ನವದೆಹಲಿ, 26 ಮೇ (ಹಿ.ಸ.) :

ಆ್ಯಂಕರ್ : ಭಾರತೀಯ ಜನತಾ ಪಕ್ಷದ ರಾಷ್ಟ್ರೀಯ ಅಧ್ಯಕ್ಷ ನಿತಿನ್ ನಬಿನ್ ಅವರು ಇಂದು “ಭಾಜಪಾವನ್ನು ತಿಳಿಯಿರಿ” ಕಾರ್ಯಕ್ರಮದಡಿ 12 ದೇಶಗಳ ಪ್ರತಿನಿಧಿಗಳು ಹಾಗೂ ಮಿಷನ್ ಮುಖ್ಯಸ್ಥರೊಂದಿಗೆ ಮಹತ್ವದ ಸಂವಾದ ನಡೆಸಲಿದ್ದಾರೆ. ಈ ಕಾರ್ಯಕ್ರಮವು ಇಂದು ಸಂಜೆ 4 ಗಂಟೆಗೆ ನವದೆಹಲಿಯಲ್ಲಿರುವ ಬಿಜೆಪಿ ಕೇಂದ್ರ ಕಚೇರಿಯಲ್ಲಿ ನಡೆಯಲಿದೆ.

ಭಾಜಪಾ ವಿದೇಶಾಂಗ ವಿಭಾಗದ ಪ್ರಭಾರಿ ವಿಜಯ್ ಚೌಥೈವಾಲೆ ಕಾರ್ಯಕ್ರಮದ ಕುರಿತು ಮಾಹಿತಿ ನೀಡಿದ್ದು, “ಭಾಜಪಾವನ್ನು ತಿಳಿಯಿರಿ” ಉಪಕ್ರಮವು ಬಿಜೆಪಿ ಪಕ್ಷದ ಐತಿಹಾಸಿಕ ಪಯಣ, ತತ್ವಸಿದ್ಧಾಂತ, ಸಂಘಟನಾ ರಚನೆ, ಸುಶಾಸನ ಮಾದರಿ ಹಾಗೂ ವಿವಿಧ ಸಾಮಾಜಿಕ ಮತ್ತು ರಾಜಕೀಯ ಚಟುವಟಿಕೆಗಳನ್ನು ವಿಶ್ವದ ರಾಜತಾಂತ್ರಿಕ ಸಮುದಾಯಕ್ಕೆ ಪರಿಚಯಿಸುವ ಉದ್ದೇಶ ಹೊಂದಿದೆ ಎಂದು ತಿಳಿಸಿದ್ದಾರೆ.

ರಾಷ್ಟ್ರೀಯ ಅಧ್ಯಕ್ಷರಾಗಿ ಅಧಿಕಾರ ಸ್ವೀಕರಿಸಿದ ನಂತರ ನಿತಿನ್ ನಬಿನ್ ಅವರು ಮಿಷನ್ ಮುಖ್ಯಸ್ಥರೊಂದಿಗೆ ನಡೆಸುತ್ತಿರುವ ಇದು ಮೊದಲ ಅಧಿಕೃತ ಸಂವಾದವಾಗಿದ್ದು, ಬಿಜೆಪಿ ಮತ್ತು ವಿದೇಶಿ ರಾಜತಾಂತ್ರಿಕ ವಲಯಗಳ ನಡುವಿನ ಸಂಬಂಧ ವಿಸ್ತರಣೆಗೆ ಇದು ಮಹತ್ವದ ಹೆಜ್ಜೆಯಾಗಿ ಪರಿಗಣಿಸಲಾಗಿದೆ.

ಕಾರ್ಯಕ್ರಮದಲ್ಲಿ ವಿವಿಧ ದೇಶಗಳ ರಾಯಭಾರ ಕಚೇರಿಗಳ ಹಿರಿಯ ಅಧಿಕಾರಿಗಳು, ಪ್ರತಿನಿಧಿಗಳು ಹಾಗೂ ಮಿಷನ್ ಮುಖ್ಯಸ್ಥರು ಭಾಗವಹಿಸಲಿದ್ದು, ಭಾರತದ ರಾಜಕೀಯ ವ್ಯವಸ್ಥೆ, ಆಡಳಿತ ಮಾದರಿ ಮತ್ತು ಬಿಜೆಪಿಯ ಕಾರ್ಯಪದ್ಧತಿ ಕುರಿತು ಚರ್ಚೆಗಳು ನಡೆಯಲಿವೆ.

ಹಿಂದೂಸ್ತಾನ್ ಸಮಾಚಾರ್ / Rakesh.M.B.