ಬೆಂಗಳೂರು, 21 ಜೂನ್ (ಹಿ.ಸ.) :

ಆ್ಯಂಕರ್ : ದಕ್ಷಿಣ ಭಾರತದ ಖಾದ್ಯಗಳಲ್ಲಿ ತನ್ನ ವಿಶಿಷ್ಟ ಖಾರ ಮತ್ತು ಘಾಟು ರುಚಿಯಿಂದ ಪ್ರಸಿದ್ಧಿ ಪಡೆದಿರುವ ಆಂಧ್ರ ಪ್ರದೇಶದ ಗುಂಟೂರು ಚಿಕನ್, ಮಾಂಸಾಹಾರ ಪ್ರಿಯರ ನೆಚ್ಚಿನ ಖಾದ್ಯಗಳಲ್ಲಿ ಒಂದಾಗಿದೆ. ಗುಂಟೂರು ಜಿಲ್ಲೆಯ ಪ್ರಸಿದ್ಧ ಕೆಂಪು ಮೆಣಸಿನಕಾಯಿಯ ಸುವಾಸನೆ ಮತ್ತು ಖಾರದ ಸಮ್ಮಿಶ್ರಣದಿಂದ ಈ ತಿನಿಸು ವಿಶಿಷ್ಟ ರುಚಿಯನ್ನು ಪಡೆದುಕೊಂಡಿದೆ. ಬಿಸಿ ಅನ್ನ, ರೊಟ್ಟಿ ಅಥವಾ ನಾನ್ ಜೊತೆ ಸವಿದರೆ ಇದರ ರುಚಿ ಇನ್ನಷ್ಟು ಹೆಚ್ಚುತ್ತದೆ.

ಬೇಕಾಗುವ ಸಾಮಗ್ರಿಗಳು

500 ಗ್ರಾಂ ಚಿಕನ್

2 ದೊಡ್ಡ ಈರುಳ್ಳಿ (ಸಣ್ಣದಾಗಿ ಕತ್ತರಿಸಿದ)

2 ಟೊಮ್ಯಾಟೊ (ಸಣ್ಣದಾಗಿ ಕತ್ತರಿಸಿದ)

8–10 ಒಣ ಕೆಂಪು ಮೆಣಸಿನಕಾಯಿ

2 ಟೀ ಸ್ಪೂನ್ ಕೆಂಪು ಮೆಣಸಿನ ಪುಡಿ

10 ಬೆಳ್ಳುಳ್ಳಿ ಕಾಳು

1 ಇಂಚು ಶುಂಠಿ

1 ಕೊಂಬೆ ಕರಿಬೇವು

1 ಟೀ ಸ್ಪೂನ್ ಜೀರಿಗೆ

1 ಟೀ ಸ್ಪೂನ್ ಧನಿಯಾ ಪುಡಿ

ಉಪ್ಪು – ರುಚಿಗೆ ತಕ್ಕಷ್ಟು

3 ಟೇಬಲ್ ಸ್ಪೂನ್ ಎಣ್ಣೆ

ಕೊತ್ತಂಬರಿ ಸೊಪ್ಪು – ಅಲಂಕಾರಕ್ಕೆ

ತಯಾರಿಸುವ ವಿಧಾನ

ಮೊದಲು ಬಾಣಲೆಗೆ ಎಣ್ಣೆ ಹಾಕಿ ಬಿಸಿ ಮಾಡಿ ಜೀರಿಗೆ ಹಾಗೂ ಕರಿಬೇವನ್ನು ತಾಳಿಸಬೇಕು. ನಂತರ ಈರುಳ್ಳಿಯನ್ನು ಸೇರಿಸಿ ಬಂಗಾರದ ಬಣ್ಣ ಬರುವವರೆಗೆ ಹುರಿಯಬೇಕು. ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ ಹಾಕಿ ಕಚ್ಚು ವಾಸನೆ ಹೋಗುವವರೆಗೆ ಚೆನ್ನಾಗಿ ಕಲಸಬೇಕು.

ಆ ಬಳಿಕ ಟೊಮ್ಯಾಟೊ ಸೇರಿಸಿ ಮೃದುವಾಗುವವರೆಗೆ ಬೇಯಿಸಿ, ಕೆಂಪು ಮೆಣಸಿನ ಪುಡಿ, ಧನಿಯಾ ಪುಡಿ, ಉಪ್ಪು ಹಾಗೂ ನೆನೆಸಿದ ಒಣ ಮೆಣಸಿನಕಾಯಿ ಪೇಸ್ಟ್ ಸೇರಿಸಿ ಮಸಾಲೆಯನ್ನು ಚೆನ್ನಾಗಿ ಹುರಿಯಬೇಕು. ನಂತರ ಚಿಕನ್ ತುಂಡುಗಳನ್ನು ಸೇರಿಸಿ ಮಸಾಲೆ ಚೆನ್ನಾಗಿ ಅಂಟುವಂತೆ 8 ರಿಂದ 10 ನಿಮಿಷಗಳ ಕಾಲ ಹುರಿಯಬೇಕು.

ಸ್ವಲ್ಪ ನೀರು ಸೇರಿಸಿ ಮುಚ್ಚಳ ಹಾಕಿ ಮಧ್ಯಮ ಉರಿಯಲ್ಲಿ 20 ರಿಂದ 25 ನಿಮಿಷಗಳ ಕಾಲ ಬೇಯಿಸಬೇಕು. ಚಿಕನ್ ಸಂಪೂರ್ಣವಾಗಿ ಬೇಯಿ, ಎಣ್ಣೆ ಮೇಲಕ್ಕೆ ತೇಲಲು ಆರಂಭಿಸಿದಾಗ ಒಲೆ ಆರಿಸಬೇಕು. ಕೊನೆಯಲ್ಲಿ ಕೊತ್ತಂಬರಿ ಸೊಪ್ಪಿನಿಂದ ಅಲಂಕರಿಸಿದರೆ ರುಚಿಕರವಾದ ಗುಂಟೂರು ಚಿಕನ್ ಸವಿಯಲು ಸಿದ್ಧವಾಗುತ್ತದೆ.

ವಿಶೇಷ ಸಲಹೆಗಳು

ಗುಂಟೂರು ಚಿಕನ್ನ ನಿಜವಾದ ರುಚಿ ಪಡೆಯಲು ಗುಂಟೂರು ಒಣ ಮೆಣಸಿನಕಾಯಿಯನ್ನು ಬಳಸುವುದು ಉತ್ತಮ. ಅಡುಗೆ ಮಾಡುವ ಮೊದಲು ಚಿಕನ್ಗೆ ಉಪ್ಪು, ಅರಿಶಿನ ಮತ್ತು ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ ಹಾಕಿ ಸುಮಾರು 30 ನಿಮಿಷ ಮೆರಿನೇಟ್ ಮಾಡಿದರೆ ಇನ್ನಷ್ಟು ರುಚಿ ಹೆಚ್ಚುತ್ತದೆ. ಈ ಖಾರವಾದ ಖಾದ್ಯವನ್ನು ಬಿಸಿ ಅನ್ನ, ಜೋಳದ ರೊಟ್ಟಿ, ಚಪಾತಿ ಅಥವಾ ನಾನ್ ಜೊತೆಗೆ ಸವಿದರೆ ಅತ್ಯುತ್ತಮ ಅನುಭವ ಸಿಗುತ್ತದೆ.

ಹಿಂದೂಸ್ತಾನ್ ಸಮಾಚಾರ್ / Rakesh.M.B.