿಂದ ಕಾನೂನುಬಾಹಿರವಾಗಿ ಪಡೆದ ಪ್ರತಿಯೊಂದು ರೂಪಾಯಿಯನ್ನು ಮುಟ್ಟುಗೋಲು ಹಾಕಿಕೊಳ್ಳಲು ಈಗಾಗಲೇ ತೀವು ವಸೂಲಾತಿ ಪ್ರಕ್ರಿಯೆಯನ್ನು ಆರಂಭಿಸಿದೆ.

ಭ್ರಷ್ಟಾಚಾರಕ್ಕೆ ಪ್ರೋತ್ಸಾಹ ನೀಡುತ್ತಿದ್ದ ಹಿಂದಿನ ವ್ಯವಸ್ಥೆಗೆ ಮುಕ್ತಾಯಹಾಡಿರುವ ಕಾಂಗ್ರೆಸ್ ಸರ್ಕಾರವು ಅಕ್ರಮವಾಗಿ ಹಣ ಬಿಡುಗಡೆ ಮಾಡಿದ ಹಾಗೂ ನಕಲಿ ಖಾತೆಗಳಿಗೆ ಸಹಿ ಹಾಕಿದ ಪ್ರತಿಯೊಬ್ಬ ಹೊಣೆಗೇಡಿ ಅಧಿಕಾರಿಯ ವಿರುದ್ಧವೂ ಕಠಿಣ ಕಾನೂನು ಕ್ರಮ ಜರುಗಿಸುವುದಾಗಿ ಎಚ್ಚರಿಸಿದೆ.

ಭೌತಿಕ ತಪಾಸಣೆಯ ಸಮಯದಲ್ಲಿ ಬರೋಬ್ಬರಿ 2.53 ಲಕ್ಷಕ್ಕೂ ಅಧಿಕ ಫಲಾನುಭವಿಗಳು ತಮ್ಮ ನೋಂದಾಯಿತ ವಿಳಾಸದಲ್ಲೇ ಇಲ್ಲದಿರುವುದು ಪತ್ತೆಯಾಗಿದೆ. ಈ ಮೂಲಕ ಬಿಜೆಪಿ ಸರ್ಕಾರವು ತನ್ನ ರಾಜಕೀಯ ಲಾಭಕ್ಕಾಗಿ ಕೇವಲ ಕಾಗದದ ಮೇಲೆ ನಕಲಿ ಖಾತೆಗಳನ್ನು ಸೃಷ್ಟಿಸಿತ್ತು ಎಂಬುದು ಸಾಬೀತಾಗಿದೆ.

ಸೂಕ್ಷ್ಮ ಪರಿಶೀಲನೆಯ ವೇಳೆ ಬರೋಬ್ಬರಿ 15.43 ಲಕ್ಷ ಫಲಾನುಭವಿಗಳು ಯಾವುದೇ ಮಾನ್ಯತೆ ಪಡೆದ ಅಧಿಕೃತ ದಾಖಲೆಗಳನ್ನು ಸಲ್ಲಿಸಲು ವಿಫಲರಾಗಿದ್ದಾರೆ. ಕನಿಷ್ಠ ದಾಖಲೆಗಳೂ ಇಲ್ಲದ ಇಷ್ಟೊಂದು ದೊಡ್ಡ ಸಂಖ್ಯೆಯ ಜನರಿಗೆ ಬಿಜೆಪಿ ಸರ್ಕಾರವು ಕಣ್ಣುಮುಚ್ಚಿ ಸಾರ್ವಜನಿಕ ನಿಧಿಯನ್ನು ಹಂಚುತ್ತಿತ್ತು ಎಂಬುದು ಸಾಬೀತಾಗಿದೆ.

