ನವದೆಹಲಿ, 06 ಅಕ್ಟೋಬರ್ (ಹಿ.ಸ.):

ದೇಶೀಯ ಷೇರುಪೇಟೆ ಮಂಗಳವಾರ ಸತತ ಎರಡನೇ ದಿನವೂ ಏರಿಕೆಯೊಂದಿಗೆ ವಹಿವಾಟು ಆರಂಭಿಸಿದೆ. ಎರಡೂ ಪ್ರಮುಖ ಸೂಚ್ಯಂಕಗಳು ಹಸಿರು ಬಣ್ಣದಲ್ಲಿ ವಹಿವಾಟು ನಡೆಸುತ್ತಿದ್ದು, ಸೆನ್ಸೆಕ್ಸ್ 200ಕ್ಕೂ ಹೆಚ್ಚು ಅಂಕ ಹಾಗೂ ನಿಫ್ಟಿ ಸುಮಾರು 80 ಅಂಕಗಳ ಏರಿಕೆ ದಾಖಲಿಸಿದೆ.

ಬಾಂಬೆ ಷೇರುಪೇಟೆಯ ಸಂವೇದಿ ಸೂಚ್ಯಂಕ ಸೆನ್ಸೆಕ್ಸ್ 212.41 ಅಂಕ ಅಂದರೆ ಶೇ.0.29ರಷ್ಟು ಏರಿಕೆ ಕಂಡು 72,594.88 ಅಂಕಗಳಲ್ಲಿ ವಹಿವಾಟು ನಡೆಸಿತು. ರಾಷ್ಟ್ರೀಯ ಷೇರುಪೇಟೆಯ ನಿಫ್ಟಿ ಕೂಡ 79.70 ಅಂಕ ಅಂದರೆ ಶೇ.0.35ರಷ್ಟು ಏರಿಕೆಯಾಗಿ 22,635.45 ಅಂಕಗಳಿಗೆ ತಲುಪಿತು.

ಆರಂಭಿಕ ವಹಿವಾಟಿನಲ್ಲಿ ಬ್ಯಾಂಕಿಂಗ್ ಕ್ಷೇತ್ರ ಹಾಗೂ ಷೇರುಪೇಟೆಗೆ ಸಂಬಂಧಿಸಿದ ಕೆಲವು ಕಂಪನಿಗಳ ಷೇರುಗಳ ಖರೀದಿಗೆ ಉತ್ತಮ ಪ್ರತಿಕ್ರಿಯೆ ಕಂಡುಬಂತು. ಕೋಟಕ್ ಮಹೀಂದ್ರಾ ಬ್ಯಾಂಕ್ ಮತ್ತು ಬಿಎಸ್ಇ ಷೇರುಗಳು ಶೇ.3ರಷ್ಟು ಏರಿಕೆ ದಾಖಲಿಸಿದವು.

ಇದಕ್ಕೂ ಮುನ್ನ ಸೋಮವಾರ ಸೆನ್ಸೆಕ್ಸ್ 472.77 ಅಂಕ ಅಂದರೆ ಶೇ.0.66ರಷ್ಟು ಏರಿಕೆಯಾಗಿ 72,382.47 ಅಂಕಗಳಲ್ಲಿ ವಹಿವಾಟು ಮುಗಿಸಿತ್ತು. ನಿಫ್ಟಿ ಕೂಡ 133.80 ಅಂಕ ಅಂದರೆ ಶೇ.0.60ರಷ್ಟು ಏರಿಕೆಯಾಗಿ 22,555.75 ಅಂಕಗಳಲ್ಲಿ ದಿನದ ವಹಿವಾಟು ಅಂತ್ಯಗೊಳಿಸಿತ್ತು.

--------

ಹಿಂದೂಸ್ತಾನ್ ಸಮಾಚಾರ್ / Rakesh.M.B.