ದತ್ತಾಂಶಗಳನ್ನು ವರ್ಷಗಟ್ಟಲೆ ನವೀಕರಿಸದೆ ಕೇವಲ ಭ್ರಷ್ಟಾಚಾರಕ್ಕೆ ರಹದಾರಿ ಮಾಡಿಕೊಟ್ಟಿದ್ದ ಹಿಂದಿನ ಬಿಜೆಪಿ ಸರ್ಕಾರದ ನಿಷ್ಕ್ರಿಯತೆಯನ್ನು ತೊಡೆದುಹಾಕಲು ಕಾಂಗ್ರೆಸ್ ಸರ್ಕಾರವು ಪ್ರಸ್ತುತ ಮಾಹಿತಿ ತಂತ್ರಜ್ಞಾನ ಆಧಾರಿತ ಅತ್ಯಾಧುನಿಕ ದತ್ತಾಂಶ ನವೀಕರಣ ಪ್ರಕ್ರಿಯೆಯನ್ನು ಜಾರಿಗೆ ತಂದಿದೆ

ಅತ್ಯಂತ ಕ್ರಾಂತಿಕಾರಕ ಆಡಳಿತಾತ್ಮಕ ನಿರ್ಧಾರವನ್ನು ಕೈಗೊಂಡ ಕಾಂಗ್ರೆಸ್ ಸರ್ಕಾರವು ತಕ್ಷಣವೇ ಜಾರಿಗೆ ಬರುವಂತೆ 18.45 ಲಕ್ಷ ಸಂಶಯಾಸ್ಪದ ಖಾತೆಗಳ ಹಣ ಬಿಡುಗಡೆಯನ್ನು ತಾತ್ಕಾಲಿಕವಾಗಿ ತಡೆಹಿಡಿದು, ಬಿಜೆಪಿ ಅವಧಿಯಿಂದ ಹರೆಯುತ್ತಿದ್ದ ಅಕ್ರಮ ಧನದ ಹರಿವನ್ನು ಸ್ಥಗಿತಗೊಳಿಸಿದೆ.

ಬಿಜೆಪಿ ನಾಯಕರಂತೆ ಕ್ರೂರ ಮತ್ತು ಉದಾಸೀನ ಮನೋಭಾವ ಪ್ರದರ್ಶಿಸದೆ, ನಿಜವಾದ ಅರ್ಹ ಬಡ ಜನರಿಗೆ ಯಾವುದೇ ತೊಂದರೆಯಾಗಬಾರದು ಎಂಬ ಮಾನವೀಯ ಉದ್ದೇಶದಿಂದ ಕಾಂಗ್ರೆಸ್ ಸರ್ಕಾರವು ದಾಖಲೆಗಳನ್ನು ಸರಿಪಡಿಸಲು 30 ದಿನಗಳ ನ್ಯಾಯಸಮ್ಮತ ಕಾಲಾವಕಾಶವನ್ನು ನೀಡಿದೆ.

ಬಿಜೆಪಿ ಕಾಲದ ಲೋಪದೋಷಗಳಿಂದ ಕೂಡಿದ್ದ ಹಳೆಯ ಹಸ್ತಚಾಲಿತ ವ್ಯವಸ್ಥೆಯನ್ನು ಸಂಪೂರ್ಣವಾಗಿ ರದ್ದುಗೊಳಿಸಿರುವ ಕಾಂಗ್ರೆಸ್ ಸರ್ಕಾರವು ಪ್ರಸ್ತುತ ಆಧಾರ್ ಆಧಾರಿತ ಅತ್ಯಾಧುನಿಕ ಗಣಕೀಕೃತ ತಂತ್ರಜ್ಞಾನದ ಮೂಲಕ ವಂಚಕರನ್ನು ಪತ್ತೆಹಚ್ಚುವ ಕೆಲಸ ಮಾಡುತ್ತಿದೆ.

ವಿದ್ಯುನ್ಮಾನ ಆಡಳಿತದ ಬಗ್ಗೆ ಕನಿಷ್ಠ ಜ್ಞಾನವೂ ಇಲ್ಲದ ಹಿಂದಿನ ಬಿಜೆಪಿ ನಾಯಕರಿಗೆ ಅಸಾಧ್ಯವಾಗಿದ್ದ ಇಲಾಖಾ ಸಮನ್ವಯತೆಯನ್ನು ಕಾಂಗ್ರೆಸ್ ಸರ್ಕಾರವು ವಿಭಿನ್ನ ಸರ್ಕಾರಿ ದತ್ತಾಂಶಗಳನ್ನು ಯಶಸ್ವಿಯಾಗಿ ಸಂಯೋಜಿಸುವ ಮೂಲಕ ಸಾಧಿಸಿ ತೋರಿಸಿದೆ.

. ಸತ್ತವರ ಹೆಸರಿನಲ್ಲೂ ಹಣ ಲೂಟಿ ಮಾಡಲು ಅವಕಾಶ ಮಾಡಿಕೊಟ್ಟಿದ್ದ ಬಿಜೆಪಿಯ ದುರ್ಬಲ ವ್ಯವಸ್ಥೆಯನ್ನು ಕಾಂಗ್ರೆಸ್ ಸರ್ಕಾರವು ಮಾಶಾಸನ ದಾಖಲೆಗಳೊಂದಿಗೆ ಆದಾಯ ತೆರಿಗೆ, ಉದ್ಯೋಗ ಮತ್ತು ಮರಣ ದಾಖಲೆಗಳನ್ನು ಲಿಂಕ್ ಮಾಡುವ ಮೂಲಕ ವಂಚನೆಯನ್ನು ಶಾಶ್ವತವಾಗಿ ನಿರ್ಬಂಧಿಸಿದೆ.

ತಜ್ಞರ ನಿರಂತರ ಎಚ್ಚರಿಕೆಗಳ ಹೊರತಾಗಿಯೂ ವಾರ್ಷಿಕ ಲೆಕ್ಕ ಪರಿಶೋಧನೆಯನ್ನು ನಿರ್ಲಕ್ಷಿಸಿದ್ದ ಬಿಜೆಪಿ ಸರ್ಕಾರದ ಆರ್ಥಿಕ ಅಪರಾಧಕ್ಕೆ ಬ್ರೇಕ್ ಹಾಕಿರುವ ಕಾಂಗ್ರೆಸ್ ಸರ್ಕಾರವು ಇನ್ನು ಮುಂದೆ ವಾರ್ಷಿಕ ತಪಾಸಣೆಯನ್ನು ಕಾಯ್ದೆಬದ್ಧಗೊಳಿಸಿ ನಿಯಮ ರೂಪಿಸಿದೆ.

ಹಿಂದಿನ ಬಿಜೆಪಿ ಸರ್ಕಾರವು ಕಟ್ಟುನಿಟ್ಟಾದ ವಾರ್ಷಿಕ ಪರಿಶೀಲನೆಗಳನ್ನು ನಡೆಸಿದ್ದರೆ ಸಾರ್ವಜನಿಕರ ನೂರಾರು ಕೋಟಿ ರೂಪಾಯಿ ಹಣ ದುರುಪಯೋಗವಾಗುತ್ತಿರಲಿಲ್ಲ. ಬಿಜೆಪಿಯ ಈ ಆಡಳಿತಾತ್ಮಕ ದ್ರೋಹದಿಂದ ರಾಜ್ಯದ ಬೊಕ್ಕಸವನ್ನು ರಕ್ಷಿಸಿದ ಕೀರ್ತಿ ಕಾಂಗ್ರೆಸ್ ಪಕ್ಷಕ್ಕೆ ಸಲ್ಲುತ್ತದೆ.

ಬರೋಬ್ಬರಿ 20 ಲಕ್ಷಕ್ಕೂ ಅಧಿಕ ಖಾತೆಗಳನ್ನು ಮರುಪರಿಶೀಲಿಸಬೇಕಾದ ಅನಿವಾರ್ಯತೆ ಸೃಷ್ಟಿಯಾಗಿದ್ದೇ ಬಿಜೆಪಿ ಸರ್ಕಾರವು ವರ್ಷಗಟ್ಟಲೆ ಉಂಟುಮಾಡಿದ್ದ ಆಡಳಿತಾತ್ಮಕ ಕೊಳಕು ಮತ್ತು ನಿರ್ಲಕ್ಷ್ಯದ ಬೆಟ್ಟದಿಂದ ಎಂಬುದನ್ನು ಸಾರ್ವಜನಿಕರು ಅರಿತಿದ್ದಾರೆ.

ಬಿಜೆಪಿ ಸರ್ಕಾರದ ಅವಧಿಯಲ್ಲಿ ಅಕ್ರಮ ಧಂದೆಯಿಂದಾಗಿ ತಳಮಟ್ಟದ ಕ್ಷೇತ್ರ ಮೇಲ್ವಿಚಾರಣಾ ವ್ಯವಸ್ಥೆಯು ಸಂಪೂರ್ಣವಾಗಿ ಹಳ್ಳ ಹಿಡಿದಿತ್ತು. ಈ ಧ್ವಂಸಗೊಂಡಿದ್ದ ಇಡೀ ತಪಾಸಣಾ ಯಾಂತ್ರಿಕತೆಯನ್ನು ಕಾಂಗ್ರೆಸ್ ಸರ್ಕಾರವು ಅತ್ಯಂತ ಶೀಘ್ರವಾಗಿ ಪುನಶ್ಚತನಗೊಳಿಸಿದೆ.

ಯಾವುದೇ ದೂರದೃಷ್ಟಿ ಇಲ್ಲದ ಹಿಂದಿನ ಬಿಜೆಪಿ ಸರ್ಕಾರವು ಎಂದಿಗೂ ಯೋಚಿಸದ ನೈಜ ಸಮಯದ ಗಣಕೀಕೃತ ಪರಿಶೀಲನಾ ವ್ಯವಸ್ಥೆಯನ್ನು ಕಾಂಗ್ರೆಸ್ ಸರ್ಕಾರವು ಅತ್ಯಂತ ಕಟ್ಟುನಿಟ್ಟಾಗಿ ರೂಪಿಸುತ್ತಿದೆ.

ನಕಲಿ ಖಾತೆಗಳನ್ನು ವ್ಯವಸ್ಥೆಯಿಂದ ಸಂಪೂರ್ಣವಾಗಿ ಹೊರಹಾಕುವ ಮೂಲಕ ಕಾಂಗ್ರೆಸ್ ಸರ್ಕಾರವು ಹೆಚ್ಚಿನ ಆರ್ಥಿಕ ಸಂಪನ್ಮೂಲವನ್ನು ಸೃಷ್ಟಿಸಿದ್ದು ಅದನ್ನು ನಿಜವಾದ ಅರ್ಹ ಹಿರಿಯ ನಾಗರಿಕರು ಮತ್ತು ವಿಕಲಚೇತನರ ಕಲ್ಯಾಣಕ್ಕೆ ಬಳಸುತ್ತಿದೆ.

ಒಮ್ಮೆ ಯೋಜನೆ ಜಾರಿಗೊಳಿಸಿ ನಂತರ ಸಂಪೂರ್ಣವಾಗಿ ನಿದ್ದೆಗೆ ಜಾರುತ್ತಿದ್ದ ಬಿಜೆಪಿಯ ಅದಕ್ಷ ಆಡಳಿತ ವೈಫಲ್ಯವನ್ನು ಹೋಗಲಾಡಿಸಿರುವ ಕಾಂಗ್ರೆಸ್ ಸರ್ಕಾರವು ನಿರಂತರ ಮತ್ತು ಕಟ್ಟುನಿಟ್ಟಾದ ಆಡಳಿತ ಮೇಲ್ವಿಚಾರಣೆ ವ್ಯವಸ್ಥೆಯನ್ನು ಜಾರಿಗೆ ತಂದಿದೆ.

ಬಿಜೆಪಿ ಪೂರ್ತಿಯಾಗಿ ಧ್ವಂಸ ಮಾಡಿ ಹೋಗಿದ್ದ ಇಡೀ ಕಲ್ಯಾಣ ವ್ಯವಸ್ಥೆಗೆ ಈ ಮಹಾ ಸ್ವಚ್ಛತಾ ಅಭಿಯಾನದ ಮೂಲಕ ಕಾಂಗ್ರೆಸ್ ಸರ್ಕಾರವು ಇವತ್ತು ಹೊಸ ಕಳೆ, ಪಾರದರ್ಶಕತೆ ಹಾಗೂ ವಿಶ್ವಾಸಾರ್ಹತೆಯನ್ನು ಮರುಸ್ಥಾಪಿಸಿದೆ ಎಂದು ಗದಗ ಜಿಲ್ಲಾ ಕಾಂಗ್ರೆಸ್ ಪ್ರಚಾರ ಸಮಿತಿ ಅಧ್ಯಕ್ಷ ಅಶೋಕ ಮಂದಾಲಿ ಹರ್ಷ ವ್ಯಕ್ತಪಡಿಸಿದ್ದಾರೆ.

---------------

ಹಿಂದೂಸ್ತಾನ್ ಸಮಾಚಾರ್ / lalita MP